LUKA 15:29 - Jinghpaw Hanson Version Bible

²⁹ Dai kasha chyawm gaw, “Yu u, nde nlaw ning tup na a nchyang amu ngai galaw nna, nang tawn da ai hku ngai galoi mung n lai nngai: rai timung, nye jinghku ni hte pyaw pyaw rai nga na, nang lang mi muk bainam kasha langai mi pyi, ngai hpe n jaw yu ndai:

Jinghpaw Common Language Bible 2009

²⁹ Rai ti mung shi gaw, ‘Yu u, nde nlaw ning tup mayam langai mi zawn na a amu galaw ya ni ai; na a hkang ai ga ni hpe ngai galoi n lale ga nngai; rai ti mung, nye a kanawn manang ni hte pyaw poi sha na matu bainam kasha langai mi pyi nang ngai hpe galoi n jaw ndai.

LUKA 15:29 ပူးပေါင်းရင်းမြစ်များ

ESAIA 65:5

bai shanhte gaw, “Nang hkrai kaga tsap nga u, ngai kaw hkum ni; ngai gaw nang hta grau chyoi pra nga nngai,” nga nna tsun ma ai. shing re ai ni gaw nye a ladi hta wan hkut, tutnawng hkru nga ai wan zawn, rai nga ai.

ZEHKARIA 7:3

Betela mare na ni, Sharezera yan Regem-melek hte shan hte rau nga ai ni hpe, shangun dat mu ai.

MALAHKI 3:14

Nanhte gaw, Karai Kasang hpe daw jau na, be be kaman sha rai nga ai; shi a matsun maroi ga hkan Dai shaloi e nanhte gaw myit kayin nna, dinghpring ai wa hte, tara n lang ai wa hpe, Karai Kasang hpe daw jau ai wa hte n daw n jau ai wa hpe, chye ginhka lu na marin dai, nga nang nna, sharung shayawt hpun palawng bu hpun let, Zaw nawng zaw wa up ai Yehowa man e hkawm nga ai gaw, hpa akyu pru a ta?

MAHTE 20:12

Hpang jahtum shang ai ndai ni gaw hkying mi sha chyang ma timung, dai ni tup lit gun hpai ai hte anhte jan ja hkrum sha ai ni hte maren, nang shanhte hpe di mu ai, ngu nna nta madu hpe angun aput mu ai.

LUKA 15:28

Dai na jang shi masin pawt nna, nhku de n shang wa hkraw ai. Shaloi shi a kawa pru sa nna, shi hpe sa nem wu ai.

LUKA 15:30

shawa num ni hte kanawn nna, na a sutrai ginlut shamat kau ai ndai na nsha wa bai wa jang chyawm gaw, kawn tawn ai dumsu kasha, shi a matu nang sat nit hka,” ngu nna shi a kawa hpe htan wu ai.

LUKA 15:7

Nanhte hpe ngai tsun made ga, ‘Dai hte maren, myit malai lu shara n nga dum ai, dinghpring ai masha jahku shi jahku a majaw kabu gara ai hta, myit malai lu dum ai yubak kap ai masha langai mi a majaw, sumsing lamu kata e grau nna kabu gara shara rai na ra ai.

LUKA 17:10

Dai hte maren nanhte mung tsun matsun yawng hpe hkan shatup ngut jang she, ‘Anhte gaw akyu n rawng ai mayam ni rai nga ga ai; galaw ra ai hpunda hte sha anhte shatup saga ai,’ ngu mu,” ngu wu ai.

LUKA 18:9

Tinang hkum hpe dingman dum nna, masha kaga hpe hpa n nawn ai ni nkau mi hpe, ndai ga shadawn mung shi tsun mu ai gaw,

LUKA 19:21

kahti kari re ai wa nang rai nga ndai majaw, ngai nang hpe hkrit nngai: n tawn n da ai arai nang magawn la nna, n gat n hkai ai kaw na, nang dan la ga ndai,” ngu wu ai.

ROMA 10:3

Karai Kasang a dinghpring ai lam hpe n chye n chyang ma ai rai nna, tinang a dinghpring ai lam hpe shagrin da na chyam yu ma ai majaw, shanhte Karai Kasang a dinghpring ai lam a npu e n taw ma ai.

ROMA 3:20

kaning rai nme law, dai jep ai tara hte yubak lam hpe chye ginhka lu ai majaw, jep ai tara a magam bungli hku hte shi a man e kadai mung dinghpring ai kaw n du lu ma ai.

ROMA 3:27

Dai rai yang gaw, gumrawng shara kanang nga a ta? Dai gaw ban shadang mat sai. Gara tara hte ban shadang mat a ta? magam bungli tara hte rai kun? n rai law, kamsham ai tara hte ban shadang mat sai.

ROMA 7:9

Ngai chyawm gaw tara hta n nga ai wa, lang mi e pra nga nngai: rai timung dai ga matsun pru wa yang, yubak prawn wa ai, ngai mahtang si wa nngai;

SHINGRAN 2:17

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, makoi da ai manna hpe mung, ahpraw nsan ai lungdin hpe mung, ngai jaw na nngai: dai lungdin hta amying ningnan ka da nga ai rai nna, dai hpe lu la ai wa hta kaga, kadai mung dai amying hpe n chye ya lu ai.

SHINGRAN 3:17

Kaning rai nme law, Ngai gaw sut su nga nngai, ngai hta sut ring gan chying sali ai, ngai hpa n ra ni ai, nga ninglen, tsin-yam tsindam hkrum ai wa, chyaren garen ai wa, matsan mayan, myi kyaw ai hte singgu krin re ai wa, nang rai nga ndai hpe, nang n chye n hka!