LUKA 15:18 - Jinghpaw Hanson Version Bible

¹⁸ ngai rawt nna nye wa kaw wa nhtawm, Wa e, sumsing lamu a man e mung, na a man e mung, ngai shut ni ai:

Jinghpaw Common Language Bible 2009

¹⁸ Ngai rawt nna, nye wa kaw wa nhtawm, wa e, Karai Kasang hpe mung, nang hpe mung, ngai shut ni ai.

LUKA 15:18 ပူးပေါင်းရင်းမြစ်များ

2 HKAWHKAM LABAU 33:19

Shi akyu hpyi nna, Karai Kasang hpe tawngban ai lam, shi myit garai n nem yang na, shi a yubak mara, shi shut hpyit ai hte tsaw ai kawng ni a shara ni de da nna, Asherim sumla ni hte tawk ka ai sumla ni hpe shadun ai lam, myihtoi ni a laika hta ka da nga ai.

SHAKAWN KUNGDAWN 25:11

Yehowa e, na amying majaw, nye a yubak hpe dat kau ya e: Kaning rai nme law, dai gaw kaba nga li ai.

GA SHAGAWP 23:13

Ma kaji hpe n sharin ai, hkum nga et; Ri tawng hte kayat timung, shi n si na re ai.

ESAIA 63:16

Abraham anhte hpe n chye, Israela anhte hpe n hkap la timung, nang nan, Yehowa e, anhte a Wa rai nga ndai; gaja wa, nang anhte a Wa rai nga ndai; anhte hpe mawai la ai wa e, na a amying ningsang moi chyaloi kaw nna rai nga ai.

YEREMIA 3:19

Rai timung ngai gaw, Nang hpe kasha ni hta kaning di yin la nna, ngamu ngamai ai mungdan, maigan amyu baw ni a kaja htum ai sali wunli ga, nang hpe kaning di jaw na rai ta? ngu nna san yang, Nang gaw ngai hpe, Nye Wa, nga na rin dai; ngai kaw na mung, yit mat wa lu na n rai, nga nna ngai htan nngai.

YEREMIA 31:20

Ehprim gaw ngai tsawra ai kasha, n rai ni? grai tsawra ai ma, n rai ni? shi hpe daru shagu grai wa naw dum nga nngai; dai re ai majaw, ngai shi a matu myit ndawt nga nngai; gaja wa ngai shi hpe matsan dum na nngai, nga nna Yehowa tsun ai.

SHARUNG SHAYAWT 3:29

Myit mada shara nga nhten, nga nna tinang a n-gup hpe ga nhpu hta amawp u ga.

SHARUNG SHAYAWT 3:40

Anhte gaw, tinang hkan ai lam hpe sagawn yu nna, Yehowa hpang de nhtang wa saga.

Daniela 4:26

Rai timung hpun du hpe ngam da na htet da ai lam gaw, Sumsing Lamu up nga ai hpe nang chye matsing ai hpang, na a mungdan gaw na a lata e grin nga na lam rai nga ai.

YONA 2:4

Le asin amun sung ai shara kata, nammukdara a hpungtang de, Nang ngai hpe gumpye bang kau ni ai; Hka hpungla ni ngai hpe kawan mi ai, Na a hka leng kaba nlang hte hte, na a gumdin gumhkaw ni, Nye a ntsa e lwi nga ma ai.

YONA 3:9

Karai Kasang gaw myit malai, myit nem na hte, anhte n hten u ga, shi a pawt bu ai myit n galai na, kadai chye lu a ta?” nga nna ga shabra ma ai.

MAHTE 3:6

tinang a yubak hpe shapraw dan let shi a lata hte Yawdan hka hta e baptisma hkam la ma ai.

MAHTE 6:14

Kaning rai nme law, masha ni a shut hpyit ai hpe nanhte raw kau ya myit yang gaw, nanhte a lamu na Kawa gaw, nanhte a shut hpyit ai hpe mung, raw kau ya na myit dai;

MAHTE 6:9

Dai rai nna, nanhte gaw ning ngu akyu hpyi mu, Sumsing lamu na anhte a Wa e, Na a amying nsang chyoi pra nga lit ga;

MAHTE 7:11

Dai rai nna, nanhte pyi n hkru nga myit dai mi, tinang a kasha ni hpe kaja ai kumhpa chye jaw myit yang gaw, dai hta grau n-ga, sumsing lamu na nanhte a Kawa gaw, shi hpe hpyi ai ni hpe kaja ai kumhpa jaw na n rai hka!

LUKA 11:2

Shaloi shi gaw, “Nanhte akyu hpyi yang ning ngu mu: ‘Wa e, Na a mying ningsang chyoi pra nga lit ga; Na a mungdan du wa ru ga.

LUKA 15:17

Shing rai shi myit dum yang, ‘Nye wa a shabrai sha ai ni gade wa n taw n tsang muk sha lu nga ma hka! ngai wa gaw ndai yang e kawsi kyet ai hte hten bya magang wa nga nngai:

LUKA 15:19

ya kaw nna na nsha ngu na, ngai n ging n dan nngai: na shabrai sha ai masha langai mi zawn ngai hpe tawn da e law, ngu na we ai,’ nga ai.

LUKA 15:21

Shaloi kasha gaw, ‘Wa e, sumsing lamu a man e mung, na a man e mung, ngai shut ni ai: ya kaw nna na nsha ngu na ngai n ging n dan nngai: (na a shabrai sha ai masha langai mi zawn, ngai hpe tawn da e law)’ ngu nna kawa hpe tsun nem wu ai.

LUKA 18:13

Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.