LUKA 15:15 - Jinghpaw Hanson Version Bible

¹⁵ Shaloi dai mung na masha langai mi kaw shi sa shingbyi nga ai: dai wa mung shi a prang ga de, shi hpe wa rem shangun dat wu ai.

Jinghpaw Common Language Bible 2009

¹⁵ Shing rai dai mung na masha langai mi kaw, amu galaw ya na nga nna sa shingbyi nga ai: dai wa mung shi hpe sun de, wa ni hpe sa rem na matu shangun dat wu ai.

LUKA 15:15 ပူးပေါင်းရင်းမြစ်များ

2 HKAWHKAM LABAU 28:22

Ndai hkawhkam Ahaza gaw, ndai aten e nde wa tsin-yam tsindam hkrum timung, Yehowa hpe grau nna shut kau nga ai.

PRU MAT 10:3

Shaloi Mawshe ya Arun gaw Hpara-u kaw sa shang nna, Hebre masha ni a Karai Kasang Yehowa ning nga ai: “Nang nye a man e na a myit n shagrit ai galoi du hkra nga na ta? nye a amyu ngai hpe sa naw jau mu ga, shanhte hpe dat dat u:

ESAIA 1:5

Nanhte ari naw hkrum hkra, hpa majaw gumlau shanang nga myit ta? baw ting hpye nga ai, kraw lawang mung, gawng kya nga ai.

ESAIA 57:17

Shi a n hkru ai lawhpa myit majaw, ngai masin pawt nna, shi hpe ari jaw we ai: ngai myi man makoi nna pawt sindawng nga nngai; shi mung tinang ra ai hku hkan nna, nhtang mat wa sai.

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

EZEKELA 16:52

Na nnau nna ni hpe nang awlaw shangun ndai majaw, nang hkrum na ra ai kaya kahpa hpe hkam la u: shanhte galaw yu ai yubak hta, nang galaw yu ai matsat shabat lam, grau kaba nga ai majaw, shanhte gaw nang hta grau dinghpring nga ma ai: gaja wa, nang gaw na nnau nna ni hpe awlaw shangun ndai majaw, nang mak mat nna, hkrum na ra ai kaya kahpa hpe hkam la u, nga nna madu Yehowa tsun ai.”

EZEKELA 16:63

nang galaw yu ai yubak mahkra hpe, ngai raw dat kau yang, nang myit dum nna, kaya ai hte mak mat ai majaw, htawm hpang de n-gup n hpaw ai nga nga na ndai,’ nga nna Madu Yehowa tsun ai,” nga ai.

NAHUM 3:6

Nang hpe matsat shabat kabai bun nna, awu asin di kau nhtawm, masha ni a man e kumla shatai na nngai.

MALAHKI 2:9

Dai rai nna, nanhte gaw nye a lam n hkan ai hte, tara dara yang, myi man tau ai majaw, amyu masha ni mahkra a man e, ngai nanhte hpe nhpu nru di nna, shayuk kau na nngai.

MAHTE 7:6

Chyoi pra ai arai hpe gwi ni hpe hkum jaw mu; nanhte a hkachyi ni hpe wa ni man e hkum kabai tawn mu: shing n rai jang, dai ni tinang a lagaw hte dai hpe kabye kau nna, nanhte hpe nhtang kawa na marin dai.

LUKA 15:13

Dai hpang nhtoi gade ya n na yang, kasha kaji gaw arai mahkra shinggyin la nhtawm, tsan ai mung de sa wa nna, dai shara e pyaw daw kadaw hkawm nga ai hte, shi a sutrai ginlut shamat kau wu ai.

LUKA 15:14

Shing rai lu malu shamat kau ma jang, dai mung e hku wa kaba hku wa ai rai nna, shi matsan chyaren hkrum magang nga ai.

LUKA 15:16

Shaloi shi gaw, wa ni sha ai shapre kawp hte pyi, shi a kan jahkru mayu timung, gade e mung n jaw sha mu ai.

ROMA 6:22

Ya chyawm gaw yubak kaw na shalawt dat ai hkrum nna, Karai Kasang a ali ama ni tai nga myit dai majaw, chyoi pra hkam na ngu ai akyu gaw, nanhte lu la myit dai: de a chyahtum madaw gaw htani htana asak rai nga ai.

TITU 3:3

Kaning rai nme law, anhte mung shawng de gaw myit ngawk ai, n madat n mara ai, lam dam nna, ngang kayut ai hte pyaw daw kadaw ai lam amyu myu hkan galaw yu ai ni, n hkru n hkra ai hte manawn masham hta hkan len nga let, matsat shabat re ai ni, manang shada da n dawng n yawt re ai ni, rai nga ga ai.