LUKA 14:26 - Jinghpaw Hanson Version Bible

²⁶ “Ngai kaw sa du ai wa kadai mung, tinang a kanu kawa, madu jan kasha ni hte, kahpu kanau kajan ni hpe mung, dai hta n ga tinang a asak hpe mung, n dawng n rai yang gaw, dai wa gaw nye a sape n tai lu ai.

Jinghpaw Common Language Bible 2009

²⁶ “Ngai hpang de sa ai wa kadai rai ti mung, tinang a kanu kawa, tinang a madu jan kasha ni hte tinang hkum nan hpe tsaw ra ai hta ngai hpe grau tsaw ra ai wa sha n rai yang gaw, nye a sape n tai lu ai.

LUKA 14:26 ပူးပေါင်းရင်းမြစ်များ

SHAKAWN KUNGDAWN 139:22

N dawng n yawt ai myit yawng hte, Ngai shanhte hpe n dawng n yawt da mawe ai; Ngai hpe gumlau ai ni zawn, ngai shanhte hpe nawn da mawe ai.

BU HKAWM 10:30

Hoba chyawm gaw, “Ngai n hkan na nngai; nye a buga, nye a baw sang ni hpang de she ngai wa na nngai,” ngu nna Mawshe hpe htan wu ai.

MAHTE 10:37

Kadai mung, ngai hpe tsawra ai hta, kanu kawa hpe grau nna tsawra ai wa gaw, ngai hte n ging n dan nga ai: ngai hpe tsawra ai hta, shayi shadang sha hpe grau nna tsawra ai wa mung, ngai hte n ging n dan nga ai.

LUKA 14:20

Langai wa mi mung, ‘Ngai num la ni ai rai nna, n sa lu nngai,’ ngu wu ai.

LUKA 14:25

Dai shaloi shawa hpung kaba shi hte rau sa wa nga ai rai nna, dai ni hpe kayin yu let,

YAWHAN 12:25

Tinang a asak lahpawt ai wa gaw asak sum na ra ai: ndai mungkan ga e tinang asak hpe n dawng ai wa chyawm gaw, htani htana na asak lu la hkra, tinang a asak hpe makawp ai tai na ra ai.

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

ROMA 9:13

Dai hte maren, Yaku hpe ngai tsawra nna, Esaw hpe ngai n dawng n yawt nngai, nga nna ka da nga ai.

TARA JAHPRANG 21:15

Masha langai ngai num lahkawng lu nna, langai mi hpe tsawra nhtawm, langai mi hpe n tsaw n ra wu ai; dai lahkawng yan kasha shaprat ai hta shawng shangai ai alat gaw n tsaw num a kasha mahtang re ai rai yang;

TARA JAHPRANG 33:9

Shi gaw kanu kawa hpe pyi, kanu kawa n nga, Tinang hpunau wa hpe mung n da, Kashu kasha hpe pyi n chye, nga hkra, Na a mungga madat mara nna, Na a ga shaka hkan nang masai.

HPILIPI 3:8

Gaja wa nye a Madu Hkristu Yesu a chye chyang ai lam a chyahtum chyalai re ai a jaw e, yawng mayawng sum mat ai lam arai nga ai, ngai nawn nga nngai.

SHINGRAN 12:11

Shanhte gaw, Sagu Kasha a asai majaw mung, tinang sakse hkam ai mungga a majaw mung, shi hpe dang kau lu mu ai rai nna, si ai du hkra tinang a asak hpe n lahpawt ma ai.