LUKA 13:34 - Jinghpaw Hanson Version Bible

³⁴ “Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! u kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu timung, nanhte n hkraw myit dai.

Jinghpaw Common Language Bible 2009

³⁴ “Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai.

LUKA 13:34 ပူးပေါင်းရင်းမြစ်များ

NEHEMIA 9:26

“Rai timung, shanhte n madat nga ma ai hte, nang hpe gumlau let, na a tara hpe shingdu kayin kau ai hte, nang hpang de kayin wa na matu, na a lam sakse hkam ya ai, na a myihtoi ni hpe, sat kau nna, grai wa shut hpyit nga ma ai.

NEHEMIA 9:30

Shing rai, shaning law law wa nang shanhte a lam shakut sharang nna, na a Wenyi shadut ai a jaw e, na a myihtoi ni a n-gup hte shadum jahprang timung, shanhte n madat nga ma ai: dai re ai majaw, dai mung na maigan ni a lata hta, nang shanhte hpe ap kau mu ai.

SHAKAWN KUNGDAWN 149:2

Israela gaw shi a Hpan Wa Ningsang hta kabu nga nna, Ziun a kashu kasha ni shanhte a Hkawhkam hta, sharawng awng nga mu ga.

SHAKAWN KUNGDAWN 17:8

Ngai hpe zingri nga ai tara n lang ai ni hte, Nye a asak hpe grup grup kawan nga ai gumlau ni kaw na,

SHAKAWN KUNGDAWN 36:7

Karai Kasang e, na a chyeju gade wa hpu nga lit hka! Masha kasha ni, na singkaw a shingnip hta shingbyi nga ma ai.

SHAKAWN KUNGDAWN 57:1

Karai Kasang e, ngai hpe matsan dum la e. Nye a myit masin nang hta shingbyi nga ai majaw, ngai hpe matsan dum la e. Dai jahten shabyak ai amu lai mat wa hkra, Na a singkaw a shingnip hta ngai shawung nga na nngai.

SHAKAWN KUNGDAWN 81:13

Nye a amyu nye a ga madat nna, Israela nye a lam hta hkawm a taw gaw:

SHAKAWN KUNGDAWN 91:4

Shi a singkaw mun hte shi nang hpe magap da nna, Shi a singkaw npu e, nang shim nga lu na ndai: Shi a sadi sahka gaw, n-gang hte hpyen palawng rai nga ai.

ESAIA 30:15

Bai, Israela a Chyoi pra ai Wa Madu Yehowa gaw, “Nanhte myit kayin nna asim sha nga ai gaw, nanhte a hkye hkrang la ai lam rai nga ai; asim sha nga let kamsham ai hte nanhte n-gun lagaw lu la na myit dai; rai timung, dai lam nanhte n ra myit dai.

ESAIA 50:2

Ngai sa du yang hpa majaw masha kata, ngai shaga yang, htan ai wa hpa majaw n nga a ta? Nye a lata gaw gadun nna, n hkye hkrang la lu ai rai ni? ngai gaw mawai la lu na atsam n rawng a ni? Yu u, ngai daru yang, nammukdara ni hkyet kan mat nna, hka nu ni zaibru jang, tai mat wa ai: hka n nga ai majaw, nga ni hpang kara ai hte si wa nna, manam hkying nga ma ai.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

YEREMIA 35:14

Tsabyi jahku n lu na matu, Rehkab a kasha Yonadab gaw, shi a kashu kasha ni hpe htet da ai ga grin nga nna, shanhte gaw tinang a kawa htet da ai hte maren, dai ni du hkra tsabyi jahku n lu ma ai: ngai chyawm gaw jau jau rawt nna, nanhte hpe a tsun nga timung, nanhte nye a ga n madat myit dai.

YEREMIA 6:16

Yehowa ning nga ai: “Lam mashe makau e tsap nna mada yu mu; myi na lam dingsa ni hpe tam let, Kaja ai lam gara mahtang rai ta? nga nna san let, dai hku hkan mu; shing rai yang, nanhte a myit masin ban sa na ra ai; rai timung, Anhte n hkan na ga ai, nga nna shanhte htan ma ai.

SHARUNG SHAYAWT 1:16

Dai majaw ngai hkrap nna, myi prwi abya nga nngai; Nye a asak hpe lahku na, shalan shabran ai wa gaw, ngai hte tsan nga ai: Hpyen wa dang ai majaw, nye a kashu kasha ni htum mat masai.

SHARUNG SHAYAWT 4:13

Dai gaw myihtoi ni a yubak hte hkinjawng ni shut hpyit ai a majaw byin wa sai. Shanhte gaw dai mare ka-ang e, dinghpring ai ni a sai ru kau masai.

HOSEA 11:2

Myihtoi ni gaw shanhte hpe je shaga, shanhte je lam dam mat wa ma ai: shanhte gaw Balim hpara ni hpe hkungga nawng ya nna, tawk ai sumla ni hpe manam pyaw ai baw nat nawng ya ma ai.

HOSEA 11:7

Nye a amyu masha ni gaw, ngai kaw na htak mat mayu ai myit rawng nga ma ai: Tsaw htum ai wa hpang de shanhte hpe shaga timung, shi hpe shagrau sha-a mayu ai wa langai mi n nga ai.”

YOELA 2:23

Dai rai nna, Ziun a kashu kasha ni e, kabu gara nga mu; nanhte a Karai Kasang Yehowa hta, sharawng awng nga mu: kaning rai nme law, shi gaw marang nhpaw hpe, ram ai hte maren, nanhte hpe jaw manit dai; gaja wa shi gaw, shawng shata kaw nna, marang nhpaw hte marang shadoi nanhte a ntsa e jahtu nu ai.

ZEHKARIA 1:4

Zaw nawng zaw wa up ai Yehowa ning nga ai: ‘Nanhte a n hkru n hkra ai lam hte, n shawp ai lailen kau da nna, ngai hpang de wa marit,’ nga nna moi na myihtoi ni tsun jahtau timung, nye a ga n na la ai hte, nye a lam n madat hkraw ai, nanhte a nji nwa ni zawn, hkum rai myit, nga nna Yehowa tsun ai.

MAHTE 22:3

dai poi de shaga da sai ni hpe bai shaga la na, nga nna shi a mayam ni hpe shangun dat timung, shanhte n sa hkraw ma ai.

MAHTE 22:6

Naw nga ai ni mahtang gaw, shi a mayam ni hpe rim la nna, aroi arip di nhtawm, sat kau mu ai.

LUKA 15:28

Dai na jang shi masin pawt nna, nhku de n shang wa hkraw ai. Shaloi shi a kawa pru sa nna, shi hpe sa nem wu ai.

LUKA 19:44

nang hpe mung, na a kashu kasha ni hpe mung, ga hte azat kayau kau ai nhtoi gaw, nang kaw pru na ra ai rai nna, nang hta nlung langai mi a ntsa e nlung langai mi pyi n ngam mara lu ai rai na ra ai,” ngu wu ai.

LUKA 23:28

Yesu gaw shanhte hpang de kayin nna, “Yerusalem shayi sha ni e, nye a majaw hkum hkrap myit: nanhte hkum dai hte, nanhte a nshu nsha ni a matu hkrap nga mu:

KASA 7:52

Nanhte a nji nwa ni n zingri yu ai myihtoi, kadai wa nga a ta? Dai Dingman ai Wa paw pru na lam htawn tsun ai ni hpe, shanhte sat kau ma ai; ya nanhte mung dai wa hpe ap kau ai ni, sat kau ai ni, rai nga myit dai;

KASA 7:59

Shing rai kabai nga ma yang Stehpan gaw akyu hpyi let, “Madu Yesu e, nye a wenyi hkap la ya e,” nga ai.

KASA 8:1

Shawlu mung shi hpe sat kau ai amu hta awlaw lawm nga ai. Dai shani e Yerusalem mare na Hpung gaw zingri zingrat kaba hkrum wa ai rai nna, kasa ni hta kaga, gale nlang hte gaw, Yuda mung, Samari mung, shara magup hkan e bra mat wa ma ai.

TARA JAHPRANG 32:29

Shanhte hpaji byeng-ya lu la nna, ndai lam chye na lu mu ga law, Hpang jahtum e hpa byin hpa tai na, aru yu mu ga le!

TARA JAHPRANG 5:29

Shanhte hte shanhte a kashu kasha prat dingsa ngamu ngamai lu hkra, ngai e hkrit hkungga nna ngai hkang da mada hkan sa mayu ai myit tutnawng rawng nga mu ga.

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.