LUKA 13:32 - Jinghpaw Hanson Version Bible

³² “Dai chyahkyawn hpe ning ngu wa tsun mu, ‘Yu u, dai ni hte hpawt ni nhtoi hta mung, ngai nat shaden kau nna machyi makaw shamai ya na rai nga nngai; masum ya nhtoi du jang she nye amu ngut na,’ rai nga ai:

Jinghpaw Common Language Bible 2009

³² Yesu gaw, “Dai chyahkyawn hpe ning ngu wa tsun mu, ‘Dai ni hte hpawt ni na nhtoi ni hta ngai nat ni hpe shaden kau nna, machyi makaw shamai ya na rai nga nngai; masum ya nhtoi du jang, nye a amu ngut na, rai nga ai.’

LUKA 13:32 ပူးပေါင်းရင်းမြစ်များ

Shawlumon A Mahkawn Ga 2:15

Tsabyi ru ni hpe jahten ai nam gwi ni hte, Nam gwi hkalung ni hpe, an a matu rim la mu: An a tsabyi ru ni gaw apu pu masai, nga ai.

EZEKELA 13:4

Israela amyu e, na a myihtoi ni gaw, akrin akraw re ai shara ni hta rawng ai nam gwi ni hte bung nga ma ai.

ZEHPANI 3:3

Shi a du ni gaw, dai mare ka-ang e shabam ai hkanghkyi rai nga ma ai; tara agyi ni gaw, hpang jahpawt du hkra hpa n ngam da ai, shana kawan hkawm ai chyahkyawn, rai nga ma ai.

MARKU 6:14

Shaloi Herod hkawhkam gaw dai lam hpe na wu ai: kaning rai nme law, Yesu a amying dan hkung wa lu ai rai nna, masha ni gaw, baptisma jaw ai Yawhan gaw si ai ni kaw na bai hkrung rawt wa sai; dai majaw, dai magam amu hte gaw, dai wa hta e pra pra rai pru nga ai;

YAWHAN 10:32

Yesu gaw, “Nye Wa kaw na amu kaja law law wa ngai nanhte hpe madun masade ai: dai amu ni hta na gara mahtang a majaw, ngai hpe nlung hte kabai na myit ta?” ngu nna san wu ai.

YAWHAN 19:30

Yesu gaw dai ntsin hkri hkap lu ngut jang, “Ngut masali ai,” nga nhtawm, baw nga di nna, nsa jahti kau wu ai.

HEBRE 2:10

Kaning rai nme law, kashu kasha law law hpe hpung shingkang hkam la ai de woi wa yang, shanhte a hkye hkrang la ai lam a agyi wa hpe nni nkri hte jahkum shatsup na yawng hpe up nna, yawng a npawt rai nga ai Karai Wa gaw, mai di nga ai.

HEBRE 5:9

dai hte hkum tsup wa lu ngut jang, shi gaw, shi a ga madat mara ai ni yawng mayawng a matu, htani htana hkye hkrang la ai a npawt tai wa ai hte,

HEBRE 7:28

Jep ai tara gaw, hkinjawng agyi aya hta mara kap ai masha hpe dang da nga ai; jep ai tara a hpang e pru ai dagam ai ga chyawm gaw, tutnawng e hkum hkum tsup tsup re ai Kasha wa hpe dang da nga ai.