LUKA 13:17 - Jinghpaw Hanson Version Bible

¹⁷ Shing ngu tsun jang, shi hte nhtan shai ai ni nlang hte gaw kaya mat shajang ma ai: shawa masha ni yawng hte chyawm gaw, shi galaw ai hpung shingkang amu mahkra a majaw, kabu gara shajang nga ma ai.

Jinghpaw Common Language Bible 2009

¹⁷ Shi htan ai ga a majaw, shi hpe hpyen tai ai ni kaya mat shajang ma ai. Shawa masha ni yawng chyawm gaw, shi galaw ai mauhpa amu mahkra a majaw kabu gara shajang nga ma ai.

LUKA 13:17 ပူးပေါင်းရင်းမြစ်များ

SHAKAWN KUNGDAWN 109:29

Ngai hte nhtan shai ai ni, myi man sum ai bu hpun nna, Kaya kahpa nba zawn, shanhte hpe htinggrum mu ga.

SHAKAWN KUNGDAWN 111:3

Shi a bungli arawng sadang hte hpung shingkang rai nga ai; Shi a dinghpring ai gaw, prat dingsa e anga nga ai.

SHAKAWN KUNGDAWN 132:18

Shi hpe gumlau ai ni ngai kaya kahpa hte htinggrum da na mawe ai; Shi a janmau chyawm gaw, shi a ntsa e arawng pu na ra ai, nga nna tsun ai.

SHAKAWN KUNGDAWN 40:14

Nye a sumri sumdam hpe dan na tam ai ni, Kaya kahpa jawm hkrum nna, myi man sum mu ga: Ngai hpe tsin-yam tsindam jahkrum mayu ai ni, kanut mat wa nna, arawng sum mat mu ga.

PRU MAT 15:11

Yehowa e, hpara ni hta nang zawn re ai kadai wa nga na a ta? Mauhpa ningsam madun let, shakawn ging ai hkrithpa lam shapraw nna, Chyoi Pra ai hta dan hkung nga ai wa, nang zawn re ai kadai nga a ta?

ESAIA 4:2

Dai shani e Yehowa a Makrung gaw tsawm pra ai hte arawng sadang pu na ra ai rai nna, mungdan a namsi gaw, lawt lu ai Israela masha ni a matu, kaja htum ai hte htaphtuk na ra ai.

ESAIA 45:24

“Yehowa hta chyu sha dinghpring ai hte n-gun atsam rai nga ai da,” nga nna nye a lam tsun da sai; masha ni gaw shi hpang de du na mara ai; shi hpe pawt sindawng ai ni yawng, kaya kahpa hkrum na mara ai.

ESAIA 66:5

Yehowa mungga majaw hkrit gari ai ni e, shi a ga madat mu: “Nanhte hpe n dawng n yawt ai hte, nye a amying majaw nanhte hpe kau da ai nhpu nnau ni gaw, Nanhte kabu gara nga ai, anhte mu lu hkra, Yehowa gaw hpung shingkang pru u ga,” nga nna tsun jahpoi timung, shanhte nan kaya kahpa hkrum na mara ai.

LUKA 14:6

Shanhte chyawm gaw dai ga hpe hpa n htan lu ma ai.

LUKA 18:43

Dai wa gaw shaloi jang myi mu lu nna, Karai Kasang hpe shagrau sha-a let shi kaw hkan nang wu ai: hkan nang ai ni nlang hte gaw dai lam hpe mu jang, Karai Kasang hpe shakawn kungdawn nga ma ai.

LUKA 19:48

rai timung, shawa masha ni nlang hte gaw, shi a sharin shaga ai ga hta madat noi nga nga ma ai majaw, kaning di na lam mung, n mu mu ai.

LUKA 20:40

Kaning rai nme law, dai ni gaw shi hpe hpa lam mung bai n san wam manu ai.

KASA 4:21

Shaloi shanhte gaw, mung masha ni hpe tau yu let, shan hpe ari jaw na lam n mu mu ai majaw, shan hpe bai daru nna dat dat mu ai; kaning rai nme law, dai byin ai amu majaw, masha nlang Karai Kasang hpe shagrau sha-a ma ai.

2 TIMOHTI 3:9

Rai timung, dai yan a lam dan leng pru wa ai zawn, ndai ni a ngawk ai lam mung, masha mahkra a man e dan leng wa na ra ai rai nna ya na made hta shanhte n lai lu na ma ai.

TITU 2:8

nhtan shai ai wa gaw kaya hkrum nna, anhte a lam hpa mara n shagun lu u ga, na a sharin shaga ai lam hta, n sun n ang ai ga n nang ai, si si re ai hte kadai ndang shara n rawng ai, san seng ai mungga madun dan u.

1 PETRU 3:16

shing rai, nanhte myit nsam kaja rawng myit yang gaw, Hkristu hta lakap nna, nanhte hkan ai arawn alai a majaw, nanhte hpe ndang hkat nga ai hte aroi arip nga ai ni, kaya kahpa hkrum mat mu ga.