LUKA 13:15 - Jinghpaw Hanson Version Bible

¹⁵ Shaloi dai Madu shi hpe, “Sawt ai masha ni e, nanhte langai hte langai laban nhtoi e tinang a yamnga lawze hpe ntsin shayaw na ulawng na raw dat ga myit dai, n rai ni?

Jinghpaw Common Language Bible 2009

¹⁵ Shaloi, dai Madu gaw shi hpe, “Sawt ai masha ni nanhte hta na kadai mung, Bansa Nhtoi e tinang a dumsu, lawze ni hpe ntsin shayaw na matu wulawng kaw na raw dat nna woi sa ga myit dai.

LUKA 13:15 ပူးပေါင်းရင်းမြစ်များ

YOBA 34:30

Shing rai, n shawp ai wa gaw, up nga lu na, n rai; amyu masha ni hpe mahkam hkam ai wa nga lu na, n rai.

GA SHAGAWP 11:9

N shawp ai wa a n-gup gaw, htingbu wa hpe shayuk kau nga ai; Dinghpring ai wa chyawm gaw, chye chyang ai hte lawt lu na ra ai.

ESAIA 29:20

Kaning rai nme law, gumshem ai wa gaw htum mat nna, jahpoi ai wa gaw n nga sai;

MAHTE 15:14

Shanhte gaw nga nga mu ga: myi kyaw ninglen lam madun ai ni rai nga ma ai: myi kyaw ai wa gaw, myi kyaw wa hpe lam madun a taw gaw, shan lahkawng gaw nhkun kata de hkrat na mara ai,” ngu mu ai.

MAHTE 15:7

Sawt ai ni e, “Ndai amyu gaw, tinang a nten hte ngai hpe hkungga lara rai ma timung, Tinang a myit gaw, ngai hte tsan gang malu ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

MAHTE 23:28

Dai hte maren nanhte gaw, shinggan de e masha ni a man e dingman ai ni zawn rai nga myit timung, kata de gaw sawt ai hte tara lai ai amu hkrai hpring chyat nga myit dai.

MAHTE 7:5

Sawt ai wa e, na a myi hta na hpuntawng hpe shawng lai kau u; dai hpang, na a nhpu nnau a myi na nbun hpe lai kau ya na, nang asan sha mu lu na rin dai.

LUKA 12:1

Dai shaloi masha hkying mun wa zuphpawng nga nna, shada da kabye hkra rai nga ma yang, shi a sape ni hpe shi shawng tsun hpang mu ai gaw, “Sawt ai myit ngu ai, Hparishe ni a matsi hpe koi kau mu.

LUKA 14:5

Shi shanhte hpe mung, “Nanhte hta tinang a kasha, shing n rai, yamnga, laban nhtoi shani e hka htung hta hkrat bang yang, shaloi jang n dun shaw la ai nga na, kadai wa rai myit ta?” ngu nna tsun mu ai.

LUKA 6:42

Tinang myi hta rawng ai hpuntawng hpe pyi, n mu ai wa mi, ‘Hpunau wa e, na myi hta rawng ai nbun hpe ngai naw lai kau ya de ga,’ nga nna nhpu nnau wa hpe kaning rai tsun lu n ta? Sawt ai wa e, na a myi hta na hpuntawng hpe shawng lai kau u; dai hpang, na nhpu nnau wa a myi hta rawng ai nbun hpe lai kau ya na, nang asan sha mu na rin dai.

LUKA 7:13

Madu gaw dai numsha hpe mu jang, shi hpe matsan yu dum nna, Hkum hkrap et, shi hpe ngu wu ai.

LUKA 7:19

Dai rai nna Yawhan gaw shi a sape lahkawng shaga la nhtawm, dai Madu hpang de shangun dat nna, Nang gaw dai du sa na ra ai wa rai nga n ni? shing n rai, kaga hpe anhte naw myit mada lu na rai nga a ni? ngu nna san dat wu ai.