LUKA 12:8 - Jinghpaw Hanson Version Bible

⁸ Kadai rai timung masha ni a man e ngai hpe yin la yang gaw, dai Masha Kasha mung, Karai Kasang a lamu kasa ni a man e, dai wa hpe yin la na wu ai:

Jinghpaw Common Language Bible 2009

⁸ “Nanhte hpe ngai tsun made ga, kadai rai ti mung masha ni a man e ngai hpe yin la ai wa hpe, Masha Kasha mung dai hte maren Karai Kasang a lamu kasa ni a man e shi hpe yin la na ra ai.

LUKA 12:8 ပူးပေါင်းရင်းမြစ်များ

SHAKAWN KUNGDAWN 119:46

Hkawhkam ni a man e na a sakse ga hpe, Ngai hkai dan nna, kaya kahpa n hkrum na nngai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

LUKA 15:10

Nanhte hpe ngai tsun made ga, “Dai hte maren, yubak kap ai masha langai mi, myit malai lu ai majaw, Karai Kasang a lamu kasa ni a man e, kabu gara shara rai nga ai,” ngu mu ai.

2 TIMOHTI 2:12

anhte shakut sharang ga yang gaw, shi hte rau mung up lu na ra ga ai: shi hpe ndang kau yang gaw, shi mung anhte hpe ndang kau na mi ai:

1 YAWHAN 2:23

Dai Kasha hpe n dang kau ai wa kadai rai timung, dai Kawa hte mung nseng lu ai. Dai Kasha hpe awlaw ai wa chyawm gaw, dai Kawa hte mung seng nga ai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

1 SAMUELA 2:30

Dai hku galaw myit dai majaw, Israela Karai Kasang Yehowa tsun ai gaw, ‘Na amyu, nanhte lakung gaw nye a man e tut tut hkawm sa lu na ra ai,’ ngu nna ngai tsun kau rai timung, Yehowa bai tsun u ga: ‘ngai e shagrau ai ni hpe sha ngai shagrau na we ai; ngai hpe n gawn n sawn re ai ni gaw arawng hpoi mat na mara ai.