LUKA 12:7 - Jinghpaw Hanson Version Bible

⁷ Nanhte a baw na kara singgawng mahkra hpe pyi, hti da nu ai. Hkum hkrit myit: u tsa law law hta nanhte grau nna hpu nga myit dai.

Jinghpaw Common Language Bible 2009

⁷ Nanhte a baw na kara singgawng ni mahkra hpe pyi hti da nu ai. Dai majaw Hkum hkrit myit, U tsa law law hta nanhte grau manu dan nga myit dai.

LUKA 12:7 ပူးပေါင်းရင်းမြစ်များ

2 SAMUELA 14:11

Bai dai numsha gaw, “Ngai sha hpe n sat ya lu mu ga, htawm hpang de matai htang na wa kadai mung matai n htang lu na, ngu nna na a Karai Kasang Yehowa hpe dum u ga,” ngu wu ai. Shaloi Dawi gaw, “Yehowa hkrung nga ai hte maren, na nsha a kara singgawng langai mi muk ga de hkrat lu na n rai,” ngu nna tsun wu ai.

YOBA 35:11

ntsa malem u ni hta anhte hpe hpaji grau jaw ya ai wa, nye hpan Madu Karai Wa gaw kanang rai nga a ta? Nga nna n chye san ma ai.

SHAKAWN KUNGDAWN 8:6

Na a lata amu ntsa e, nang shi hpe up shangun wu ai; Sagu bainam hte yamnga nlang hte hpe,

MAHTE 12:12

Masha gaw sagu hta gade grau hpu a hka! Dai rai nna, laban nhtoi hta amu kaja galaw na sut nga ai,” ngu mu ai.

MAHTE 6:26

Ntsa malen na u ni hpe mada yu mu; shanhte n gat n dan ma ai, sutdek hta mung n mahkawng da ma ai: rai timung, sumsing lamu na nanhte a Kawa gaw, shanhte hpe lusha jaw da nga ai: nanhte gaw shanhte hta grau nga myit dai n rai ni?

LUKA 21:18

Rai timung, nanhte a kara singgawng langai mi pyi, hten lu na n rai.

KASA 27:34

dai re ai majaw, lusha lama ma sha mu; dai gaw nanhte a lawt na matu rai nga ai; nanhte hta gade a kara singgawng mi muk sum ga du na n rai,” ngu nna shanhte hpe shalan wu ai.

1 SAMUELA 14:45

Mung masha ni mahtang, “Israela amyu matu nde wa hkye hkrang la ai chyeju shapraw ai wa, Yonahtan, si lu na rai ni? Dai gaw n rai u ga; Yehowa anga nga ai hte maren, shi a kara singgawng mi muk, ga n hkrat lu na re ai; kaning rai nme law, shi dai ni Karai Kasang hte rau, jawm shaja nu ai,” ngu mu ai. Shing di masha ni gaw, Yonahtan hpe, si ai kaw na hkrang la mu ai.