LUKA 12:5 - Jinghpaw Hanson Version Bible

⁵ Kadai hpe sha hkrit mai ai gaw, ngai nanhte hpe shadum made ga; Hkum tsawp hpe sat kau ngut jang, ngarai kata de jahkrat kau na ahkang lu ai wa hpe chyawm gaw, hkrit nga mu: rai sa, ngai nanhte hpe tsun made ai gaw, Dai wa hpe hkrit nga mu.

Jinghpaw Common Language Bible 2009

⁵ Kadai hpe sha hkrit mai ai gaw, ngai nanhte hpe madun dan made ga. Masha hpe sat kau ngut jang, ngarai kata de jahkrat kau na ahkang lu ai Karai Kasang hpe chyawm gaw hkrit nga mu, ngai tsun ai hpe kam mu, shi gaw nanhte hkrit ra ai wa nan rai nga ai!

LUKA 12:5 ပူးပေါင်းရင်းမြစ်များ

SHAKAWN KUNGDAWN 9:17

Tara n lang ai ni hte, Karai Kasang hpe malap mali kau ai amyu yawng mayawng hte gaw, Le katsan ga de di hkrat na mara ai.

GA SHAGAWP 14:26

Yehowa hpe hkrit hkungga ai gaw, shamyet shanat shara kaba rai nga ai; Kasha ni mung shingbyi shingwung shara lu na mara ai.

YEREMIA 10:7

Amyu baw ni a hkawhkam wa e, nang hpe hkrit hkungga mai ai rai nna, nang hpe n hkrit hkungga na kadai wa rai ta? amyu baw ni a hpaji rawng ai ni mahkra hta mung, shanhte a daru magam rawng ai ni mahkra hta mung, nang hte bung ai wa n nga ai.

YEREMIA 41:18

kaning rai nme law, Babelon hkawhkam munggyi aya dang da ai, Ahikam a kasha Gedalia hpe, Nehtania kasha Ishmaela sat kau ai majaw, shanhte gaw Hkalde masha ni hpe hkrit nga ma ai.

YEREMIA 5:22

Nanhte ngai hpe n hkrit hkungga myit ni? Nammukdara hka leng ni n lai lu hkra, zaibru hpe jarit shatai na, htani htana mungga tawn da ai, nye man e wa, n hkrit gari nga myit ni? dai hka leng ni hta wa timung, dang lu ai n rai; wu kadu timung, lai lu ai n rai.

MAHTE 10:28

Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

MAHTE 25:46

Shaloi shanhte gaw n htum n wai ari de shang wa na mara ai; dinghpring ai ni mahtang n htum n wai asak de shang lu na mara ai,” ngu wu ai.

MAHTE 5:22

Ngai mahtang nanhte hpe tsun made ai gaw, tinang a kahpu kanau wa hpe masin pawt ai wa kadai rai timung jeyang ai hte ging dan nga ai: tinang a kahpu kanau wa hpe, Raka, nga ai wa gaw, dai salang hpawng a dawdan ai hte ging dan nga ai: bai, Mana ndai, nga ai wa gaw, ngarai a wan hte ging dan nga ai.

MARKU 13:23

Nanhte mahtang sadi nga mu: ngai nanhte hpe ndai nlang tsun hkap da ni ai.

1 HTESALONI 4:6

Anhte shawng e nanhte hpe tsun dan nna sakse hkam ya made ai hte maren, Karai Kasang gaw ndai lam yawng hte a matai dawp ai wa rai nga ai.

HEBRE 10:31

Hkrung nga ai Karai Kasang a lata de hkrat wa ai lam gaw, nachying hkrithpa lam rai nga ai.

2 PETRU 2:4

Kaning rai nme law, Karai Kasang gaw yubak galaw kau ai lamu kasa ni hpe pyi lahpawt lama n di ai sha, ngarai mung de jahkrat kau mu ai rai nna, tara dara ai nhtoi du hkra shanhte hpe rim da let, chyang htat ai nsin sin ai nhkun hta e rawng da mu ai hte;

SHINGRAN 14:7

shi gaw, “Karai Kasang hpe hkrit hkungga mu, shi a hpung shingkang shagrau mu; shi a tara dara ai ahkying du ra ai: sumsing lamu hte ginding aga, nammukdara hte hka hpawk ni hpe hpan tawn da ai wa hpe nawku nga mu,” nga nna nsen kaba hte hkaw tsun nga ai.

SHINGRAN 15:4

Madu e, nang hpe n hkrit ai hte, na a amying nsang hpe n shagrau ai gaw kadai wa rai na a ta? Nang chyu sha chyoi pra nga ndai; na a dinghpring ai lam ni dan hkung nga ai majaw, masha amyu baw shagu na a man e sa nawku na mara ai law,” nga nna tsun ma ai.

SHINGRAN 20:14

Shaloi si hkrung si htan hte katsan ga gaw, dai wan nawng hta jahkrat bang kau ai hkrum ma ai: dai wan nawng gaw lahkawng lang na si lam rai nga ai.