LUKA 12:47 - Jinghpaw Hanson Version Bible

⁴⁷ Tinang madu a myit chye da ninglen, madu a myit hku n hkan, chyip chyip rai n hkyen nga ai mayam kadai rai timung, anu ajin di ai, law hkrum na ra ai.

Jinghpaw Common Language Bible 2009

⁴⁷ “Tinang a madu hpa baw galaw na hpe ra sharawng ai lam chye nga da ninglen, dai galaw na matu tinang dai n hkyen shachyip da ai shangun ma kadai hpe rai ti mung ri tawng hte aja awa anu kayat nna ari jaw ai hkrum na ra ai.

LUKA 12:47 ပူးပေါင်းရင်းမြစ်များ

EZEKELA 9:6

dingla hpe mung, shabrang wa hte mahkawn, ma kaji hte numsha ni hpe atsai awai shaza kau timung, mahkret matsing ai wa langai mi hpe muk, hkum hkra et; dai amu hpe nye a Chyoi pra ai shara hta galaw hpang u,” nga nna tsun ai ngai na nngai. Shing rai shanhte gaw Nta ndaw e nga ai salang ni hpe shawng sat kau mu ai.

LUKA 12:41

Shaloi Petru gaw, “Madu e, ndai ga shadawn gaw anhte hpe sha, shing n rai, yawng hpe tsun ai, rai n ni?” ngu nna san wu ai.

LUKA 12:46

dai mayam n mada n hten ai nhtoi hte, n dum n chye ai ahkying hta, shi a madu du wa nna, dai wa hpe nhtum nni adup kau nhtawm, shi a kumhtaw dawm la ya nna, sadi sahka n rawng ai ni hte rau tawn kau na ru ai.

YAWHAN 12:48

Ngai hpe n hkap la ai hte nye a ga n hta la ai wa hpe, jeyang na madu kaga mi nga ai: ngai tsun ai mungga e nan, hpang jahtum na nhtoi hta, dai wa hpe jeyang na ru ai.

YAWHAN 19:11

Yesu gaw, “Nang hpe ntsa de nna, ahkang jaw da sai n rai taw gaw, nye a ntsa e hpa ahkang mung, nang n lu na ndai: dai majaw ngai hpe nang kaw sa ap ya ai wa gaw, yubak grau kaba lu ai,” ngu nna, shi hpe htan wu ai.

YAWHAN 9:41

Yesu gaw, “Nanhte myi n mu myit taw gaw, yubak n nga na myit dai: ya gaw, Anhte myi mu ga ai, nga nga myit dai: de a majaw nanhte hta yubak mara nga ai.

KASA 17:30

N na n chye nna lai mat sai prat hpe, Karai Kasang shatawt lai kau wu timung, ya gaw, shara magup hkan na masha nga yawng hpe, myit malai lu mu, nga nna hkang dat ra ai:

YAKU 4:17

Dai re ai majaw, kaja ai amu chye galaw ninglen n galaw ai wa gaw, yubak mara kap nga ai.