LUKA 12:41 - Jinghpaw Hanson Version Bible

⁴¹ Shaloi Petru gaw, “Madu e, ndai ga shadawn gaw anhte hpe sha, shing n rai, yawng hpe tsun ai, rai n ni?” ngu nna san wu ai.

Jinghpaw Common Language Bible 2009

⁴¹ Petru gaw, “Madu e, ndai ga shadawn gaw, anhte hpe sha tsun ai rai ni?, shing n rai masha hkum shagu hpe tsun ai rai ni?,” ngu nna san wu ai.

LUKA 12:41 ပူးပေါင်းရင်းမြစ်များ

MARKU 13:37

Nanhte hpe ngai tsun made ai hte maren, yawng hte hpe ngai tsun mawe ga, A maja nga mu, ngu nna shanhte hpe tsun mu ai.

MARKU 14:37

Ya, shi bai wa yang, shanhte yup pyaw nga ma ai hpe mu mu ai rai nna, “Petru hpe, Simun e, nang yup pyaw nga nni? ahkying mi sha pyi maja na n sharang lu nni?

LUKA 12:47

Tinang madu a myit chye da ninglen, madu a myit hku n hkan, chyip chyip rai n hkyen nga ai mayam kadai rai timung, anu ajin di ai, law hkrum na ra ai.

LUKA 12:48

n chye nna anu ging ai amu galaw kau ai mayam chyawm gaw, loi mi sha anu ai hkrum na ra ai. Law wa hkam la ai wa kaw na, law wa hpyi na ra ai; law wa ap ya shajang ai wa kaw na mung, grau nna bai hpyi na mara ai.

1 PETRU 4:7

Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.