LUKA 12:40 - Jinghpaw Hanson Version Bible

⁴⁰ Dai rai nna nanhte mung chyip chyip rai nga mu: kaning rai nme law, nanhte n dum n mi re ai ahkying hta e, dai Masha Kasha du sa na ra ai,” ngu nna tsun mu ai.

Jinghpaw Common Language Bible 2009

⁴⁰ Nanhte mung, kup kup chyip chyip rai a maja nga mu, hpa majaw nga yang, nanhte n dum n mi rai, n myit mada ai ahkying hta e, dai Masha Kasha du sa na ra ai, ngu nna tsun mu ai.”

LUKA 12:40 ပူးပေါင်းရင်းမြစ်များ

MAHTE 24:42

Dai rai nna, nanhte a Madu gaw gara shani e du wa na hpe nanhte n chye myit dai majaw, a maja nga mu.

MAHTE 24:44

Dai rai nna nanhte mung chyip chyip rai nga mu: kaning rai nme law, nanhte n dum n mi re ai ahkying hta e, dai Masha Kasha du wa na ra ai.

MAHTE 25:13

Dai rai na, dai shani rai timung, dai ahkying rai timung, nanhte n chye myit dai majaw, a maja nga mu.

ROMA 13:11

Dai hta kaga, ndai aten hpe nanhte chye nga myit dai majaw, nanhte a yup hprang wa na ahkying, ya e pyi rai ra ai; kaning rai nme law, shawng nnan kamsham saga ai hta, dai hkye hkrang la ai gaw ya e nan anhte hte grau nna ni wa sai.

ROMA 13:14

Dai hta n-ga, Madu Yesu Hkristu hpe bu hpun dagraw nga mu: hkum shan a myit marin ai hku shadik na matu, hkum maw hkum hkyen nga myit.

1 HTESALONI 5:6

Anhte gaw shana hte mung, nsin hte mung, n seng ga ai; dai re ai majaw masha gale zawn anhte n yup nga ai sha, a maja nga nna htauli htaula rai nga ga:

SHINGRAN 19:7

Anhte kabu gara nga ai hte sharawng awng nga ga, shi a hpung shingkang hpe shagrau nga ga: kaning rai nme law, dai Sagu Kasha a hkungran ai poi du ra ai hte, shi a num ningnan jan gaw shi hkum hpe mawn sumli ngut sai rai nna,