LUKA 12:14 - Jinghpaw Hanson Version Bible

¹⁴ Dai rai nna Yesu gaw, “Masha wa e, nan a ntsa e tara agyi hte hparan wa tai na, ngai hpe kadai san da a ta?” ngu nna shi hpe htan wu ai.

Jinghpaw Common Language Bible 2009

¹⁴ Yesu gaw, “Nye a jinghku wa e, nan nau a ntsa e tara agyi tai ya na ahkang hte sali arai garan ya ai wa tai na, ngai hpe kadai san da a ta?,” ngu nna shi hpe htan wu ai.

LUKA 12:14 ပူးပေါင်းရင်းမြစ်များ

PRU MAT 2:14

Shaloi dai wa gaw, “Anhte a ntsa e du hte tara agyi tai na nang hpe gade e san tawn da a ta? Dai Egutu masha hpe nang sat kau ai zawn, ngai e mung sat kau na maw nga n ni?” ngu nna htan wu ai. Dai majaw Mawshe gaw, Gaja wa, ndai amu brawng sam sai, nga nna hkrit nga ai.

MIHKA 6:8

Masha wa e, mai kaja ai lam, shi nang hpe madun dan nit dai: dinghpring ai lam, tsawra matsan dum ai lam hte, na a Karai Kasang man e myit nem let hkan hkawm na lam hta kaga, Yehowa gaw nang hpe hpa hpyi a ta?

LUKA 12:13

Shaloi shawa hpawng kata de na marai langai mi gaw, “Sara e, ngai hpu wa hpe ngai hte sali wunli karan na lam tsun ya e,” ngu nna shi hpe tsun wu ai.

LUKA 22:58

Dai hpang loi hkring rai jang langai wa mi mung shi hpe mu nna, “Nang mung shanhte hta lawm nga ndai,” ngu wu yang, Petru gaw, “La nang e, ngai n rai nngai,” ngu wu ai.

LUKA 5:20

Shanhte a kamsham ai myit mu jang, shi gaw, “Masha wa e, na a yubak dat kau ya sade ai,” ngu wu ai.

YAWHAN 6:15

Dai masha ni gaw shi hpe adip la nna, hkawhkam shatai na maw ma ai hpe, Yesu chye wu ai majaw, shi hkrai sha dai bum de bai mayun lung mat wa ai.

YAWHAN 8:11

numsha gaw, “Madu e, gade e muk n jeyang nngai,” ngu nna htan wu ai. Shaloi Yesu gaw, Ngai mung nang hpe n jeyang na nngai: wa nu; ya kaw nna yubak hkum galaw nit, ngu nna tsun dat wu ai.]

ROMA 2:1

Dai rai nna, masha kaga hpe jeyang ai wa e, na a mara raw na lam htum mat salit dai; kaning rai nme law, nang hkum jeyang nga nhtawm me dai amu hpe nan galaw ndai majaw, masha kaga hpe jeyang ai shaloi jang, na hkum hpe mahtang nang dawdan kau da wu ai.

ROMA 2:3

Shing rai galaw ai ni hpe jeyang nga nhtawm, tinang nan hkan galaw ai wa e, Karai kasang a tara dara ai hta, lawt lu na re ai, nang nawn da wu ni?

ROMA 9:20

Ataw, Karai Kasang hpe nhkap ai wa e, nang gaw kadai wa mi rai nga n ta? Galaw da sai arai gaw, Hpa majaw nang ngai hpe ning di galaw n ta? nga nna shachyaw da ai wa hpe tsun na a ni?