LUKA 12:13 - Jinghpaw Hanson Version Bible

¹³ Shaloi shawa hpawng kata de na marai langai mi gaw, “Sara e, ngai hpu wa hpe ngai hte sali wunli karan na lam tsun ya e,” ngu nna shi hpe tsun wu ai.

Jinghpaw Common Language Bible 2009

¹³ Shawa hpawng kata de na masha langai mi gaw, “Sara e, anhte a kawa htawng kau da ya ai sali arung arai ni ngai e garan ya na matu, ngai hpu wa hpe tsun ya rit,” ngu nna Yesu hpe tsun wu ai.

LUKA 12:13 ပူးပေါင်းရင်းမြစ်များ

SHAKAWN KUNGDAWN 17:14

Yehowa e, mungkan ga masha ni hte Ndai aprat hta sha matu mara lu ai ni kaw na, na a lata hte ngai hpe shalawt la e. Shanhte a kan hpe nang sutgan hte jahpring ya mu ai: Shanhte kashu kasha law law mayat maya nga ma ai rai nna, Shadang sha ni kaw sutgan htawng da lu ma ai.

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

LUKA 12:12

dai ahkying hta nan hpa tsun mai na gaw, Chyoi pra ai Wenyi nanhte hpe sharin ya na marin dai,” ngu mu ai.

LUKA 12:14

Dai rai nna Yesu gaw, “Masha wa e, nan a ntsa e tara agyi hte hparan wa tai na, ngai hpe kadai san da a ta?” ngu nna shi hpe htan wu ai.

LUKA 6:45

Kaja ai wa gaw, tinang kraw lawang a kaja ai sutdek hta na, kaja ai rai shapraw dan ai; n kaja ai wa mung n kaja ai sutdek hta na, n kaja ai rai shapraw dan ai: kaning rai nme law, kraw hta hpring chyat nga ai kaw na, shi a n-gup de tsun pru nga ai.

1 TIMOHTI 6:5

n san n seng ai myit rawng nna, tengman ai ga yet mat ai hte, tara hkungga ai lam gaw hpaga amyat sha ai lam sha rai nga ai, nga nna myit nga ai masha a ga law ga la ai lam pru wa ai.