LUKA 12:10 - Jinghpaw Hanson Version Bible

¹⁰ Dai Masha Kasha hpe ga hte shut kau ai wa kadai hpe mung, mara raw dat kau ya na lam hku nga ai: dai Chyoi pra ai Wenyi hpe shatan ai wa a matu chyawm gaw, mara raw ya na lam n nga lu ai.

Jinghpaw Common Language Bible 2009

¹⁰ “Dai Masha Kasha hpe n gup aga hte shut kau ai wa kadai hpe mung mara raw dat ya lu nga ai. Rai ti mung, dai Chyoi Pra ai Wenyi hpe n hkru n kaja ai ga hte tsun shatan ai wa kadai hpe mung mara raw kau ya lu na n rai.

LUKA 12:10 ပူးပေါင်းရင်းမြစ်များ

LUKA 23:34

Shaloi Yesu gaw, “Wa e, shanhte a mara dat kau ya mu: shanhte galaw ai lam hpe shanhte n chye nga ma ai,” nga ai. Shanhte gaw shi a hpun palawng ni hpe mung, hpaida da nna karan la ma ai.

1 TIMOHTI 1:13

Ngai chyawm gaw, shawng e shatan nhkan ai, zingri zingrat ai hte sheng mareng re ai wa rai nga nngai rai timung, n chye n chyang ai hte kamsham ai myit n rawng ai sha dai hpe galaw nngai majaw, matsan dum la ai ngai hkrum nngai:

1 YAWHAN 5:16

Kahpu kanau langai ngai nsi ging ai yubak galaw nga ai hpe, marai langai ngai mu hkrup a yang gaw, shi akyu hpyi mai ai rai nna, n si ging ai yubak galaw ai ni hta lawm ai rai yang, Karai Kasang gaw dai wa hpe asak jaw na ra ai. Si ging ai yubak mung rai nga ai: de a matu mara hpyi nem na ngai n tsun nngai.