LUKA 11:49 - Jinghpaw Hanson Version Bible

⁴⁹ Dai re ai majaw, Karai Kasang a hpaji byeng-ya tsun ai gaw, Myihtoi hte kasa hpe ngai shanhte hpang de shangun dat na we ai rai nna, dai ni hta na nkau mi hpe shanhte sat kau ai hte di nna, zingri zingrat na maru ai:

Jinghpaw Common Language Bible 2009

⁴⁹ Dai re ai majaw, Karai Kasang a Hpaji Byeng-Ya tsun ai gaw, ‘Myihtoi hte kasa ni hpe, ngai shanhte hpang de shangun dat na mawe ai rai nna, dai ni hta na nkau mi hpe shanhte sat kau nna, nkau mi hpe zingri zingrat na maru ai.’

LUKA 11:49 ပူးပေါင်းရင်းမြစ်များ

YEREMIA 7:25

Nanhte a nji nwa ni gaw, Egutu mung na pru wa ai shani kaw nna dai ni du hkra, ngai gaw shani shagu jau jau rawt nna, nye a shangun ma myihtoi ni mahkra hpe, nanhte hpang de shangun dat dat rai timung,

MAHTE 22:6

Naw nga ai ni mahtang gaw, shi a mayam ni hpe rim la nna, aroi arip di nhtawm, sat kau mu ai.

LUKA 11:48

dai rai nna nanhte a nji nwa ni a amu hta sakse tai ai ni hte, myit hkrum ai ni nanhte rai nga myit dai: kaning rai nme law, shanhte gaw myihtoi ni hpe sat kau nna, shanhte a lup ni hpe nanhte galaw lajang myit dai.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

YAWHAN 16:2

Shanhte gaw tara jawng ni hta nna, nanhte hpe shapraw kau na mara ai: gaja wa nan, nanhte hpe sat kau lu ai wa kadai mung, Karai Kasang a magam hpe gun hpai nngai, nga nna myit la ai aten du wa ra ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 11:27

Dai nhtoi hte hta myihtoi nkau mi Yerusalem kaw nna, Antioki de sa du ma ai.

KASA 22:20

na a sakse Stehpan a asai ru kau ma ai shaloi mung ngai nan makau e tsap nna, dai lam myit hkrum lawm let, shi hpe sat kau ai ni a hpun palawng hpe sin ya nngai,’ ngu we ai.

KASA 7:57

Shaloi shanhte gaw aja awa jahtau let, tinang a na pat kau nhtawm, lang lata rau shi hpang de htim nna,

KASA 8:3

Shawlu chyawm gaw, nta shagu shang nna, numsha lasha hpe ahkyit karawt la nhtawm, htawng hta sharen da ai hte, dai Hpung hpe hpya sharun da mu ai.

1 KORINHTU 1:24

rai timung, shaga la hkrum ai Yuda ni hte Heleni masha ni a matu mara, shi gaw Karai Kasang a atsam hte, Karai Kasang a hpaji byeng-ya ngu ai, Hkristu nan, rai nga ai.

1 KORINHTU 1:30

Shi a jaw e Hkristu Yesu hta e nanhte rai la nga myit dai: shi gaw, anhte a matu mara, Karai Kasang kaw na, hpaji byeng-ya lam, dinghpring ai lam, shachyoi shapra ai lam hte htingrai htingrat ai lam, tai wa sai.

EHPESU 4:11

Hkristu a hkum hpe shagrin jat wa u ga, gun hpai ang ai bungli a matu, chyoi pra ai ni hpe shakup shatsup na,

KOLOSE 2:3

Hkristu hta e chyawm gaw hpaji byeng-ya hte chye chyang ai lam ngu ai sutgan yawng mayawng kyem da nga ai.

SHINGRAN 16:6

kaning rai nme law, chyoi pra ai ni a asai hte myihtoi ni a asai shanhte ru kau ma ai rai nna, nang shanhte hpe asai bai lu shangun mu ai; dai gaw shanhte hkrum ging ai hku rai nga ai,” nga nna tsun ai, ngai na nngai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.