LUKA 11:45 - Jinghpaw Hanson Version Bible

⁴⁵ Shaloi tara sara langai mi htan nna, “Sara e, nang shing nga ai gaw, anhte hpe mung roi lawm nga ndai,” ngu nna shi hpe tsun wu ai.

Jinghpaw Common Language Bible 2009

⁴⁵ Tara sara langai mi gaw, “Sara e, nang shing nga ai gaw, anhte hpe mung roi lawm nga ndai,” ngu nna shi hpe tsun wu ai.

LUKA 11:45 ပူးပေါင်းရင်းမြစ်များ

1 HKAWHKAM 22:8

Israela hkawhkam wa gaw, “Yehowa hpe san yu lu na, Imla a kasha Mihkaia ngu ai wa langai mi naw nga ai: rai timung, dai wa hpe ngai n dawng we ai; shi nye a lam n kaja ai hku hkrai hkaw ya ya re ai,” ngu nna Yehosahpat hpe tsun wu ai. Yehosahpat chyawm gaw, “Hkawhkam wa dai lam n tsun u ga,” ngu wu ai.

YEREMIA 20:8

Ngai ga tsun shagu shabam nngai: Kashun kashe hte hten byak na lam hkrai, ngai jahtau nngai; Yehowa mungga gaw ngai hta shatan nhkan hte jahpoi shara, shani shagu tai nga ai.

YEREMIA 6:10

Shanhte madat mara lu hkra, ngai kadai hpe ga tsun nna, sakse shatai na rai ta? yu u, shanhte a na matu gadoi n hkam ai na rai nna, n madat mara lu ma ai; Yehowa a mungga gaw shanhte a jahpoi shara rai nga ai; dai hta sharawng awng ma ai n rai.

MAHTE 22:35

shanhte hta na tara sara langai mi shi hpe chyam yu nna,

LUKA 11:46

Dai nga jang Yesu gaw, “Nanhte tara sara ni mung dingnye lu myit dai! nanhte gaw masha ni hpe gun yak ai lit shagun nhtawm, tinang ni gaw dai lit ni hpe layung mi hte pyi n jahkra yu myit dai.

LUKA 11:52

Tara sara ni e, nanhte dingnye lu myit dai! hpaji sumsaw gaw nanhte kyem da myit htawm, tinang dai mung n shang, shang mayu ai ni hpe mung, nanhte hkum shadang da myit dai,” ngu wu ai.

LUKA 7:30

Hparishe ni hte tara sara ni chyawm gaw, Shi jaw ai baptisma n hkam la ma ai hta, Karai Kasang a maw mawn ai hku hpe, tinang a matu ran kau ma ai.

YAWHAN 7:48

Du agyi ni hta na mung, Hparishe ni hta na mung, dai wa hpe kamsham ai kadai nga a ta?

YAWHAN 7:7

Mungkan ga gaw nanhte hpe n dawng n wawm rai lu ai n rai; ngai hpe n dawng n wawm nga ai: kaning rai nme law, de a arawn alai n shawp ai hpe, ngai sakse hkam nngai majaw rai nga ai.

YAWHAN 9:40

Shi kaw nga ai Hparishe ni dai ga na ma yang, “Rai taw, anhte mung myi n mu ga ni?” ngu nna shi hpe san mu ai.