LUKA 11:39 - Jinghpaw Hanson Version Bible

³⁹ Dai rai nna Madu gaw, “Nanhte Hparishe ni gaw, gawm hte ban hpe shinggan maga de sha shapra ga myit dai; nanhte a kata maga de wa gaw, kashun kashe re ai hte, n hkru n shawp ai hpring chyat nga malit dai.

Jinghpaw Common Language Bible 2009

³⁹ Dai rai nna, Madu gaw, “Nanhte Hparishe ni gaw, nanhte a gawm hte ban hpe shinggan maga de sha kashin jasan nga myit dai, rai ti mung, nanhte a kata maga de gaw, kashun kashe re ai, nammak lawhpa mya lu mya sha ai myit, n hkru n shawp ai myit hte hpring chyat nga malit dai.

LUKA 11:39 ပူးပေါင်းရင်းမြစ်များ

NINGPAWT NINGHPANG 6:5

Shinggyim masha ni a n hkru n hkra ai lam ga ntsa e kaba la ai hte, shi a kraw lawang na myit maw mamaw gaw tut tut n shawp nga ai hpe Yehowa mu wu ai.

2 HKAWHKAM LABAU 25:2

Shi gaw Yehowa man e dingman ai amu galaw timung, hkum tsup ai myit hte n rai.

SHAKAWN KUNGDAWN 22:13

Amya maw nna shabam ai hkanghkyi zawn, Shanhte ngai hpe n-gup mahka nga ma ai.

GA SHAGAWP 26:23

N-gup pyaw nna myit magaw ai wa gaw, Gumhpraw hkyi sup ai ga dibu hte bung nga ai.

GA SHAGAWP 26:25

Shi gaw ga sau tsun timung, shi hpe hkum kam et; Shi a kraw e matsat shabat lam sanit rawng nga ai.

GA SHAGAWP 30:12

Tinang myit hta san seng dum timung, Agang chyalang hta na garai n kashin kau ai masha amyu;

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

EZEKELA 22:25

De a ka-ang e shi a myihtoi ni gaw, shabam nna, ashan hpe gyam ai hkanghkyi zawn, gumlau amu shapraw ma ai: shanhte gaw masha ni hpe sha kau ma ai; sutgan hte hpu la ai baw kashun la ma ai; mung ka-ang e gaida jan ni hpe shalaw dat ma ai.

EZEKELA 22:27

Shi a du ni mung, n tara ai sutgan lu la hkra, shan gyam nna, sai jahkaw kau ai hte, masha hpe kawa sat kau ai chyahkyawn hte bung ma ai.

ZEHPANI 3:3

Shi a du ni gaw, dai mare ka-ang e shabam ai hkanghkyi rai nga ma ai; tara agyi ni gaw, hpang jahpawt du hkra hpa n ngam da ai, shana kawan hkawm ai chyahkyawn, rai nga ma ai.

MAHTE 15:19

Kaning rai nme law, myit masin hta na n hkru ai myit mang ai, masha sat na, num shaw na, num shut hpyit na, lagu na, n teng n man ai sakse hkam na hte shatan nhkan ai lam hte gaw byin pru wa ai.

MAHTE 7:15

Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

LUKA 7:13

Madu gaw dai numsha hpe mu jang, shi hpe matsan yu dum nna, Hkum hkrap et, shi hpe ngu wu ai.

LUKA 7:19

Dai rai nna Yawhan gaw shi a sape lahkawng shaga la nhtawm, dai Madu hpang de shangun dat nna, Nang gaw dai du sa na ra ai wa rai nga n ni? shing n rai, kaga hpe anhte naw myit mada lu na rai nga a ni? ngu nna san dat wu ai.

YAWHAN 12:6

Shi shing nga ai gaw, matsan mayan ni a matu myit ya nna tsun ai n rai: shi gaw gumhpraw jan jum ai wa rai nga ai rai nna, bang da ai gumhpraw hta na sen di sha ai lagut rai nga ai majaw, tsun ai sha rai nga ai.

YAWHAN 13:2

Shana shat sha nga yang, gumlau Nat gaw Simun a kasha Yuda Iskarut a kraw kata e shi hpe ap kau na, hpaji daw bang ya boi nu ai rai nna,

KASA 5:3

Dai rai nna Petru gaw, “Anani e, Chyoi pra ai Wenyi hpe masu kau na hte, ga jahpu hta na kau mi ip da na gaw, hpa majaw Satan na a myit jahpring ya lu a ta?

GALATI 1:14

Nye a ji woi ni a matsun maroi ga a lam nachying nja nhpra rai nga nngai majaw, nye a amyu na rau ram manang ni law law hte, Yuda htung hta e ngai grau nna kaba wa nngai.

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

TITU 1:15

San seng ai ni a matu, yawng mayawng san seng nga ai: n san n seng ai ni hte n kam n sham ai ni a matu chyawm gaw, hpa mung n san n seng nga ai; shanhte a myit mang hte kraw lawang gaw, n san n seng rai malu ai.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak galaw ai ni e, nanhte a lata hpe jasan jaseng kau mu; myit mashe rawng ai ni e, nanhte a myit masin hpe shachyoi shapra da mu.