LUKA 11:36 - Jinghpaw Hanson Version Bible

³⁶ Na a hkumhkrang hta shara mi muk n sin ai, hkum ting htoi nga ai rai yang gaw, pyengdin htoi tu kabrim ai hte nang hpe jahtoi ya ai zawn, na a hkumhkrang ting htoi na ra ai, ngu wu ai.

Jinghpaw Common Language Bible 2009

³⁶ Na a hkum hkrang ting hta shara mi mung n sin ai, hkum ting htoi nga ai rai yang gaw, pyengdin a htoi tu kabrim ai hte nang hpe jahtoi ya ai zawn, na a hkum hkrang ting htoi tu na ra ai,” ngu wu ai.

LUKA 11:36 ပူးပေါင်းရင်းမြစ်များ

GA SHAGAWP 1:5

myit su ai wa gaw hkum tsup re ai htung hking hkan nang lu hkra,

GA SHAGAWP 20:27

Masha a myit masin gaw, kraw lawang e rawng marawng hpe sawk yu ai, Yehowa a pyengdin rai nga ai.

GA SHAGAWP 6:23

Kaning rai nme law, htet da ai ga gaw pyengdin rai nga ai; Tara gaw nhtoi rai nga ai; Mara madun ai shadum jahprang ga gaw asak lam rai nga ai.

ESAIA 42:16

Myi hten ai ni hpe, shanhte n chye ai lam hku ngai lakawn wa nna, shanhte n lai yu ai lam hta woi wa na nngai: shanhte a man na nsin hpe ngai nhtoi shatai nna, magaw ai lam hpe shading na we ai. Dai chyeju ngai galaw nna, shanhte hpe kau da na n rai.

ESAIA 8:20

Tara hte sakse ga hpe madat mara mu; shanhte tsun ai lam ndai ga hte nbung yang, gaja wa, shanhte a matu jahpawt manap n nga ai.

HOSEA 6:3

Anhte chye na lu ga; Yehowa hpe chye lu hkra hkan tam ga: jahpawt manap teng teng du ai zawn, shi du pru na ra ai; shi anhte hpang de, marang shaya hte, lamu ga hpe madit ai marang shadoi zawn, du na ra ai.”

MAHTE 13:52

Bai shi gaw, Dai rai nna sumsing lamu mungdan a matu sape tai sai laika ka ai sara kadai mung, nta madu rai nga ai hte, tinang a sutdek hta na, nnan baw mung dingsa baw mung shapraw ai wa hte bung nga ai,” ngu nna shanhte hpe tsun mu ai.

MAHTE 5:15

pyengdin hpe shatu nhtawm, mung npu e tawn da ai gaw, kadai n galaw yu ai; pyengdin shadun hta tawn da nna, dai gaw, nta e nga nga ai ni nlang hte hpe jahtoi ya mu ai.

LUKA 11:35

Dai re ai majaw, nang hta rawng ai ahtoi gaw, sin mat ai n sin mat ai, a yu nga u.

LUKA 11:37

Shing nga tsun nga yang, Hparishe langai mi, shi kaw shani shat sha na, shi hpe shaga wu ai: shaloi shi shang nna, shat sha na dung nga ai.

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

KOLOSE 3:16

Hkristu a mungga gaw hpaji byeng-ya amyu myu hte nanhte hta n taw n tsang ashanu nga u ga: shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum jahprang nga let, nanhte a kraw lawang hta Karai Kasang hpe mahkawn mangoi nga mu.

HEBRE 5:14

Ja ai shahpa chyawm gaw, kaja ai hte n kaja ai hpe chye ginhka lu hkra, tinang a myit mang ai lam hpe len shaman ai hte shakung jahpan chye nna, hkum tsup nga ai ni a matu rai nga ai.

YAKU 1:25

Anhte hpe shalawt la lu ai, hkum tsup re ai tara hta azi yu nga nna, shing rai anga nga ai wa chyawm gaw, na la nhtawm malap mali kau ai wa n rai, magan shachyen ai wa a tai nga ai majaw, dai wa gaw shi hkan galaw ai bungli hta e awng wa na ra ai.

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.