LUKA 11:20 - Jinghpaw Hanson Version Bible

²⁰ Karai Kasang a layung hte ngai nat ni hpe shaden kau mawe ai rai yang chyawm gaw, Karai Kasang a mungdan nanhte kaw du sai rai nga ai.

Jinghpaw Common Language Bible 2009

²⁰ Rai ti mung, ngai gaw Karai Kasang a n-gun atsam hte she nat ni hpe shaden kau nngai majaw, Karai Kasang a Mungdan nanhte kaw du sai sakse rai nga ai.

LUKA 11:20 ပူးပေါင်းရင်းမြစ်များ

PRU MAT 8:19

Dai rai nna lakle sara ni, “Ndai gaw Karai Kasang a lata nan rai lu ai,” nga nna Hpara-u hpe tsun ma ai: rai timung Yehowa tsun ai hte maren, Hpara-u a masin ja nga lu ai rai nna, shan a ga n madat ya ai nga nga ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

MAHTE 12:28

Karai Kasang a wenyi hte nat ni hpe ngai shaden kau mawe ai rai yang gaw, Karai Kasang a mungdan nanhte kaw du sai rai nga ai.

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

LUKA 10:11

Anhte a lagaw hta kap ai nanhte a mare na ga nhpu pyi, nanhte hpe deng na maga de anhte katsut kau da ga ai: rai timung, Karai Kasang a mungdan gaw ani sha du ra ai hpe, chye nga mu, ngu nna tsun da mu.

LUKA 10:9

dai yang na machyi ai ni hpe shamai ya nna, Karai Kasang a mungdan gaw nanhte hte ani sha du ra ai, ngu nna shanhte hpe tsun dan mu.

LUKA 11:21

N-gun ja ai wa gaw ri nhtu lang nna, shi a nta nbang npan sin nga yang, shi a arai ni gaw ashim sha rai nga lu ai:

KASA 20:25

Ya bai yu mu, ndai mungdan lam ngai hkaw hkawm yang na hkrum kanawn yu ai ni, nanhte nlang, nye a myi man htawm hpang de bai n mu lu na manit dai, ngai chye nga nngai.

2 HTESALONI 1:5

Karai Kasang mungdan a matu mara nanhte nni nkri hkrum myit dai majaw, dai mungdan hta nanhte ging dan nga myit ga, dai lam gaw Karai Kasang a dingman ai jeyang ai lam a kumla tai nga ai.