LUKA 11:2 - Jinghpaw Hanson Version Bible

² Shaloi shi gaw, “Nanhte akyu hpyi yang ning ngu mu: ‘Wa e, Na a mying ningsang chyoi pra nga lit ga; Na a mungdan du wa ru ga.

Jinghpaw Common Language Bible 2009

² Yesu gaw shanhte hpe, “Nanhte akyu hpyi yang ning ngu mu: ‘Wa e: Na a mying nsang chyoi pra nga lit ga; na a mungdan du wa ru ga.

LUKA 11:2 ပူးပေါင်းရင်းမြစ်များ

1 HKAWHKAM 8:43

na amyu Israela gaw na amying hpe chye nna hkrit hkungga nga ai hte, ndai ngai galaw da ai nta gaw, na a amying nsang rawng ai nta rai nga ai gaw, ga ntsa na amyu baw mahkra chye nga lu hkra, nang gaw sumsing lamu e nga ai, na shanu shara hta madat mara ya nna, tsasam wa hpyi mahpyi hte maren galaw ya u law.”

2 HKAWHKAM 19:19

Ya chyawm gaw, anhte a Karai Kasang Yehowa e, nang Yehowa hkrai Karai Kasang rai nga ai gaw, ga ntsa mungdan ni nlang chye na lu mu ga, anhte hpe shi a lata na hkye hkrang la mi law,” ngu nna hpyi nem wu ai.

2 HKAWHKAM LABAU 20:6

“Anhte a ji wa ni a Karai Kasang Yehowa e, nang gaw sumsing lamu hta e Karai Kasang nan rai nga ndai, n rai ni? nang gaw maigan amyu ni a mungdan mahkra a du rai nga ndai, n rai ni? nang hpe kadai na hkap daw lu hkra, na a lata hta n-gun atsam rawng nga lit dai.

SHAKAWN KUNGDAWN 103:20

N-gun ja nna, shi a mungga nsen madat let, Shi a mungga hpe shadik ya ai lamu kasa ni e, Yehowa hpe sha-a mu.

SHAKAWN KUNGDAWN 108:5

Karai Kasang e, sumsing lamu hta nang grau tsaw nga u ga; Aga ting hta e, na a hpung shingkang dan hkung nga u ga;

SHAKAWN KUNGDAWN 11:4

Yehowa gaw shi a chyoi pra ai Htingnu hta nga nga ai: Sumsing lamu hta e shi a tingnyang rai nga ai. Shi a myi a mada nga nna, Shi a myi hpyi shinggyim masha ni hpe azi yu nga mu ai.

SHAKAWN KUNGDAWN 57:11

Karai Kasang e; sumsing lamu hta nang grau tsaw nga u ga; Aga ting hta e, na a hpung shingkang dan hkung nga u ga.

HPAJI NINGLI 5:2

Na a n-gup hpe shim nga u; Karai Kasang a man e ga tsun na, na a myit masin hkum lawan et; kaning rai nme law, Karai Kasang gaw sumsing lamu e rai nga ai, nang chyawm gaw ga ntsa e rai nga ndai; dai re ai majaw ga law law hkum tsun et.

ESAIA 63:16

Abraham anhte hpe n chye, Israela anhte hpe n hkap la timung, nang nan, Yehowa e, anhte a Wa rai nga ndai; gaja wa, nang anhte a Wa rai nga ndai; anhte hpe mawai la ai wa e, na a amying ningsang moi chyaloi kaw nna rai nga ai.

EZEKELA 36:23

Maigan amyu ni a ka-ang e, nanhte awu asin di kau ai, nye a galu kaba ai mying hpe ngai shagrau sha-a na nngai: ngai gaw nanhte a jaw e shanhte a man e, shagrau sha-a ai hkrum nngai shaloi e, ngai Yehowa rai nga ai hpe, maigan amyu ni chye lu na mara ai,” nga nna Madu Yehowa tsun ai.

Daniela 2:28

rai timung, makoi magap lam shapraw shadan lu ai Karai Kasang gaw, sumsing lamu e dung nga ai; shi gaw, htawm hpang e byin na ra ai lam, hkawhkam Nebuhkadneza hpe madun dan nu ai. Na a yup mang hte, na a yup ku ntsa e nang mu ai shingran gaw, da ndai rai nga ai:

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 7:18

Rai timung, Tsaw Htum ai Wa a chyoi pra ai ni gaw, dai prat dingsa e madu nga lu na mara ai,’ nga nna ngai hpe lachyum shapraw dan nngai.

Daniela 7:27

Mungdan hte up ai ahkang aya, sumsing lamu ting npu na mungdan ni a daru magam hpe, Tsaw Htum ai Wa a chyoi pra ai masha ni lu la na mara ai: shi a mungdan gaw htani htana mungdan rai nga nna, up ai ahkang aya lu ai ni yawng, shi hpe daw jau let, madat mara na mara ai, nga nna ngai hpe ga lachyum shapraw dan ai.

HOSEA 14:2

Tawngban ga tsun nna, Yehowa hpang de nhtang wa let, Anhte a shut hpyit ai nlang raw dat kau ya mi; kaja ai hpe hkap la ya mi; shing rai anhte gaw n-gup ga ngu ai usu nang hpe nawng ya na ga ai.

JAW JAU 10:3

Shaloi Mawshe gaw Arun hpe, Ngai kaw sit sa ai wa hta nye a chyoi pra ai lam ngai madun nna, amyu masha ni mahkra a man e ngai hpung shingkang lu la na we ai, nga nna Yehowa tsun ai gaw ndai zawn re ai lam hpe tau nna tsun ai rai nga ai, ngu wu ai. Arun gaw atsin sha rai nga ai.

JAW JAU 22:23

Rai timung, hkrang shan jan ai, shing n rai hkrang n hkum ai sagu, dumsu gaw mayu hkungga jaw na mai nga ai: ga shaka hte seng ai rai yang gaw, hkap la ya na n rai.

HABAKU 2:14

Kaning rai nme law, nammukdara hka gaw, shi a shara hpe lim kau ai zawn, Yehowa a hpung shingkang hpe chye chyang ai lam, mungkan ting pri rai na ra ai.

MAHTE 10:32

Kadai rai timung, masha ni a man e ngai hpe yin la ai wa hpe, Sumsing lamu e nga ai, nye Wa a man e dai wa hpe ngai yin la na we ai.

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

LUKA 11:1

Lang mi na shi gaw shara mi hta akyu hpyi nga ai rai nna, shi hpyi ngut jang, shi a sape langai mi gaw, “Madu e, Yawhan gaw shi a sape ni hpe akyu hpyi na sharin ya ai zawn, anhte hpe mung sharin ya mi,” ngu nna shi hpe tsun mu ai.

ROMA 1:7

Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

ROMA 8:15

Kaning rai nme law, bai hkrit kang na matu, mayam a wenyi hpe nanhte hkam la manit dai n rai; Aba, Wa e, nga nna jahtau chye ai, yin la ai kasha a wenyi hpe she, nanhte hkam la manit dai.

1 KORINHTU 1:3

Anhte a Wa Karai Kasang hte Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

2 KORINHTU 1:2

Anhte a Wa Karai Kasang hte Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

GALATI 1:4

Dai Madu gaw, anhte a Kawa Karai Kasang a myit ra ai hte maren, ya e rai nga ai n hkru ai mungkan ga na anhte hpe mawai la u ga, anhte a yubak a matu mara shi hkum hpe nan ap kau ya wu ai.

EHPESU 1:2

Anhte a Wa Karai Kasang hte Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

HPILIPI 1:2

Anhte a Wa Karai Kasang hte Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

HPILIPI 4:20

Ya, anhte a Wa ngu ai Karai Kasang kaw, htani htana prat dingsa e, hpung shingkang anga nga u ga law. Amen.

KOLOSE 1:2

Anhte a Wa Karai Kasang kaw na, chyeju hte ngwipyaw ai gaw, nanhte hta e anga nga malit ga law,

1 HTESALONI 1:1

Pawlu, Silwanu hte Timohti hte gaw, Kawa Karai Kasang hte Madu Yesu Hkristu hta rai nga ai, Htesaloni masha ni a Hpung hpe, ga shana dat ga ai. Chyeju hte ngwipyaw ai gaw, nanhte hta e anga nga malit ga law.

1 HTESALONI 1:3

anhte a Kawa Karai Kasang a man e, nanhte a makam masham a bungli mung, tsawra ai myit majaw magam shachyen ai mung, anhte a Madu Yesu Hkristu a myit mada ai lam a shakut sharang ai hpe mung, anhte n sim n sa adum nga ga ai.

2 HTESALONI 2:16

Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 15:4

Madu e, nang hpe n hkrit ai hte, na a amying nsang hpe n shagrau ai gaw kadai wa rai na a ta? Nang chyu sha chyoi pra nga ndai; na a dinghpring ai lam ni dan hkung nga ai majaw, masha amyu baw shagu na a man e sa nawku na mara ai law,” nga nna tsun ma ai.

SHINGRAN 19:6

Bai wunawng wuwa law law a nsen zawn, hka law law kadu ai a nsen zawn, mu ngoi kaba ai a nsen zawn, “Haleluya: Chyahtum chyalai n-gun rawng ai Madu anhte a Karai Kasang gaw, a up nga ai:

SHINGRAN 20:4

Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai: