LUKA 10:4 - Jinghpaw Hanson Version Bible

⁴ Gumhpraw jan, htingpa hte kyepdin re ai ni hkum gun myit; lam e naw rai nga yang, kadai hte mung hkum shachyen myit.

Jinghpaw Common Language Bible 2009

⁴ Gumhpraw jan, shing n rai htingpa hte kyepdin re ai ni hkum gun myit, lam e naw rai nga yang, kadai hte mung hkum shachyen myit.

LUKA 10:4 ပူးပေါင်းရင်းမြစ်များ

NINGPAWT NINGHPANG 24:33

Shi a man e shat mung baw tawn ya mu ai; rai timung shi gaw, “Nye a amu ngai garai n tsun yang, shat garai n sha na nngai,” ngu wu ai. Nta madu wa gaw, “Rai taw, tsun u,” nga wu ai.

NINGPAWT NINGHPANG 24:56

Dai wa gaw, “Ngai hpe hkum hkum da ma ni; ngai hkawm sa ai lam Yehowa shaman ya ni ai; nye madu hpang de lau bai wa lu n ga ngai hpe shabawn dat mi,” ngu wu ai.

2 HKAWHKAM 4:24

Shaloi shi lawze langai mi byau nna shi a shangun ma hpe, “Nang hkan sa su; ngai n tsun yang hkum lanyan et,” ngu wu ai.

2 HKAWHKAM 4:29

Shaloi Elisha gaw Gehazi hpe, “Shingkyit kyit u, nye a dawhkrawng lang nna sa wa su: langai ngai hte hkrum yang, hkum shachyen et, nang hpe shachyen yang hkum htan et; nye a dawhkrawng hpe ma a myi man ntsa e mara da u,” ngu dat wu ai.

GA SHAGAWP 4:25

Na a myi ang ang mada yu u; Myi hpyu hkum rai et.

MARKU 6:7

Shaloi dai sape shi lahkawng hte hpe shi shaga la nhtawm, marai lahkawng yep yep di nna, shangun dat mu ai hte, n seng ai nat ni hpe dang kau lu na ahkang, jaw dat mu ai rai nna;

LUKA 22:35

Dai hta kaga shi shanhte hpe tsun mu ai gaw, “Gumhpraw jan, htingpa, kyepdin n gun n lang ai sha, ngai nanhte hpe shangun dat ai shaloi, nanhte hta lama ma ra malit ni?” ngu nna san mu yang, shanhte gaw, “Hpa mung n ra ga ai,” ngu mu ai.

1 SAMUELA 21:8

Bai Dawi gaw Ahimelek hpe, “Nang kaw ri nhtu n nga a ni? Hkawhkam wa a amu nau tin nna, ri nhtu hpa pyi n la lang lu nngai,” ngu wu yang,