LUKA 10:35 - Jinghpaw Hanson Version Bible

³⁵ Hpang shani e shi gumhpraw lap lahkawng shaw nna, dai manam nta madu wa hpe ya let tsun wu ai gaw, “Ndai wa hpe yu lajang ya e; shi a majaw nang jan ma ai made gaw, ngai bai wa jang she, nang hpe wa wa na de ai,” ngu da wu ai.

Jinghpaw Common Language Bible 2009

³⁵ Hpang shani e, shi gumhpraw lap lahkawng shaw nna, dai manam nta madu wa hpe ya let tsun wu ai gaw, “Ndai wa hpe yu lajang ya e, shi a majaw nang jan ma ai made hpe gaw, ngai bai wa jang she, nang hpe wa wa na de ai,” ngu da wu ai.

LUKA 10:35 ပူးပေါင်းရင်းမြစ်များ

GA SHAGAWP 19:17

Matsan mayan wa hpe matsan dum ai wa gaw, Yehowa hpe hkoi ya ai rai nna, Shi galaw ai hte maren bai hkam la na ra ai.

MAHTE 18:28

Shaloi dai mayam wa pru nna shi kaw gumhpraw latsa sha hka kap ai mayam manang langai mi hpe hkrum jang, shi hpe dun la ai hte shi du hpe gra chyit di nna, Nye hka ya wa e, ngu wu ai.

MAHTE 20:2

Dai wa gaw, lani mi hta gumhpraw lap mi jaw sa na, ngu nna amu galaw ai ni hte bawng jahkut nhtawm, tsabyi sun de shanhte hpe shangun dat mu ai.

LUKA 10:34

shi a nma ni hta namman hte tsabyi ru bun nhtawm, ahkyen kayawp wu ai: shi a lawze hta mung dai wa hpe shajawn nhtawm, manam nta langai mi de lakawn wa nna, lajang ya wu ai.

LUKA 10:36

“Dai masha masum hta damya hkrum ai wa hte htingbu daw ai wa gaw, kadai mahtang re ai, ngu nna nang myit nta? ngu nna htan wu ai.

LUKA 14:13

Nang poi galaw daw n-yang gaw, matsan mayan ni, jahten labye ni, lagaw hten ai ni hte myi kyaw ai ni hpe shaga la u:

ROMA 16:23

Ngai hpe mung, Hpung ting hpe mung, manam daw ai madu Geu gaw nanhte hpe shakram dat ai. Dai mare na gumhpraw dek up ai wa Erastu hte, hpunau Kuartu yan gaw nanhte hpe shakram ma ai.