LUKA 10:28 - Jinghpaw Hanson Version Bible

²⁸ Yesu gaw, “Nang htan ai ga teng nga lit dai; shing rai u, shaloi nang asak hkrung na rin dai,” ngu nna shi hpe tsun wu ai.

Jinghpaw Common Language Bible 2009

²⁸ Yesu gaw, “Nang htan ai ga teng nga lit dai, shing rai u, shaloi nang asak hkrung lu na ndai,” ngu nna shi hpe htan wu ai.

LUKA 10:28 ပူးပေါင်းရင်းမြစ်များ

NEHEMIA 9:29

Na a tara de shanhte kayin wa lu hkra, nang shanhte hpe shadum jahprang timung, shanhte gumrawng ai hku galaw nna, na a hkang da ai ga ni hpe n madat ma ai; asak jahkrung ya chye ai, na a matsun maroi ga ni hpe, shanhte tawt lai ai hte, myit magaw nna du ja nga let, hpa mung n madat ma ai.

GA SHAGAWP 19:16

Hkang da ai ga hpe, hkan nang ai wa gaw, tinang myit masin bau sin nga ai; Tinang lam hpe n kaw n law re ai wa chyawm gaw, si mat na ra ai.

EZEKELA 20:11

Dai yang e ngai shanhte hpe nye a matsun maroi ga jaw da nna, nye a tara dara ai lam madun dan nngai: dai gaw hkan nang ai wa a hkrung nga na lam rai nga ai.

EZEKELA 20:13

Rai timung, Israela dap gaw nam mali hkan e ngai hpe gumlau nga ai: shanhte gaw nye a matsun maroi ga hpe n hkan, nye a tara dara ai lam hpe kau da ma ai: dai lam ni chyawm gaw hkan nang ai wa a hkrung nga na lam rai nga ai; nye a laban nhtoi ni hpe mung shanhte grau awu asin di kau mu ai. Dai rai nna, shanhte hpe shamyit kau na matu, nye a pawt bu ai hpe, nam mali hkan e shanhte a ntsa e ru dat na, ngai tsun nngai.

EZEKELA 20:21

“Rai timung, shanhte kashu kasha ni gaw ngai hpe gumlau ma ai: shanhte gaw nye a matsun maroi ga hpe n hkan, nye a tara dara ai lam ni hpe n hkan galaw ma ai: dai lam ni chyawm gaw hkan nang ai wa a hkrung nga na lam rai nga ai: nye a laban nhtoi ni hpe mung, shanhte awu asin di kau ma ai. Dai rai nna, shanhte hta nye kahtet ai myit shakawp na matu, nam mali hkan e nye a pawt bu ai, shanhte a ntsa e ru dat na, ngai tsun nngai.

JAW JAU 18:5

Dai rai nna, ngai jaw tawn ai tara lam hte ga matsun hpe nanhte hkan nang lu na rai myit dai: dai hte hpe hkan shatsup ai wa gaw de a marang e asak hkrung na rai: ngai gaw Yehowa rai nga nngai.

MAHTE 19:17

Shi gaw, “Kaja ai ngu mai ai lam, nang hpa rai ngai hpe san yu n ta? Kaja ai wa langai mi nga nga ai: nang nan asak hkrung ai de shang mayu n yang gaw, jep ai tara hpe hkan nang nga u,” ngu nna shi hpe tsun wu ai.

MARKU 12:34

Dai wa gaw, kunghpan myit hte htan nga ai hpe, Yesu chye wu yang, “Nang gaw Karai Kasang a mungdan hte tsan nga ndai n rai,” ngu nna shi hpe htan wu ai. Dai hpang kadai mung, shi hpe hpa pyi n san wam mu ai.

LUKA 7:43

Simun gaw, Grau law shalawt kau ya ai wa rai na re ai, ngai nawn nngai, ngu nna htan wu ai. Yesu gaw, Nang hparan ai hku rai nga ai, ngu wu ai.

ROMA 10:4

Kaning rai nme law, dinghpring ai kaw du lu mu ga, Hkristu gaw kamsham ai ni mahkra a matu mara, jep ai tara a chyahtum rai nga ai.

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

ROMA 7:10

dai rai nna, asak hte seng ai ga matsun gaw, si ai lam tai wa sai, ngai dum nngai:

GALATI 3:12

Dai jep ai tara mahtang gaw, makam masham hte n seng ai rai nna, De a lam hte hpe hkan shatup ai wa gaw, dai hta e hkrung nga lu na ra ai, nga ai.

TARA JAHPRANG 6:24

Shing rai dai ni rai nga ai hte maren anhte a asak hpe bau ya nga na matu, anhte a tutnawng na ngamai nhpang tai lu hkra, anhte a Karai Kasang Yehowa hpe hkrit hkungga nga mu ga nga, Yehowa gaw ndai matsun maroi ga nlang anhte hpe tawn da ya ai, rai nga ai.