LUKA 10:2 - Jinghpaw Hanson Version Bible

² Shi shanhte hpe, “Nmut shang na shara law law nga ai; amu galaw ai ni mahtang n law ma ai: dai majaw mam Madu gaw shi a nmut amu hta, amu galaw na masha jashawn u ga, a hpyi nga mu.

Jinghpaw Common Language Bible 2009

² Shi shanhte hpe, “Nmut shang shara law law nga ai, amu galaw na ni mahtang n law ma ai. Dai majaw, shi a nmut hta amu galaw na masha law law shangun dat ya u ga, Madu kaw akyu hpyi nga mu.

LUKA 10:2 ပူးပေါင်းရင်းမြစ်များ

1 HKAWHKAM 18:22

Bai Elia gaw mung masha ni hpe, Yehowa myihtoi ngu na gaw ngai chyu sha ngam ni ai; Bala myihtoi ni mahtang mali tsa e manga shi ting rai nga ma ai.

SHAKAWN KUNGDAWN 68:11

Dai Madu gaw mungga jaw dat mi ai; Shi ga htawn tsun ai num ni, hpung kaba rai nga ma ai.

YEREMIA 3:15

Bai ngai gaw, ngai tsawra ai hpung up ni hpe dang da nna, shanhte gaw chye chyang ai nyan hpaji hte nanhte hpe woi up na mara ai.

ZEHKARIA 11:17

Sagu hpung hpe kau da ai, n hkaw ai sagu rem wa gaw, dingnye lu u ga: shi a lahpum hte, hkra maga na myi hta, nhtu tsin-yam du u ga: lahpum ting hkraw kap mat u ga, hkra maga na myi kyaw mat u ga,” nga ai.

ZEHKARIA 11:5

sagu madu ni gaw sagu ni hpe sat kau timung, mara nga ai, n nawn ma ai: dut sha kau ai ni mung, ‘Ngai sut su nngai majaw, Yehowa a nga u ga,’ nga ma ai: tinang amyu sagu rem ni pyi, sagu ni hpe matsan n dum ma ai.

BU HKAWM 11:17

Shaloi ngai yu sa nna, dai yang e nang hte ga matut na ring ngai: nang hta dung ai Wenyi hta na ngai la nna shanhte a ntsa e mara ya na we ai; ndai amyu a lit nang chyu sha gun hpai na n rai, shanhte nang hpe gun hpai karum na rai ma ai.

BU HKAWM 11:29

Mawshe chyawm gaw, “Nye a matu nang manawn ya nni? Yehowa a masha nlang hte gaw myihtoi hkrai rai nga mu ga, Yehowa gaw shi a Wenyi shanhte a ntsa e mara jaw mu ga law!” nga nna tsun ai.

MAHTE 20:1

Kaning rai nme law sumsing lamu a mungdan gaw, tsabyi sun hta amu galaw ai masha saw bang na, jahpawt jau jau e pru sa wa ai nta madu hte bung nga ai.

MARKU 13:34

Dai lam, masha langai mi tsan tsan mung de sa nga mat na, shi a nta hpe kau da yang, shi a mayam ni hpe ahkang jaw mu ai hte langai hte langai hpe bungli karan ngut jang, chyinghka sin ai wa hpe mung maja nga u ga, nga nna hkang da ai lam hte bung nga ai:

MARKU 16:15

Bai shi shanhte hpe, “Nanhte mungkan ting chyam hkra hkawm sa wa nna, shinggyim masha amyu baw shagu hpe, dai kabu gara shiga hpe hkaw dan mu.

MARKU 16:20

Shanhte mung hkawm sa nna, shara shagu hkan e hkaw dan mu ai: dai Madu shanhte hte shingdep nna, shabyin lu ai lamik kumla ni hte dai mungga hpe shagrin ya mu ai.

LUKA 9:1

Dai hpang, shi gaw dai sape shi lahkawng hte hpe shaga la nhtawm, nat nlang hpe dang lu na mung, machyi makaw shamai ya na mung, shanhte hpe atsam hte ahkang jaw nna,

KASA 11:19

Ya Stehpan kaw nna hpang ai zingri zingrat lam majaw bra mat wa ai ni gaw, Hpinisi, Kupru mung hte Antioki mare du hkra len hkawm wa nna, Yuda masha ni hpe hkrai sha, dai mungga hkaw dan ma ai.

KASA 13:2

Ya shanhte Madu hpe nawku let lusha gam nga yang, Chyoi pra ai Wenyi gaw, “Barnaba yan Shawlu hpe, ngai shaga da ai amu gun hpai na matu, san da mu,” nga ai.

KASA 13:4

Shing rai, Chyoi pra ai Wenyi shan hpe shangun dat mu ai hte maren, shan gaw Seluki de yu wa nna, dai yang na li jawn nhtawm, Kupru de du ma ai.

KASA 20:28

Karai Kasang gaw shi a sai hte mari la ai Hpung hpe yu lahku na matu, Chyoi pra ai Wenyi nanhte hpe Hpung up ni shatai manit dai majaw, nanhte gaw, tinang hkum dai hte, sagu hpung ting hpe, sadi sahka hte yu nga mu law.

KASA 22:21

Shi chyawm gaw, ‘Pru wa su; ngai nang hpe maigan masha ni nga ai sumtsan ga de shangun na de ai,’ nga nna tsun ai,” ngu nna tsun mu ai.

KASA 8:4

Bra hkawm mat wa ai ni chyawm gaw, mungga hkaw dan let htawt hkawm nga ma ai.

1 KORINHTU 12:28

Karai Kasang chyawm gaw nkau mi hpe dai Hpung hta e, langai ngu na hta kasa ni, lahkawng ngu na hta myihtoi ni, masum ngu na hta sara ni, dai hpang e lamik kumla galaw ai ni, dai hpang e machyi makaw shamai shatsai na chyeju lu ai ni, shingdep shingtau ai ni, salang bawmung ni hte ga amyu myu chye tsun ai ni, san tawn da manu ai.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

HPILIPI 2:21

Yawng hte gaw Hkristu Yesu hte seng ai hpe n re ai sha, tinang hte seng ai hpe sha tam nga ma ai.

HPILIPI 2:25

Bai, nye a hpunau wa, shingdep shingtau wa hte hpyen manang wa ngu ai, nanhte a kasa hte ngai ra ai hku hpajang ai wa, Epahprodi hpe, nanhte hpang de shangun dat na mai nga ai, ngai myit ngut da we ai.

HPILIPI 2:30

Kaning rai nme law, nanhte ngai hpe daw jau ai lam hta naw ngam nga ai hpe shatup shatsup lu na matu, shi a asak hpe pyi shi shanaw kau nna, dai Madu a magam bungli majaw, si ai ganoi noi hkrum nga ai.

KOLOSE 1:29

Shing rai byin lu hkra, ngai hta tsam mari shachyen ai wa a bungli galaw ai hku hte maren, ngai mung bungli galaw ai hta shaja nga nngai.

KOLOSE 4:12

Nanhte kaw na rai nga ai Hkristu Yesu a mayam Epahpra gaw nanhte hpe shakram dat myit dai: nanhte gaw Karai Kasang a myit mang ai hku nlang hte hta hkum tsup ai hte dinggrin nga let lahpran tsap nga lu myit ga, dai akyu hpyi ai hta shi nanhte a matu mara tutnawng e shingjawng hkat nga ai.

1 HTESALONI 2:9

Dai hta kaga, hpunau ni e, anhte a amu bungli hte atsu atsam hpe nanhte naw dum nga myit dai: nanhte hta langai mi hpe mung lit n shagun u ga, shani shana bungli galaw let, Karai Kasang a kabu gara shiga anhte nanhte hpe hkaw dan ga ai.

1 HTESALONI 5:12

Dai hta kaga, hpunau ni e, nanhte hta bungli gun hpai nna, dai Madu hta nanhte a ntsa e up nga ai hte, nanhte hpe shadum jahprang nga ai ni hpe adum nga nna,

2 HTESALONI 3:1

Bai, lam mi gaw, hpunau ni e, dai Madu a mungga gaw nanhte hta chyam wa nna hpung shingkang lawm nga ai hte maren, shara shagu hkan e chyam wa nna hpung shingkang lawm lu na hte,

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

2 TIMOHTI 4:5

Nang chyawm gaw, lam shagu hta htauli htaula nga u; nni nkri hkam sharang nga u; kabu gara shiga hkaw dan ai sara a amu gun hpai nga u; na a sara aya a amu hpe hkum tsup hkra shatup u.

HPILEMON 1:1

Hkristu Yesu a bawng dung ai wa, ngai Pawlu hte hpunau Timohti gaw, anhte amu shingtau ai, tsawra ai wa Hpilemon hpe mung,

HEBRE 3:6

anhte mung, anhte a nden ja ai lam hte myit mada ai lam a gumrawng shara hpe, jahtum nhtoi du hkra ngang ngang manat nga ga yang gaw, dai nta nan rai nga ga ai.

SHINGRAN 2:1

Ehpesu mare na Hpung a kasa hpe ning ngu ka dat u; Hkra lata hta dai shagan sanit lang da nna, aja pyengdin sanit ni a ka-ang e hkawm sa ai wa ning nga nga ai: