LUKA 10:17 - Jinghpaw Hanson Version Bible

¹⁷ Dai sape sanit shi chyawm gaw kabu gara ai myit hte bai wa nna, “Madu e, na a amying hte nat ni pyi anhte a ga madat ma ai,” ngu mu ai.

Jinghpaw Common Language Bible 2009

¹⁷ Dai sape marai sanit shi lahkawng hte gaw, nachying kabu gara ai myit hte bai du wa nna, “Madu e, na a mying hte daru dat yang, nat ni pyi anhte a ga madat ma ai,” ngu mu ai.

LUKA 10:17 ပူးပေါင်းရင်းမြစ်များ

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MARKU 16:17

Kamsham ai ni madun dan lu na lamik kumla gaw, da ndai ni rai nga ai: Shanhte nye a amying hte nat ni hpe shaden kau lu na mara ai; ga amyu kaga ga mung, tsun dan lu na mara ai;

LUKA 10:1

Dai hpang, dai Madu gaw sape kaga sanit shi san la nna, shi hkum dai sa magang ai mare hte shara shagu de, marai lahkawng yep di nna, shi a shawng e shangun dat wu ai.

LUKA 10:20

Rai timung, nat ni nanhte a ga madat ma ai majaw, hkum kabu myit; nanhte a amying sumsing lamu hta ka da nga ai majaw she, kabu nga mu,” ngu nna shanhte hpe tsun mu ai.

LUKA 10:9

dai yang na machyi ai ni hpe shamai ya nna, Karai Kasang a mungdan gaw nanhte hte ani sha du ra ai, ngu nna shanhte hpe tsun dan mu.

LUKA 9:1

Dai hpang, shi gaw dai sape shi lahkawng hte hpe shaga la nhtawm, nat nlang hpe dang lu na mung, machyi makaw shamai ya na mung, shanhte hpe atsam hte ahkang jaw nna,

ROMA 16:20

Ngwipyaw ai a npawt Karai Kasang gaw, gade n na yang, nanhte a lagaw npu e Satan hpe kabye arin na ra ai. Anhte a Madu Yesu a chyeju gaw nanhte hte rau anga nga u ga law,

EHPESU 5:24

Dai Hpung gaw Hkristu a npu e taw nga ai hte maren, madu jan ni mung lam shagu hta e madu wa ni hkang ai hku hkan nga u ga.