LUKA 10:16 - Jinghpaw Hanson Version Bible

¹⁶ Nanhte a ga madat ai wa gaw, nye a ga madat ai mung, rai nga ai. nanhte hpe gang kau ai wa gaw, ngai hpe mung gang kau ai, rai nga ai: ngai hpe gang kau ai wa gaw, ngai hpe shangun dat ai wa hpe mung, gang kau ai rai nga ai,” ngu nna tsun dat mu ai.

Jinghpaw Common Language Bible 2009

¹⁶ Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

LUKA 10:16 ပူးပေါင်းရင်းမြစ်များ

PRU MAT 16:7

hpawt de mung Yehowa a hpung shingkang nanhte mu na marin dai: Yehowa hpe nanhte a put ai ga gaw shi na nu ai: an hpe aput na gaw an hpa hkaw ai yan rai ga ta?” ngu nna Israela kashu kasha ni hpe tsun mu ai.

PRU MAT 16:8

Bai Mawshe gaw, “Shana de sha na matu shan, jahpawt e hkru ram hkra sha na muk, Yehowa nanhte hpe jaw na myit dai shaloi, nye a ga teng na ra ai: Yehowa hpe nanhte aput ai ga shi na nu ai: an wa mi hpa rai ga ta? nanhte aput ai ga gaw an hta hkra ai n rai, Yehowa hta hkra nga ai,” ngu wu ai.

MALAHKI 1:6

Kasha gaw kawa hpe, mayam gaw madu hpe, hkungga ga ai: ngai kawa rai yang, ngai hpe hkungga ai, kanang? Ngai madu rai yang, ngai hpe hkrit ai, kanang? Nga nna Zaw nawng zaw wa up ai Yehowa gaw, nye a amying hpe nhpu nru di ai hkinjawng ni hpe, san nga ai. Nanhte mahtang, Na a amying hpe anhte kaning rai nhpu nru di ga ta? nga nna bai htan myit dai.

BU HKAWM 14:11

Shaloi Yehowa Mawshe hpe, “Ndai amyu gaw gaten du hkra ngai hpe n gawn n sawn rai nga na ma ta? shanhte hta ngai madun ai lamik kumla ni hpe mu lu ninglen gaten du hkra ngai hpe naw n kam na ma ta?

BU HKAWM 14:2

Israela kashu kasha ni yawng gaw Mawshe yan Arun hpe aput apai nga nna, dai shawa hpung ting shan hpe, “Anhte Egutu mung e si mat ga taw le: shing n rai, ndai nam mali hkan e si mat ga taw le:

BU HKAWM 16:11

Dai rai nna, nang hte nang hpang maga na ni yawng, Yehowa hpe gumlau nga myit hka; Arun hpe shara na gaw shi hpa wa rai nga a ta?” ngu wu ai.

MAHTE 10:40

Nanhte hpe hkap hkalum la ai wa gaw, ngai hpe mung hkap hkalum la ai; ngai hpe hkap hkalum la ai wa mung, ngai hpe shangun dat ai wa hpe hkap hkalum la ai rai nga ai.

MAHTE 18:5

Ndai ma kaji zawn re ai wa langai mi hpe, nye a amying hte hkap la ai wa kadai mung, ngai hpe hkap la nga ai.

MARKU 9:37

“Ma kaji ni hta na, ndai zawn re ai ma langai mi hpe, nye a amying majaw hkap la ai wa kadai mung, ngai hpe hkap la nga ai: ngai hpe hkap la ai wa mung, ngai hpe hkap la ai n rai, ngai hpe shangun dat ai wa hpe she hkap la ai rai nga ai.”

LUKA 9:48

“Ndai ma hpe nye a amying majaw, hkap la ai wa kadai mung, ngai hpe hkap la ai rai nga ai; ngai hpe hkap la ai wa mung, ngai hpe shangun dat ai wa hpe hkap la ai rai nga ai: dai rai nna, nanhte mahkra hta grau kaji ai wa gaw kaba grau ai wa rai nga ai.

YAWHAN 12:44

Bai Yesu jahtau nna tsun ai gaw, “Ngai hpe kamsham ai wa gaw, ngai hpe kamsham ai n rai; ngai e shangun dat ai wa hpe kamsham ai rai nga ai.

YAWHAN 12:48

Ngai hpe n hkap la ai hte nye a ga n hta la ai wa hpe, jeyang na madu kaga mi nga ai: ngai tsun ai mungga e nan, hpang jahtum na nhtoi hta, dai wa hpe jeyang na ru ai.

YAWHAN 13:20

Ngai nanhte hpe gaja wa teng teng tsun made ai gaw, Ngai shangun dat ai wa e hkap la ai wa gaw, ngai hpe hkap la ai, rai nga ai: ngai e hkap la ai wa mung, ngai hpe shangun dat ai wa e hkap la ai, rai nga ai,” ngu nna shanhte hpe tsun wu ai.

KASA 5:4

ga dai nga nga yang, na a arai nga ai n rai ni? dut kau ai hpang na mung, na a arai naw nga ai n rai ni? nang hpa rai dai hku maw n ta? masha hpe masu ai n rai, Karai Kasang hpe masu kau nu ai,” ngu wu ai.

GALATI 4:14

Nye a hkum shan a majaw nanhte hta n kaw n law shara tai nga rai timung, nanhte ngai hpe matsat kau ai hte ban kau mi ai n re ai sha, Karai Kasang a lamu kasa hpe zawn, gaja wa, Yesu Hkristu hpe zawn, ngai hpe hkap hkalum la mi ai.

1 HTESALONI 4:8

Dai rai nna, n kaw n law re ai wa kadai mung, masha hpe n rai, nanhte hta shi a Chyoi pra ai Wenyi jaw ya ai Karai Kasang hpe n kaw n law di da wu ai.