LUKA 1:8 - Jinghpaw Hanson Version Bible

⁸ Ya shi gaw, shi a hpung hte rau abat wa ang nna, Karai Kasang man e hkinjawng amu gun nga yang,

Jinghpaw Common Language Bible 2009

⁸ Lani mi na Zahkaria gaw shi lawm nga ai hkinjawng hpung hta lit ang ai hte maren, Nawku Htingnu kata e shani shagu galaw ang ai daw jau ai amu gun hpai nga ai.

LUKA 1:8 ပူးပေါင်းရင်းမြစ်များ

1 HKAWHKAM LABAU 24:19

Dai gaw, Israela Karai Kasang Yehowa shanhte a kawa Arun hpe hkang da nna, Arun gaw shanhte hpe htawn tsun ai lam hte maren, Yehowa nta hta daw jau ai amu galaw na matu, san da ai hpung ni rai nga ma ai.

1 HKAWHKAM LABAU 24:2

Nadab yan Abihu gaw shadang sha n shaprat ai, kawa a shawng e si mat ma ai; dai rai nna, Eliaza hte Ihtama gaw hkinjawng amu galaw ma ai.

2 HKAWHKAM LABAU 11:14

Kaning rai nme law, shanhte gaw Yehowa hpe daw jau na matu, hkinjawng amu n galaw lu hkra, Yeroboam hte shi a kasha ni gaw shanhte hpe hkum da nna,

2 HKAWHKAM LABAU 31:19

Bai nam kahtawng hkan e mung, mare shagu a ginwang hkan e mung nga nga nna, Lewi masha ni hte seng ai, jahpan laika hta lawm ai. Arun a kashu kasha hkinjawng amyu lasha ni nlang hpe mung, karan jaw na matu lahta de amying tsun ai ni hpe san da mu ai.

2 HKAWHKAM LABAU 31:2

Dai hpang Hezekia gaw, hkinjawng ni hte Lewi masha ni, langai hte langai tinang hpung ang ai hte maren, daw jau ai amu hkan nna, Yehowa a wang chyinghka kata e, wan nat hkungga hte mahku hkungga nawng ya nna, daw jau let mahkawn mangoi ai hte, shakawn kungdawn nga na matu, shanhte hpe san da mu ai.

2 HKAWHKAM LABAU 8:14

Bai shi gaw, kawa Dawi tawn da ai htung hte maren, daw jau na matu, hkinjawng hpung ni hte, lani hte lani ang wa ai hte maren, hkinjawng ni a man e, daw jau ai ni hte, mahkawn mangoi nga na matu, Lewi masha hpung ni hpe mung tawn da mu ai; chyinghka shagu makau e tawn da mu ai: kaning rai nme law, Karai Kasang a masha wa Dawi gaw dai lam hkang da mu ai.

EZRA 6:18

Mawshe a laika hta ka da nga ai hte maren, Yerusalem e nga ai Karai Kasang hpe daw jau na matu, shanhte gaw hkinjawng ni hpe pang mi hte pang mi, Lewi masha ni hpe tinang a hpung ni hta tawn da mu ai.

PRU MAT 28:1

“Na nhpu Arun nye a man e hkinjawng amu gun hpa nga na matu, shi hte shi a shadang sha ni Nadab, Abihu, Eleaza, Ihtama hte hpe, Israela kashu kasha ni hta na lata la nna nang hpang de shaga la u.

PRU MAT 28:41

Shing rai na nhpu Arun hte shi a shadang sha ni hpe nang shabu jahpun nna, nye a man e hkinjawng amu gun hpai nga na matu, shanhte hpe namman chya nna, aya dang da ai hte shachyoi shapra na rai mu ai.

PRU MAT 29:1

“Shanhte nye a man e hkinjawng amu gun hpai lu na matu, nang shanhte hpe ning di shachyoi shapra na rai ndai: ra n rawng ai usu kasha hte sagu la lahkawng;

PRU MAT 29:44

Dai shawa sum hte tawn hkungri hpe ngai shachyoi shapra na we ai: Arun hte shi a shadang sha ni hpe mung, nye a man e hkinjawng amu gun hpai nga lu na matu, ngai shachyoi shapra na mawe ai.

PRU MAT 29:9

Arun hte shi a shadang sha ni hpe shingkyit kyit ya nna, bunghkaw hkaw ya na rai wu ai: shing rai shanhte gaw, tutnawng nga nga ai tara hte maren hkinjawng amu gun nga lu na rai nga ai: shing di Arun hte shi a shadang sha ni hpe hkinjawng aya hta nang dang da na rai ndai.

PRU MAT 30:30

Arun hte shi a shadang sha ni hpe mung nang chya nna, nye a man e shanhte hkinjawng amu gun hpai nga lu na matu, shanhte hpe shing di shachyoi shapra na rai ndai.

BU HKAWM 18:7

Nang hte na a shadang sha ni gaw, tawn hkungri hte nba shinggang kata na jaw jau ra ai hkinjawng amu yawng gun hpai na rai myit dai; dai gaw nanhte a amu rai nga ai: jaw jau na hkinjawng amu ngai nanhte hpe kumhpa zawn ap ya masade ai: dai de htep sa ai masha gale gaw sat kau ai hkrum na rai ai,” ngu wu ai.

LUKA 1:5

Yuda mung up ai Herod hkawhkam a lakhtak e, Abia hpung hta nang ai, Zakari mying ai hkinjawng langai mi nga ai; shi a madu jan gaw Arun amyu shayi sha ni hta na rai lu ai; shi a amying gaw Elisabet ngu ai, rai nga ai.

LUKA 1:7

Shan gaw kasha n lu ma ai; kaning rai nme law, Elisabet gaw maudung dung nga ai hte, shan lahkawng aprat kaba masai.