LUKA 1:71 - Jinghpaw Hanson Version Bible

⁷¹ Hkrit ai myit n rawng ai sha, anhte a prat dingnawng, Chyoi pra ai, dinghpring ai hte, shi a man e daw jau lu hkra,

Jinghpaw Common Language Bible 2009

⁷¹ anhte a hpyen ni hte anhte hpe n ju n dawng ai ni yawng a lata na hkye hkrang la mani ai.

LUKA 1:71 ပူးပေါင်းရင်းမြစ်များ

2 HKAWHKAM 17:39

nanhte a Karai Kasang Yehowa hpe hkrai hkrit hkungga nga mu; shi gaw nanhte hpe hpyen ni yawng a lata na shaw mawai la na ra ai, nga nna ga shaka tawn da timung,

SHAKAWN KUNGDAWN 106:10

N dawng ai ni a lata na, shi shanhte hpe hkye hkrang la nna, Gumlau ni a lata na, shanhte hpe mawai la mu ai.

SHAKAWN KUNGDAWN 106:47

Anhte a Karai Kasang Yehowa e, anhte hpe hkye hkrang la mi; Na a chyoi pra ai amying hpe shakawn kungdawn nna, Nang hpe shakawn ai hta nlaw nga lu hkra, Masha amyu ni hta na, anhte hpe shinggyin la mi law.

YEREMIA 23:6

Shi a prat hta Yuda mung hkye hkrang la ai hkrum nna, Israela gaw asim sha nga lu na ra ai: da ndai gaw, Anhte a dinghpring Madu Yehowa, ngu nna shi hpe shamying ai amying rai nga ai.

YEREMIA 32:37

Yu mu, nye pawt bu ai, myit kahtet nna n-yun bu ai hte, ngai shanhte hpe shaden shabra kau ai mungdan ni yawng hta na, ngai shanhte hpe shinggyin la nna, ndai shara de bai woi wa nhtawm, asim sha nga nga shangun na nngai:

EZEKELA 28:26

Dai yang e shanhte pyaw pyaw nga lu na mara ai; gaja wa, shanhte a grup yin e nga nna, shanhte hpe n kaw n law di kau ai ni e, ngai dawdan ngut jang, shanhte gaw nta galaw ai hte tsabyi sun hkai nna, ngai shanhte a Karai Kasang Yehowa rai nga ai hpe, shanhte chye lu na mara ai,” nga ai.

EZEKELA 34:25

“Bai, ngai gaw shanhte hte ngwipyaw ga shaka tawn da nna, shanhte a mungdan hta na matse labye hpe shamyit kau na nngai; shing rai shanhte gaw nam mali hkan e a pyaw sha shanu nga nna, maling dinggram hkan e yup nga lu na mara ai.

EZEKELA 34:28

Maigan amyu ni, htawm hpang e shanhte hpe kashun kashe di lu na n rai; mungdan a matse labye ni, shanhte hpe amya sha lu na n rai; shanhte a pyaw sha nga lu nna, shanhte hpe jahkrit shama ai wa n nga lu ai.

EZEKELA 38:8

Nhtoi tsawmra na wa yang, nang ahkang aya lu la na ndai: shing rai, nhtu tsin-yam lawt nna, amyu baw ni hta na shaw la hkrum ai hte, nhtoi na na wa katsi katsang rai nga ai, Israela bum ni a ntsa e dè nga ai amyu hpang de, hpang jahtum ai aten e, nang lung gasat na ndai; rai timung, dai mung masha ni gaw maigan amyu ni hta na shaw la ai hkrum nna, yawng hte gaw apyaw sha shanu nga na mara ai.

LUKA 1:68

“Dai Madu, Israela Karai Kasang gaw, a nga u ga law; Shi a amyu hpe kawan yu sa nna, hkrang la ai lam waw ya nu ai.

LUKA 1:74

Shi a shangun ma Dawi a nta hta, anhte a matu,

TARA JAHPRANG 33:29

Israela e, nang a nga ndai: Yehowa hkye hkrang la ai amyu e, nang hte kadai bung a ta? Shi gaw nang hpe makawp maga ai ninggang, Na a shingkang shapraw ai nhtu rai nga ai. Na a hpyen ni nang kaw nawm nna, Shanhte a tsaw ai shara ni hpe nang kabye lu na rin dai,” nga nna tsun shaman ya wu ai.

1 YAWHAN 3:8

Yubak galaw ai wa gaw, Nat kaw na rai nga ai; kaning rai nme law, Nat gaw shawng npawt kaw nna, yubak galaw nga ai. Dai rai nna, Nat a amu bungli hpe sharun jahten kau u ga, Karai Kasang a Kasha gaw paw pru wa sai.