LUKA 1:70 - Jinghpaw Hanson Version Bible

⁷⁰ Anhte a ji wa ni hpe matsan dum ai lam madun na matu mung; Gumlau ni a lata na mawai la ai hkam ngut jang,

Jinghpaw Common Language Bible 2009

⁷⁰ Chyaloi nhkoi kaw nna shi a chyoi pra ai myihtoi ni a n-gup hte ga sadi jaw da sai hte maren,

LUKA 1:70 ပူးပေါင်းရင်းမြစ်များ

NINGPAWT NINGHPANG 12:3

Nang hpe shaman ai wa hpe, ngai shaman ya na we ai; nang hpe dagam ai wa hpe ngai dagam kau na we ai: na a marang e ga ntsa na masha amyu shagu gumring gumrat lu la shajang na mara ai,” ngu nna shaga wu ai.

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

2 SAMUELA 23:2

Yehowa a wenyi ngai hta tsun nga ai: Shi a mungga nye a shinglet hta lawm nga ai.

YEREMIA 23:5

Yehowa ning nga ai: yu u, Dawi a matu dinghpring ai Makrung ngai shatut ai aten du na ra ai: dai wa gaw, nyan rawng nna hkawhkam zawn up na hte, mungdan hta dinghpring ai hku dawdan na ra ai.

YEREMIA 30:10

Dai re ai majaw, nye a shangun ma Yaku e, hkum hkrit et; Israela amyu e, masin hkum kahpra et, nga nna Yehowa tsun ai: kaning rai nme law, yu u, ngai nang hpe sumtsan mung de na, na a aru arat hpe bawng dung ai shara kaw na, hkye hkrang la na nngai; Yaku gaw bai wa nna, kadai mung shi hpe n jahkrit ai, ngwipyaw ai hte ban sa nga na ra ai.

MARKU 12:36

Dawi shi hkum dai, Chyoi pra ai Wenyi hta, Dai Madu nye a madu hpe tsun wu ai gaw: “Na a gumlau ni hpe, na a lagaw npu e ngai tawn da ai du hkra, Nye a hkra maga de naw adung nga u,” nga nna tsun nga ai.

LUKA 24:44

Shaloi shi gaw, “Mawshe a tara hta mung, myihtoi ni a laika hta mung, Shakawn Kungdawn laika ni hta mung, ngai hpe sha-ang nna ka da mada yawng gaw dik lu na ra ai, ngu nna nanhte hte rau naw nga yang, ngai nanhte hpe tsun ni ai, nye a ga gaw, ndai rai nga ai,” ngu nna shanhte hpe tsun mu ai.

KASA 28:25

Shing rai shanhte shada myit n hkrum ma ai majaw, Pawlu gaw, shanhte hpe, “Chyoi pra ai Wenyi myihtoi Esaia a n-gup hte nanhte a nji nwa ni hpe tsun ai ga gaw teng la malit dai: dai gaw,

ROMA 1:2

Karai Kasang gaw moi moi shi a myihtoi ni e ndat da ai, shi a Kasha a lam ngu ai, Karai Kasang a kabu gara shiga a jaw e san da hkrum ai, ngai Pawlu gaw,

HEBRE 3:7

Dai re ai majaw, dai Chyoi pra ai Wenyi tsun ai hte maren, “Nanhte dai ni shi a nsen na myit yang gaw,

1 PETRU 1:12

Kaning rai nme law, ndai shanhte daw ai amu hte gaw, tinang a matu n re ai sha, nanhte a matu rai nga ai hte, sumsing lamu de na shangun dat ai Chyoi pra ai Wenyi a ahkang hte, kabu gara ai shiga, nanhte hpe hkaw dan ai ni, ya nanhte hpe gawn dan lu na amu rai nga ai gaw, shanhte hpe mung madun dan manu ai: dai amu hte hta lamu kasa ni mung, azi yu mayu nga ma ai.

2 PETRU 1:21

Kaning rai nme law, masha a myit jasat ai hku majaw, hpa myihtoi ga galoi mung byin pru yu ai n rai; Chyoi pra ai Wenyi e myit shadut ya hkrum ai masha ni gaw, Karai Kasang kaw na ga htawn tsun ma ai.

2 PETRU 3:2

dai Madu hte Hkye hkrang la ai wa a htet da ai ga hpe mung, nanhte adum nga myit ga, ndai laika yan hta nanhte a san seng ai myit hpe shadum jahprang let, ngai jasu da made ai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.