LUKA 1:7 - Jinghpaw Hanson Version Bible

⁷ Shan gaw kasha n lu ma ai; kaning rai nme law, Elisabet gaw maudung dung nga ai hte, shan lahkawng aprat kaba masai.

Jinghpaw Common Language Bible 2009

⁷ Rai ti mung, Elisabet gaw maudung rai nga ai majaw kasha n shaprat wu ai. Shan lahkawng asak aprat mung kaba ma sai.

LUKA 1:7 ပူးပေါင်းရင်းမြစ်များ

NINGPAWT NINGHPANG 17:17

Shaloi Abraham gaw dingnyawm dagup nga let, “Latsa ning du sai wa gaw kasha naw lu na kun? Jahku shi ning du sai Sara mung kasha naw shangai na ra ai kun?” Nga nna mani ai hte shi a kraw lawang e tsun nga ai.

NINGPAWT NINGHPANG 18:11

Ya Abraham yan Sara gaw aprat kaba la masai; Sara hta mung numsha hking nga ai hte maren ya n nga salu ai.

NINGPAWT NINGHPANG 25:21

Isak gaw, shi a madu jan maudung dung ai majaw, shi a matu Yehowa hpe hpyi wu ai; dai rai nna Yehowa shi a ga madat ya ai hte shi a madu jan na-um nasin rai wa lu ai.

NINGPAWT NINGHPANG 30:1

Ya Rahkela gaw Yaku a matu kashu kasha n shaprat ya dum wu ai majaw, kana jan hpe manawn nna Yaku hpe, “Ngai e kasha jaw e; dai n rai ngai si mat na nngai,” ngu wu ai.

1 HKAWHKAM 1:1

Ya hkawhkam Dawi gaw dingla ugut gu prat shanut nu sayang, shanhte gaw shi hpe hpun nba jahpun mu timung, shi hkum n lum hkraw ai.

2 HKAWHKAM 4:14

Dai rai nna Elisha gaw, “Ataw, shi a matu hpa galaw na ga ta?” ngu nna san wu yang, Gehazi gaw, “Gaja wa, shi kasha n lu nga ai, madu wa mung dingla sai,” ngu wu ai.

LUKA 1:5

Yuda mung up ai Herod hkawhkam a lakhtak e, Abia hpung hta nang ai, Zakari mying ai hkinjawng langai mi nga ai; shi a madu jan gaw Arun amyu shayi sha ni hta na rai lu ai; shi a amying gaw Elisabet ngu ai, rai nga ai.

LUKA 1:6

Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

LUKA 1:8

Ya shi gaw, shi a hpung hte rau abat wa ang nna, Karai Kasang man e hkinjawng amu gun nga yang,

ROMA 4:19

Latsa ning du magang wa ai majaw, tinang hkum nan chyasi rai sai hte, Sara a pujat mung chyasi zawn nawn wu ai rai timung, kamsham ai myit n yawm lu ai:

HEBRE 11:11

Kamsham ai hte Sara pyi, prat lai mat sayang, na-um nasin rai wa lu na atsam lu la wu ai: kaning rai nme law, ga ndat tawn da ai wa kangka rai nga ai, ngu nna myit la wu ai.

1 SAMUELA 1:2

dai wa gaw num lahkawng lu ai; langai mi a amying gaw Hana, langai mi a Penina rai lu ai. Penina mahtang kasha shaprat nga ai; Hana chyawm gaw maudung rai nga ai.