LUKA 1:66 - Jinghpaw Hanson Version Bible

⁶⁶ Na mana ni yawng hte mung, tinang a kraw kata e dai hpe matsing da nna, “Ndai ma gaw, kaning re ai wa rai na ra ai i?” nga ma ai: kaning rai nme law, dai Madu a lata gaw shi hte rau nga nga ai.

Jinghpaw Common Language Bible 2009

⁶⁶ Dai shiga na ai masha shagu mung, tinang a kraw kata e dai hpe myit sumru yu nna, “Ndai ma gaw, kaning re ai wa rai na ra ai i?,” nga ma ai, kaning rai nme law, dai Madu a n'gun atsam gaw shi a ntsa e nga nga ai lam dan leng nga ai.

LUKA 1:66 ပူးပေါင်းရင်းမြစ်များ

NINGPAWT NINGHPANG 37:11

Shi a kahpu ni gaw shi hpe manawn da mu ai; kawa chyawm gaw ga dai hpe matsing gun da wu ai.

NINGPAWT NINGHPANG 39:2

Yehowa chyawm gaw Yawsep hte rau nga nga ai rai nna, shi gaw myit kaw du ai wa rai nga ai: shi madu Egutu masha nta hta shi nga nga ai.

1 HKAWHKAM 18:46

Yehowa a lata gaw Elia hta rai nga nna, shi shingkyit kyit nhtawm, Yezrela mare chyinghka lam de Ahab a shawng e gat du wu ai.

SHAKAWN KUNGDAWN 119:11

Ngai nang hpe n shut n hpyit n ga, Na a ga hpe, nye a myit hta, ngai bang da se ai.

SHAKAWN KUNGDAWN 80:17

Na a hkra maga e dung nga ai wa hte, Na a matu nang lata la ai masha kasha a ntsa e, na a lata anga nga u ga.

SHAKAWN KUNGDAWN 89:21

Nye a lata shi hte rau nga nga nna, Nye a lahpum shi hpe shangang na we ai.

LUKA 1:80

Dai ma mung kaba wa nna, wenyi atsam hta ja wa let, Israela masha ni kaw dan pru ai nhtoi du hkra, nam mali hkan e nga nga ai.

LUKA 2:19

Mari chyawm gaw dai ga yawng mayawng hpe matsing gun la nna, shi kraw kata e a ru yu nga ai.

LUKA 2:40

Dai ma gaw kaba wa ai hte n-gun lapyin ja wa nna, hpaji byeng-ya hte hpring nga ai; Karai Kasang a chyeju mung, shi a ntsa e anga nga ai.

LUKA 2:51

Shi chyawm gaw shan hte rau yu wa nna, Nazaret mare de du wa ai: shan a npu e mung shi taw nga ai: shi a kanu gaw dai ga mahkra hpe shi kraw hta matsing da wu ai.

LUKA 9:44

“Dai Masha Kasha gaw masha ni a lata de ap kau ai hkrum na ra ai, ga ndai hpe nanhte a na hta madat gun da mu,” ngu nna sape ni hpe tsun mu ai.

KASA 11:21

Dai Madu a lata shanhte hte rau nga nga ai rai nna, kamsham ai hpung daw wa kaba, Madu hpang de kayin bang wa ma ai.

KOLOSE 1:5

dai myit mada ai a lam nanhte kaw du dep ai tengman ai kabu gara shiga a majaw, nanhte shawng e na yu manit dai.

1 SAMUELA 16:18

Shaloi shabrang langai mi tsun ai gaw, “Betlehem masha Yese a kasha langai mi gaw ngai mu yu se ai; dai wa gaw tingse dum shapyaw chye ai hte, nden ja nna majan gasat kung ai wa, mungga hpaji rawng nna ahpraw tsawm ai wa rai nga ai; Yehowa mung shi hte rau nga nga ai;” ngu nna tsun dan wu ai.

1 SAMUELA 2:18

Dai ma Samuela chyawm gaw, hpa hkai palawng hpun nna, Yehowa man e amu gun hpai nga ai.