LUKA 1:6 - Jinghpaw Hanson Version Bible

⁶ Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

Jinghpaw Common Language Bible 2009

⁶ Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

LUKA 1:6 ပူးပေါင်းရင်းမြစ်များ

NINGPAWT NINGHPANG 17:1

Dai hpang Abram asak Jahku shi jahku ning du sayang, Yehowa gaw shi kaw dan pru nna, “Ngai gaw Chyahtum Chyalai n-gun rawng ai Karai Kasang rai nga ai; nye a man e hkum tsup let hkawm sa wa u.

NINGPAWT NINGHPANG 6:9

Ndai gaw Noa a maumwi lam rai nga ai: Noa gaw dinghpring ai hte, dai aprat na ni hta hkum tsup ai wa rai nga ai: Noa gaw Karai Kasang hte rau ahkawm asa nga ai.

NINGPAWT NINGHPANG 7:1

Shaloi Yehowa Noa hpe tsun wu ai gaw, “Ndai aprat na ni hta nye a man e nang dinghpring nga ndai gaw ngai mu se ai majaw, nang hte na a nta masha ni mahkra, dai sanghpaw li de shang mu.

1 HKAWHKAM 15:5

kaning rai nme law, Dawi gaw Yehowa man e tengman ai amu galaw wu ai rai nna, Hiti masha Uria lam hta kaga, shi hpe hkang da mada hta na, shi a prat dingsa e yit kau wu ai n rai.

1 HKAWHKAM 9:4

Nang chyawm gaw, na nwa Dawi zawn, ngai nang hpe hkang da mada hte hpe hkum tsup nna, dinghpring ai myit hte hkan galaw nga ai hte, nye a matsun maroi ga mung, tara tawn da ai lam ni hpe mung, hkan shatup nga n yang gaw,

2 HKAWHKAM 20:3

“Yehowa e, ngai gaw na a man e kangka nna myit ding ai hte hkawm nga nngai rai nna, nang sharawng awng ai lam shagu hpe hkan galaw ni ai gaw, dum ya e law,” ngu nna hkrap ngu hkrap ngoi let, Yehowa hpe hpyi nem wu ai.

2 HKAWHKAM LABAU 17:4

Shi gaw Israela masha ni zawn n re ai sha, shi kawa a Karai Kasang hpe hkan tam nna, shi a htet da ai ga hpe hkan nang nga ai.

YOBA 1:1

Uza mung hta e, Yoba mying ai wa langai mi nga ai; dai wa gaw dinghpring ai hte kangka ai wa rai nga nna, Karai Kasang hpe hkrit kamyin let, yubak mara hpe koi kau wu ai.

YOBA 1:8

Bai Yehowa gaw, “Nye a shangun ma Yoba hpe nang matsing da nu ni? Ga ntsa e shi hte bung ai wa n nga ai; shi gaw dinghpring ai hte kangka ai wa rai nga nna, Karai Kasang hpe hkrit kamyin let, yubak mara hpe koi kau ai wa rai nga ai,” ngu nna Satan hpe tsun wu ai.

YOBA 9:2

“dai lam teng nga ai, ngai gaja wa chye, timung, shinggyim maha gaw Karai Wa man e, kaning rai dinghpring lu a ta?

SHAKAWN KUNGDAWN 119:6

Shaloi nang htet da mada hpe dum nga yang, Ngai kaya kahpa n hkrum na nngai.

LUKA 1:7

Shan gaw kasha n lu ma ai; kaning rai nme law, Elisabet gaw maudung dung nga ai hte, shan lahkawng aprat kaba masai.

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

LUKA 2:25

Ya, yu mu, Simun mying ai masha langai mi Yerusalem mare e nga ai: dai wa gaw dinghpring ai hte tara hkungga nna, Israela hpe shalan shabran na lam myit mada nga ai wa rai nga ai; dai Chyoi pra ai Wenyi mung shi a ntsa e nga nga ai.

KASA 2:25

Dai wa hpe lakap nna Dawi tsun ai gaw, ‘Dai Madu hpe nye a myi man chyaw ngai tut tut mu lu nga nngai; Ngai n shamu n shamawt u ga nga, Shi nye a hkra maga e nga nga ai.

KASA 23:1

Shaloi Pawlu gaw dai salang bawng hpe azi yu da let, “Hpunau ni e, dai ni du hkra Karai Kasang a man e, hkum tsup ai myit mang hte ngai hkan sa ni ai,” ngu mu ai.

KASA 24:16

Dai rai nna, Karai Kasang a man e mung, masha a man e mung, ra n rawng ai sha tutnawng myit mang san pra nga lu hkra, a shaja nga nngai.

KASA 8:21

Na a myit Karai Kasang a man e n ding nga lit dai majaw, ndai lam hta nang hpa mung lawm lu ndai n rai.

ROMA 8:4

Karai Kasang gaw yubak a matu mara, yubak a hkumhkrang hte bung ai gawng shing-yan hte, shi hkum nan a Kasha hpe shangun dat ru ai rai nna, shinggyim hkum shan hta e yubak hpe dawdan wu ai.

1 KORINHTU 11:2

Nanhte gaw lam shagu hta e ngai hpe adum nga nna, ngai nanhte hpe dai matsun maroi ga madat da ai hte maren, nanhte hkan sharau myit dai majaw, ngai nanhte hpe shakawn made ai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

TARA JAHPRANG 5:33

Nanhte madu sha na marin dai mungdan hta nanhte hkrung nga lu nna, ngamu ngamai na hte asak galu malit ga gaw, nanhte a Karai Kasang Yehowa nanhte hpe hkang da ai lam magup hta nanhte hkan sa lu na rai myit dai.

HPILIPI 2:15

shing rai yang mara n rawng nna yubak n kap ai sha, ndai ja la nna myit magaw ai prat a ka-ang e agang chyalang n re ai Karai Kasang a kashu kasha ni nanhte tai wa ai hte,

KOLOSE 1:22

dai makam masham hta nga nga nna, de a npawt manat let da hpran nga myit yang gaw, chyoi pra nna agang chyalang n kap ai hte mara n rawng ai ni hpe, shi a man e jashawn myit ga,

1 HTESALONI 3:13

anhte nanhte hpe tsawra nga ga ai hte maren, nanhte a tsawra ai myit gaw shada da hte yawng mayawng a matu, kaba wa nna law htam wa lu hkra, dai Madu shabyin ya u ga.

2 PETRU 3:14

Shing rai myit mada ai lam ni rai nga myit dai majaw, tsawra ai ni e, ngwipyaw ai hku hkan let, shi a man e, matsat shabat hte agang chyalang n kap myit ga, shakut sharang nga mu.

1 YAWHAN 2:29

Shi gaw dinghpring nga ai hpe nanhte dum nga myit yang gaw, dinghpring ai amu galaw ai wa kadai rai timung, shi e shangai dat ai wa rai nga ai, nanhte chye nga myit dai.

1 YAWHAN 2:3

Shi a hkang da ai ga hte hpe anhte hkan nang ga yang gaw, anhte shi hpe chye chyap nga ai hpe, anhte chye ga ai.

1 YAWHAN 3:7

Shu sha ni e, kadai mung nanhte hpe lam n shadam myit ga: shi gaw dinghpring nga ai hte maren, dinghpring ai amu galaw ai wa kadai mung, dinghpring nga ai.