LUKA 1:32 - Jinghpaw Hanson Version Bible

³² Dai wa gaw galu kaba na ra ai rai nna, Tsaw htum ai wa a Kasha ngu ai hkam la na ru ai; Madu Karai Kasang mung, shi kawa Dawi a tingnyang, shi hpe jaw na wu ai rai nna,

Jinghpaw Common Language Bible 2009

³² Dai wa gaw galu kaba wa na ra ai rai nna, Tsaw Htum ai wa a kasha ngu, shi hkam la la na ru ai; Madu Karai Kasang mung, shi kawa Dawi a tingnyang shi hpe jaw na wu ai.

LUKA 1:32 ပူးပေါင်းရင်းမြစ်များ

2 SAMUELA 7:16

Na amyu matu hte na a mungdan chyawm gaw, na a man e dinggrin anga nga na ra ai: na a magam tingnyang mung htani htana dinggrin anga nga na ra ai, ngu u,” ngu wu ai.

SHAKAWN KUNGDAWN 132:11

Yehowa gaw Dawi hpe teng teng dagam da nna, Dai hta na nhtang wa na n rai: Na a aru arat hpe tingnyang hta e, ngai shadun na nngai:

SHAKAWN KUNGDAWN 132:12

Na a nshu nsha ni nye a ga shaka hte, Shanhte hpe ngai sharin ya ai sakse ga hpe, hkan nang ma yang gaw, Shanhte a kashu kasha ni prat dingsa, Na a tingnyang ntsa e, dung nga lu na mara ai.

ESAIA 16:5

tingnyang langai mi gaw n-gaw nwai ai hta jung nga nna, marai langai mi gaw, Dawi a sum hta, kangka re ai myit hte dai ntsa e dung nga na ra ai: shi gaw tara dara nna, dinghpring ai hku hkan let, alawan dawdan na ra ai.

YEREMIA 22:2

Dawi a tingnyang hta dung ai Yuda hkawhkam wa e, nang mung, na a ali ama ni mung, ndai chyinghka hku shang ai, na a amyu masha ni mung, Yehowa a ga madat mara mu.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

MAHTE 1:1

Da ndai gaw Abraham a kasha hte Dawi a kasha, Yesu Hkristu a ahtik labau gawn ai Chyum laika rai nga ai.

MAHTE 12:42

Tara dara ai nhtoi hta, dingda mung na hkawhkam jan gaw, ndai prat na amyu hte rau rawt wa nna, shanhte hpe dawdan na ra ai: kaning rai nme law, shi gaw Shawlumon a hpaji madat na, ga jahtum de na sa du ai: yu mu ndai yang e, Shawlumon hta grau kaba ai wa nga nga ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

MAHTE 3:11

Ngai gaw, myit malai lu myit ga, hka hta nanhte hpe baptisma jaw made ai, rai timung, nye a hpang e du sa ai wa mahtang gaw, ngai hta n-gun grau ja ai rai nna, shi a kyepdin gun na pyi ngai n ging n dan nngai: dai wa gaw Chyoi pra ai Wenyi hta mung, wan hta mung nanhte hpe baptisma jaw na myit dai:

MARKU 14:61

Shi mahtang atsin sha nga nna, hkaw mi muk n htan wu ai. Bai, hkinjawng agyi wa gaw, “A lu ai Wa a Kasha, ngu ai Hkristu gaw, nang rai nga nni?” ngu nna shi hpe san wu ai.

MARKU 5:7

Nang ngai hpe n zingri n ga, Karai Kasang hta, ngai nang hpe dagam de ai,” ngu nna nsen kaba hte jahtau wu ai.

LUKA 1:15

Kaning rai nme law, shi gaw dai Madu a man e galu kaba wa na ra ai; tsabyi hte chyaru shi lu na n rai; kanu a hkritung nna pyi, Chyoi pra ai Wenyi hte hpring na ra ai.

LUKA 1:35

Dai lamu kasa gaw, “Chyoi pra ai Wenyi na ntsa de du nna, Tsaw htum ai wa a atsam nang hpe shingnip ka-up na ra ai; dai re ai majaw shangai na ra ai wa gaw, Chyoi pra ai wa, Karai Kasang a Kasha ngu ai hkam la na ra ai.

LUKA 1:76

Ma e, nang mung, Tsaw htum ai Wa a myihtoi ngu ai hkam la na rin dai: Anhte a Karai Kasang a matsan dum ai chyeju majaw,

LUKA 3:16

Yawhan gaw, “Ngai gaw nanhte hpe hka hte baptisma jaw made ai; rai timung, ngai hta atsam grau rawng ai wa gaw sa wa ra ai; shi a kyepdin sumri raw na pyi ngai n ging nngai: shi gaw Chyoi pra ai Wenyi hta mung, wan hta mung, nanhte hpe baptisma jaw na ra ai:

LUKA 6:35

Dai rai nna nanhte gaw, nanhte a hpyen ni hpe tsawra mu; shanhte hpe kaja ai hku galaw mu; myit hpa mung n ru ai sha hkoi shap ya mu; shing rai jang, nanhte a shabrai kaba wa na hte, Tsaw htum ai wa a kasha ni mung nanhte tai na marin dai: kaning rai nme law, shi gaw chyeju malap kau ai ni hte, n hkru n hkra re ai ni hpe malawm magawm di mu ai.

YAWHAN 12:34

Dai nga ai majaw shawa masha ni gaw, “Hkristu gaw htani htana agrin nga na re ai, nga nna she tara laika hta rawng ai anhte na yu ga ai: dai re ai mi, nang gaw, Masha Kasha sharawt da ai hkrum lu na ra ai, nga ai gaw, hpa nga ai rai lit ta? Masha Kasha dai gaw, kadai wa mi rai ta?” ngu nna shi hpe htan mu ai.

YAWHAN 6:69

nang gaw Karai Kasang a Chyoi pra ai wa rai nga ndai hpe, anhte kamsham saga ai rai nna, chye nga ga ai,” ngu nna shi hpe htan wu ai.

KASA 16:17

Numsha dai mi Pawlu hte anhte kaw hkan nang nang rai nhtawm, “Ndai ni gaw law, nanhte hpe hkye hkrang la ai lam tsun dan ai, Tsaw Htum ai Karai Kasang a shangun ma ni rai nga ma ai law,” nga nna jahtau htau re ai.

KASA 2:30

Dai wa gaw myihtoi rai nga ai rai nna, shi a amyu matu hta na langai wa mi, shi a tingnyang hta dung nga lu na, nga nna, shi hpe Karai Kasang dagam shaka da ai hpe chye wu ai majaw,

KASA 2:36

Dai re ai majaw, nanhte wudang hta jen da sat kau ai, dai Yesu hpe, Karai Kasang gaw Madu hte Hkristu shatai nu ai gaw, Israela amyu ting gaja wa chye nga myit ga law,” ngu nna tsun wu ai.

KASA 7:48

Rai timung Tsaw Htum ai Wa gaw masha a lata hte sha gap ai nta hta rawng ai n rai; dai lam myihtoi wa htawn tsun ai gaw,

ROMA 1:4

Dai kasha gaw masha labau hku gawn yang, Dawi a aru arat rai nga ai; si mat ai ni kaw na bai hkrung rawt wa ai a majaw, Karai Kasang a Kasha nan shi rai nga ai gaw, chyoi pra rawng ai Wenyi hte aja awa shadan dan nga ai; anhte a Madu Yesu Hkristu nan shi rai nga ai rai nna,

SHINGRAN 3:7

Bai, Hpiladehpi mare na Hpung a kasa hpe ning ngu ka dat u: Chyoi pra ai wa, tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa, ning nga nga ai: