LUKA 1:22 - Jinghpaw Hanson Version Bible

²² Shi pru wa yang shanhte hpe ga n tsun lu ai rai nna, dai nawku Htingnu nhku e shingran mu nu ai hpe, shanhte dum ya ma ai: shi gaw shanhte hpe a dingsi dan nga nna, ma-a let nga nga ai.

Jinghpaw Common Language Bible 2009

²² Shi pru wa yang shanhte hpe ga n tsun lu ai rai nna, dai nawku htingnu nhku e shingran mu nu ai hpe shanhte chye ya ma ai, shi gaw shanhte hpe ga hkaw mi mung n shaga lu ai rai nna, shi a lata hte dingsi dan let nga nga ai.

LUKA 1:22 ပူးပေါင်းရင်းမြစ်များ

EZEKELA 3:26

nang shanhte hpe n sharin nga lu hkra, nang ma-a mat nna, na a shinglet hpe gumra hta kap mat shangun na nngai; kaning rai nme law, shanhte gaw gumlau ai amyu rai nga ma ai.

LUKA 1:21

Shawa masha ni gaw Zakari hpe a la nga nna, nawku Htingnu nhku e na na rawng nga mat ai hpe, mau ma ai.

LUKA 1:23

Ya, shi daw jau ai amu a nhtoi gu jang, shi a nta de bai wa ai.

LUKA 1:62

Shaloi, dai ma hpe kaning ngu shamying mayu ai kun? nga nna kawa hpe dingsi san mu ai.

YAWHAN 13:24

Simun Petru gaw, “Shi kadai hpe sha-ang nna tsun nga a ta, anhte hpe tsun dan mi,” ngu nna dai sape hpe dingsi tsun wu ai.

KASA 12:17

Shi gaw, shanhte hpe tsin mu ga nga nna, lata dingsi nhtawm, shi hpe Madu e htawng hta na kaning rai shaw la ai lam shanhte hpe tsun dan nna, “Ndai lam ni Yaku hte kahpu kanau ni hpe tsun shana dat mu,” ngu mu ai. Shaloi shi pru nna, shara kaga de sa mat wa ai.

KASA 19:33

Ya Yuda masha ni Alesandru hpe shadut mu ai rai nna, masha ni mung shi hpe dai shawa hpawng nna shalun dat mu ai. Alesandru mung shawa hpawng hpe ga tsun hparan kau we ga nga, lata dingsi nga ai.

KASA 21:40

Shi hpe ahkang jaw jang, Pawlu gaw lakang baw e tsap let, lata dingsi nga ai: shanhte a katsi sha rai jang, Hebre ga hte shanhte hpe tsun wu ai gaw,