LUKA 1:18 - Jinghpaw Hanson Version Bible

¹⁸ Shaloi Zakari gaw, “Dai gaw ngai kaning di chye lu na we ta? ngai gaw dingla ni ai, nye madu jan mung aprat kaba sali ai,” ngu nna lamu kasa hpe htan wu ai.

Jinghpaw Common Language Bible 2009

¹⁸ Shaloi Zahkaria gaw, “Dai gaw ngai kaning di chye lu na we ta? Ngai dingla ni ai, nye a madu jan mung aprat kaba sali ai,” ngu nna lamu kasa hpe htan wu ai.

LUKA 1:18 ပူးပေါင်းရင်းမြစ်များ

NINGPAWT NINGHPANG 15:8

Shaloi Abram gaw, “Yehowa Madu e, dai mung nye a Sali wunli tai na gaw, ngai kaning di chye lu na rai ta?” Ngu nna san wu ai.

NINGPAWT NINGHPANG 17:17

Shaloi Abraham gaw dingnyawm dagup nga let, “Latsa ning du sai wa gaw kasha naw lu na kun? Jahku shi ning du sai Sara mung kasha naw shangai na ra ai kun?” Nga nna mani ai hte shi a kraw lawang e tsun nga ai.

NINGPAWT NINGHPANG 18:12

Dai majaw, Sara gaw, “Ya ngai gumgai ni ai, nye a madu wa mung dingla sai, dai re ai mi ngai naw pyaw na rai nga a hka i?” Nga nna shi a kraw e mani nga ai.

2 HKAWHKAM 7:2

Hkawhkam wa shamyet shanat nga ai hkringmang wa mahtang, “Yehowa gaw sumsing lamu hta e hkuwawt hku waw da yang pyi, dai lam byin lu na a ni?” ngu nna Karai Kasang a masha wa hpe htan wu yang, shi gaw, “Yu u, nang gaw na a myi hte nan mu lu timung, n sha lu na ndai,” ngu wu ai.

ESAIA 38:22

Hezekia mung, “Yehowa nta de ngai lung lu na gaw, hpa sakse kumla dan pru na ra ta?” ngu nna san wu ai.

LUKA 1:34

Shaloi Mari gaw, “Dai gaw kaning rai byin na a ta? ngai la n chye nngai,” ngu nna, lamu kasa hpe tsun wu ai.

LUKA 1:7

Shan gaw kasha n lu ma ai; kaning rai nme law, Elisabet gaw maudung dung nga ai hte, shan lahkawng aprat kaba masai.

ROMA 4:19

Latsa ning du magang wa ai majaw, tinang hkum nan chyasi rai sai hte, Sara a pujat mung chyasi zawn nawn wu ai rai timung, kamsham ai myit n yawm lu ai: