LUKA 1:17 - Jinghpaw Hanson Version Bible

¹⁷ Kawa ni a myit masin hpe kasha ni hpang de, je hpre ai ni hpe dinghpring ai ni a hpaji ningli lam de kayin wa shangun na hte, dai Madu a matu mazing da ai amyu hpe lajang shachyip da na, Elia a wenyi hte atsam rawng let, shi a shawng numshawn e sa wa na ra ai,” ngu nna shi hpe tsun wu ai.

Jinghpaw Common Language Bible 2009

¹⁷ Yawhan gaw, dai Madu a shawng e du sa ai wa rai nna myihtoi Elia zawn n-gun atsam rawng nna galu kaba wa na ra ai. Shi gaw kawa ni hpe kasha ni hte bai htingram ya nna n madat n mara nna je hpre ai masha ni hpe ding hpring ai ni a hpaji ningli bai lu la shangun na ra ai. Shi gaw dai Madu a matu lajang shachyip da chyalu rai hkra, Madu mazing da ai amyu masha ni hpe hkyen lajang ya na ra ai,” ngu nna Zahkaria hpe tsun wu ai.

LUKA 1:17 ပူးပေါင်းရင်းမြစ်များ

1 HKAWHKAM 17:1

Shaloi Gilead mung e sa nga ai Tirbi masha Elia gaw, Ahab hpe, “Ngai daw jaw nga ai Israela Karai Kasang Yehowa hkrung nga ai hte maren ngai n tsun yang gaw, ya kaw nna mari mung n hkrat, marang mung n htu na ra ai,” ngu wu ai.

1 HKAWHKAM 18:18

Elia gaw, “Ngai wa Israela hpe sharu shatsang ai n rai; nang hkum hte na nji nwa ni gaw, Yehowa hkang da ai ga hpe kau da nna Bala hpara ni hpe hkan nang myit dai majaw she sharu shatsang mu ai.

1 HKAWHKAM 21:20

Dai rai nna Ahab gaw, “Ngai hpe hpyen ai wa e, nang ngai hpe mu da n ni?” ngu nna Elia hpe tsun wu ai. Elia gaw, “Nang Yehowa man e n kaja ai amu galaw na nga, na hkum hpe dut kau nu ai majaw, ngai nang hpe mu de ai.

2 HKAWHKAM 1:16

Dai rai nna Elia gaw hkawhkam wa hpe, “Yehowa ning nga ai, Israela mung hta e mungga sa san yu na Karai Kasang n nga ai majaw, Ekron mare na Balazebu hpara hpe sa san yu na kasa shangun dat ai, rai nni? dai re ai majaw, nang taw nga ai yup ku hta na yu wa lu na n rai; gaja wa teng teng si na rin dai, nga ai,” ngu nna htawn tsun wu ai.

1 HKAWHKAM LABAU 29:18

Anhte a ji wa Abraham, Isak, Israela a Karai Kasang Yehowa e, na a masha ni gaw ndai lam hpe tutnawng prat dingsa dum nga lu hkra, shanhte a myit nang hpang de kayin shagrin ya mu:

2 HKAWHKAM LABAU 29:36

Karai Kasang gaw dai amu hpe mung masha ni a matu akajawng sha shabyin ai majaw, Hezekia hte mung masha ni gaw kabu gara shajang nga ma ai.

SHAKAWN KUNGDAWN 10:17

Yehowa e, myit gyip ai ni a ra ai lam, nang na yu nga ndai; Jahkrai nmai ni hte zingri zingrat hkrum ai ni hpe dawdan ya nna,

SHAKAWN KUNGDAWN 111:10

Yehowa hpe hkrit hkungga ai myit gaw, Hpaji byeng-ya a npawt rai nga ai; Dai hpe hkan nang ai ni nlang hte gaw, myit su ai lam kaja chye lu ma ai: Shi hpe shakawn kungdawn ai lam, htani htana e agrin nga ai.

SHAKAWN KUNGDAWN 78:8

Htawm hpang e du ai amyu ni a kashu kasha ni, Dai tara hpe chye na lu nna, Shanhte gaw tinang a kashu kasha ni hpe bai gawn dan nna, Dai lam ni kashu kasha ni hpe sharin ya mu ga, Shi anhte a ji woi ni hpe hkang da mu ai.

ESAIA 29:24

Lam dam ai ni gaw chye na lu nna, je hpre ai ni gaw sharin achyin ai ga, hkam la na mara ai,” nga ai.

AMO LAIKA (AMOS) 4:12

Dai re ai majaw, Israela e, ngai nang hpe ning rai naw galaw na nngai: dai lam ngai nang hta galaw na nngai majaw, Israela e, na a Karai Kasang hpe hkrum na, hkyen nga u.

MAHTE 11:14

nanhte madat la mayu myit yang gaw, ndai wa gaw, du magang ra ai Elia rai nga ai.

MAHTE 14:4

Kaning rai nme law, Yawhan gaw, “Dai num hpe nang n mai madu na ndai,” ngu wu ai rai nna,

MAHTE 3:3

Dai wa gaw, “Nam mali kata e jahtau ai nsen gaw, Dai madu a lam lajang da mu, Shi a lam masun ni hpe shading mu!” nga nna myihtoi Esaia lakap nna tsun ai wa nan rai nga ai.

MAHTE 3:4

Dai Yawhan chyawm gaw, gawla-uk mun hte da ai nba bu hpun nna, shi nshang e shanhpyi shingkyit kyit nga ai: shi a shahpa mung, dinggam-yaw hte nam na lagat jahku rai nga lu ai.

LUKA 1:16

Israela kashu kasha ni law law hpe, shanhte a Madu Karai Kasang hpang de shi kayin wa shangun na maru ai.

LUKA 1:76

Ma e, nang mung, Tsaw htum ai Wa a myihtoi ngu ai hkam la na rin dai: Anhte a Karai Kasang a matsan dum ai chyeju majaw,

YAWHAN 1:13

dai ni gaw, asai hte shaprat ai ni n rai, hkum shan a myit hte mung n rai, masha a myit maw ai hku hte mung n rai, Karai Kasang e shaprat ai ni she rai ma ai.

YAWHAN 1:34

Dai hte maren ngai mu se ai rai nna, ‘ndai wa gaw Karai Kasang a Kasha re ai, ngai sakse hkam we ai,’ nga nna sakse hkam ya wu ai.

YAWHAN 3:28

‘Ngai gaw Hkristu n rai nngai, shi a shawng e shangun dat ai wa she rai nngai,’ ngu nna ngai tsun ni ai gaw, nanhte nan nye a sakse ni rai nga myit dai.

KASA 10:33

Dai majaw, shaloi jang ngai nang hpang de shangun dat ai rai nna, ya nang du ai gaw, mai kaja nga ai. Dai rai nna, shi Madu nang hpe hkang da mada madat la na, ya anhte nlang Karai Kasang a man e, rai nga ga ai,” ngu nna tsun wu ai.

ROMA 9:23

hpung shingkang a matu shawng e lajang da ai chyeju di ngu ai, Yuda ni hta sha n rai, maigan amyu ni hta na mung,

KOLOSE 1:12

nhtoi hta rawng nga ai chyoi pra ai ni a sali wunli a daw mi dagraw lu myit ga, nanhte hpe ging dan shangun ai Kawa kaw shakawn kungdawn na rai timung, anhte hpyi nem nga ga ai.

2 TIMOHTI 2:21

Dai re ai majaw, dai ni hta na tinang hkum hpe jasan jaseng kau ai wa rai yang gaw, chyoi pra ai, madu lang ging ai hte, amu kaja shagu a matu hkyen da ai arawng lu ai wa rai na ra ai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

1 YAWHAN 2:28

Ya chyawm gaw, shu sha ni e, shi dan pru a yang gaw, shi du ra ai nhtoi hta e, anhte nden ja ai myit rawng lu nna, shi a man e kaya kahpa n hkrum u ga, shi hta e anga nga mu.

SHINGRAN 20:4

Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai:

1 SAMUELA 7:5

Bai Samuela gaw, “Israela masha ni yawng hpe Mizpa shara e jahpawng mu; nanhte a matu Yehowa kaw ngai hpyi ya na nngai,” ngu nna hkang da wu ai.