LUKA 1:13 - Jinghpaw Hanson Version Bible

¹³ Dai lamu kasa chyawm gaw, “Zakari e, hkum hkrit et; nang hpyi ai ga madat ya nit dai rai nna, na madu jan Elisabet gaw na a matu shadang sha shangai na ra ai; shi a amying Yawhan ngu nna, nang shamying ya na ru ai;

Jinghpaw Common Language Bible 2009

¹³ Rai ti mung, dai lamu kasa tsun ai gaw, “Zahkaria e, hkum hkrit et; Karai Kasang gaw na a akyu hpyi ai ga hpe madat ya nit dai rai nna, na madu jan Elisabet gaw shadang sha langai mi shangai na ra ai, nang shi hpe Yawhan ngu nna shamying ya na rai ndai.

LUKA 1:13 ပူးပေါင်းရင်းမြစ်များ

NINGPAWT NINGHPANG 17:10

Nang hte na a hpang na, na a kashu kasha ni hkan nang nga lu na nye a ga shaka gaw ndai rai nga ai: nanhte hta lasha hkum shagu gaw matu gadoi ai lam hkam la lu na rai nga ai.

NINGPAWT NINGHPANG 17:19

Shaloi Karai Kasang gaw, “Nrai, na a madu jan Sara nan na a matu shadang sha shangai ya na ra ai; dai wa hpe Isak ngu nna nang shamying lu na wu ai: shi a hpang na shi a kashu kasha ni hta nye a ga shaka hpe htani htana ga shaka tai nga na matu, ngai shi hte dai ga shaka tawn da na we ai.

NINGPAWT NINGHPANG 18:14

Yehowa n di lu ai amu lama mi nga a ni? Nhtoi gu jang ngai nang hpang de bai du na ring ngai rai nna, Sara gaw shadang sha lu na ra ai,” ngu wu ai.

NINGPAWT NINGHPANG 25:21

Isak gaw, shi a madu jan maudung dung ai majaw, shi a matu Yehowa hpe hpyi wu ai; dai rai nna Yehowa shi a ga madat ya ai hte shi a madu jan na-um nasin rai wa lu ai.

SHAKAWN KUNGDAWN 113:9

Maudung num gaw dinghku jan tai wa nna, Kabu gara ai myit hte shadang sha shangai na kanu, shatai wu ai. Halelu-Yah.

SHAKAWN KUNGDAWN 118:21

Nang ngai hpe htan ya nna, nye a hkye hkrang la ai lam, tai nga ndai majaw, Ngai nang hpe shakawn na nngai.

ESAIA 8:3

Dai hpang myihtoi jan kaw ngai shang nna, shi na-um nasin re ai hte shadang sha shangai wu ai. Shaloi Yehowa gaw, “Dai ma hpe Mahera-shalala-hash-bat,” ngu nna shamying u.

Daniela 10:12

Shaloi shi gaw, “Daniela e, hkum hkrit et; chye na lu na matu mung, na a Karai Kasang man e na a myit shanem na matu mung, nang myit shada da ai shawng shani kaw nna, na a ga hpe na la lu ai: na a ga majaw mung, ngai du ni ai.

HOSEA 1:4

Shaloi Yehowa gaw, “Dai ma hpe, Yezrela, shamying u; kaning rai nme law, gade n na yang, Yezrela shara e jahkaw kau ai asai hpe, Yehu a nta ntsa e ngai matai dawp nna, Israela mungdan hpe jahtum kau na we ai.

HOSEA 1:6

Bai, shi gaw, na-um nasin rai nna, shayi sha shangai wu ai: shaloi Yehowa gaw, “Shi a amying hpe, Lo-ruhama, shamying u: kaning rai nme law, Israela amyu a yubak hpe raw dat kau hkra, ngai htawm hpang e shanhte hpe hpa matsan dum na, n rai.

MAHTE 1:21

Shi gaw shadang sha shangai na ru ai rai nna, nang shi a amying hpe, Yesu ngu nna shamying lu na rai nga ai: kaning rai nme law, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 14:27

Shaloi jang Yesu gaw, “Myit apyaw sha nga mu; ngai she rai nngai; hkum hkrit nga myit,” ngu nna shanhte hpe tsun mu ai.

MAHTE 28:5

Dai lamu kasa mahtang, numsha yan hpe tsun mu ai gaw, Nan hkum hkrit myit; wudang hta jen da sai Yesu hpe, nan tam nga myit dai hpe ngai chye nga nngai:

MARKU 16:6

Shi mahtang, “Nanhte hkum mak mat myit:” wudang hta e jen da sai Nazaret wa Yesu hpe nanhte tam nga myit dai: shi rawt wa sai; shi nang e n nga sai; shi hpe bang tawn da ai shara hpe yu yu mu!

LUKA 1:14

Na a matu kabu gara ai hte ngwipyaw shara tai na ra ai; shi shangai wa ai a majaw masha lanlak mung, kabu gara wa na mara ai.

LUKA 1:30

Shaloi dai lamu kasa gaw, “Mari e, hkum hkrit et; nang Karai Kasang a man e myi man pa nit dai:

LUKA 2:21

Dai ma hpe matu gadoi lam jaw na, matsat ya nhtoi du jang, hkritung hkriwang e shi garai n rawng yang, lamu kasa shamying da ai amying hte maren, shi hpe Yesu ngu nna shamying mu ai.

KASA 10:31

‘Korneli e, na a akyu hpyi ai ga madat mara nu ai; na alu jaw ai mung Karai Kasang matsing da nu ai.

TARA AGYI 6:23

Yehowa chyawm gaw, “Ngwipyaw nit ga; hkum tsang et; nang n si na ndai,” ngu wu ai:

1 SAMUELA 2:21

Yehowa mung Hana hpe mada mara yu wu ai rai nna, shi na-um nasin rai wa ai; shing rai, shadang sha masum, shayi sha lahkawng, bai shaprat wu ai. Ma Samuela mung Yehowa man e kaba wa ai.