KOLOSE 4:8 - Jinghpaw Hanson Version Bible

⁸ nanhte gaw anhte a lam chye lu nna, nanhte a myit masin hpe shangwi shapyaw ai hkrum lu malit ga, ndai lam a majaw nan, ngai shi hpe nanhte hpang de shangun dat se ai.

Jinghpaw Common Language Bible 2009

⁸ Anhte yawng kaning rai nga ga ai mabyin masa lam nanhte hpe tsun dan ai hte nanhte a myit masin shangwi shapyaw ai hkrum lu malit ga, ngai shi hpe nanhte hpang de shangun dat se ai.

KOLOSE 4:8 ပူးပေါင်းရင်းမြစ်များ

ESAIA 40:1

Nye a amyu hpe shalan shabran mu, shalan shabran mu, nga nna nanhte a Karai Kasang tsun nga ai.

1 KORINHTU 4:17

De a majaw, dai Madu hta tsawra ai hte sadi sahka nga ai, ngai sha Timohti hpe nanhte hpang de ngai shangun dat we ai; shi gaw, shara magup hkan e Hpung ni yawng hte hpe ngai sharin shaga ya ai hte maren, Hkristu Yesu hta na nye a lam ni, nanhte hpe shadum jahprang na marin dai.

2 KORINHTU 1:4

Karai Kasang kaw na anhte hkum nan lu la sagaw ai shangwi shapyaw ai lam tau yu yang, dai shangwi shapyaw ai a marang e, tsin-yam tsindam amyu myu hkrum ai ni hpe shangwi shapyaw lu hkra, anhte a tsin-yam tsindam amyu myu hta shi anhte hpe shangwi shapyaw mi ai.

2 KORINHTU 12:18

Titu hpe ngai shadut jahkat nna, dai hpunau wa hpe shi hte rau shangun dat nngai. Titu gaw nanhte hpe sen di sha nga ai kun? Anhte gaw Wenyi langai sha hta hkawm nga ga ai, n rai kun? Lagaw hkang langai sha hta anhte hkawm nga ga ai, n rai ni?

2 KORINHTU 2:7

nachying sung ai yawn hkyen ai hta n lup mat u ga, shi hpe mara dat nna bai shangwi shapyaw nga mu.

EHPESU 6:22

nanhte gaw anhte a lam chye lu nna, nanhte a myit masin hpe shangwi shapyaw ai hkrum lu malit ga, ndai lam a majaw nan, ngai shi hpe nanhte hpang de shangun dat se ai.

HPILIPI 2:28

Dai re ai majaw, nanhte shi hpe bai hkrum lu yang, nanhte kabu nga lu myit dai hte, nye a yawn hkyen ai mung yawm mat wa u ga, ngai shi hpe tin shapun shangun dat we ai.

KOLOSE 2:2

shanhte a kraw lawang shangwi shapyaw ai hkrum lu mu ga, ngai nde wa shaja nga nngai, nanhte chye nga na, ngai ra nga nngai:

1 HTESALONI 2:11

Kaning rai nme law, shi a mungdan hte hpung shingkang kaw nanhte hpe shaga la ai Karai Kasang hte nanhte ging dan let a hkawm nga lu myit ga,

1 HTESALONI 3:2

ndai tsin-yam tsindam a majaw kadai mung shamu shamawt n rai myit ga, nanhte hpe shadaw shalan nna, nanhte a makam masham hpe shangwi shapyaw na matu,

1 HTESALONI 3:5

Dai rai nna ngai naw n sharang nga lu nngai majaw, gunglau ai wa gaw nanhte hpe gunglau ai hte anhte a bungli kaman lila tai mat nhten, nga nna nanhte a makam masham hpe chye lu na, ngai shangun dat we ai.

1 HTESALONI 4:18

Dai re ai majaw, ndai ga hte nanhte shada da shangwi shapyaw hkat nga mu.

1 HTESALONI 5:11

Dai re ai majaw, nanhte ya e pyi galaw nga myit dai hte maren, shada da shadum jahprang nna shadaw shalan nga mu.

1 HTESALONI 5:14

Bai, hpunau ni e, kajam galam re ai ni hpe shadum jahprang nga mu, myit kaji nga ai ni hpe shalan shabran nga mu, gawng kya ai ni hpe shadaw shangang nga mu, masha yawng hte hpe galu kaba ai myit madun nga mu;

2 HTESALONI 2:17

nanhte a kraw lawang hpe shangwi shapyaw nga nna, mai kaja ai amu bungli hte ga sumtu amyu myu hta, nanhte hpe shangang jahkang nga myit ga law.