KOLOSE 4:11 - Jinghpaw Hanson Version Bible

¹¹ Yustu mying ai Yesu mung nanhte hpe shakram dat myit dai: shanhte gaw matu gadoi hkam ai ni hte seng ma ai rai nna, Karai Kasang a mungdan hta shanhte hkrai sha nye a shingdep shingtau ni rai ma ai hte, nye a matu mara ngwipyaw ai lam tai wa ma ai.

Jinghpaw Common Language Bible 2009

¹¹ Yustu ngu nna mung shamying ai Yesu mung, nanhte hpe shakram dat ai. Ndai marai masum chyu sha kam sham ai Yuda masha ni rai nna, Karai Kasang a mungdan a matu ngai hte rau amu galaw ai nye a shingdep shingtau ni rai nga ma ai hte ngai hpe karum dik ai ni rai ma ai.

KOLOSE 4:11 ပူးပေါင်းရင်းမြစ်များ

KASA 10:45

Chyoi pra ai Wenyi ngu ai kumhpa gaw, maigan amyu masha ntsa e ru jaw ai majaw, Petru hte rau hkan nang ai, matu gadoi lam hkan sai, kamsham ai ni, mau mahka nga ma ai:

KASA 11:2

Rai timung, Petru gaw Yerusalem de lung wa jang matu gadoi lam hkan ai ni mahtang,

ROMA 16:3

Ngai hte rau Yesu Hkristu a amu shingtau ai Priska yan Akula hpe shakram ya mi;

ROMA 4:12

matu gadoi hkam ai ni hta lawm ma ai rai nna, matu gadoi hkam ai hta n-ga, anhte a wa Abraham gaw matu gadoi garai n hkam kaw nna rawng nga sai makam masham a hkang hta e a hkan nang nga ai ni a kawa mung shi tai nga u ga, matu gadoi garai n hkam kaw nna, dinghpring nga ai makam masham a dazik ngu ai, matu gadoi ai kumla gaw, shi hkam la nu ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

EHPESU 2:11

Dai rai nna, hkum shan hku yu yang, nanhte shawng e maigan ngu ai ni rai nga myit dai hpe, dum ngu mu; dai hkum shan hta e lata hte sha shabyin ai matu gadoi hkam ai ni gaw, Matu gadoi n hkam ai ni, nga nna nanhte hpe shamying nga ma ai;

HPILIPI 4:3

Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

KOLOSE 4:7

Dai Madu hta e tsawra ai hpunau wa hte kangka re ai shingdep shingtau hte kanawn mayam rai nga ai Tuhkiku gaw, ngai hte seng ai lam yawng mayawng nanhte hpe shana ya na marin dai:

1 HTESALONI 3:2

ndai tsin-yam tsindam a majaw kadai mung shamu shamawt n rai myit ga, nanhte hpe shadaw shalan nna, nanhte a makam masham hpe shangwi shapyaw na matu,

1 HTESALONI 3:7

hpunau ni e, anhte a kyin dut ai hte nni nkri yawng hta e, nanhte a makam masham majaw nanhte a lam e, anhte shangwi shapyaw ai hkrum ga ai.

TITU 1:10

Kaning rai nme law, gumlau gumle re ai, kaman lila ga tsun ai hte, hkalem chye ai masha law law nga ma ai; matu gadoi lam hkan ai ni hta grau nna law ma ai;

HPILEMON 1:1

Hkristu Yesu a bawng dung ai wa, ngai Pawlu hte hpunau Timohti gaw, anhte amu shingtau ai, tsawra ai wa Hpilemon hpe mung,

HPILEMON 1:24

nye a shingdep shingtau Marku, Aristaku, Dema, Luka mung, nang hpe shakram dat ma ai.