KOLOSE 4:1 - Jinghpaw Hanson Version Bible

¹ Madu ni e, nanhte mung sumsing lamu e Madu lu nga myit dai hpe chye nga myit dai majaw, dingman ai hte ging ram ai hku mayam ni hpe marang nga mu.

Jinghpaw Common Language Bible 2009

¹ Madu ni e, nanhte mung sumsing lamu e Madu langai mi lu nga myit dai hpe myit dum let, tinang a mayam ni hpe shangun marang sha ai lam ni hta ram ging ai hte tara ding ai hku galaw nga mu.

KOLOSE 4:1 ပူးပေါင်းရင်းမြစ်များ

HPAJI NINGLI 5:8

Mungdaw hkan e matsan mayan ni hpe zingri zingrat nna, adip arip re ai ni gaw tara lam hte dinghpring ai hpe shanut kau ai nang mu hkrup yang, hkum mau et: kaning rai nme law, tsaw htum ai shara hte grau tsaw nga ai wa langai mi yu matsing nga ai rai nna, shanhte hta grau tsaw ai ni mung rai nga ma ai:

ESAIA 58:3

‘Anhte lusha gam yang, nang hpa majaw n mu n ta? Anhte hkum shagrit kau yang, nang hpa majaw n matsing n ta?’ nga nna tsun ma yang, ‘yu mu, nanhte lusha gam ai shani e, tinang pyaw ai lam nanhte tam nna, nchyang ni hpe amu galaw shaja shangun myit dai.

JAW JAU 19:13

Na a htingbu manang wa hpe adip akrip di lu na n rai, shi a arai hpe mung hpya sha lu na n rai, nchyang ma a shabrai hpe shana tup nhtoi htoi hkra shadang da lu na n rai.

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

MAHTE 20:4

Nanhte mung dai sun de sa wa ma su; ging ram ai hte maren ngai nanhte hpe jaw na made ai, ngu nna shanhte hpe tsun mu ai. Shaloi shanhte sa wa ma ai.

LUKA 19:15

Dai wa gaw mungdan lu la nna bai du wa yang, gumhpraw ap ya da sai mayam ni, hpaga ga nna amyat gade kap masai chye lu hkra, shanhte hpe shaga na, tsun dat wu ai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

YAKU 5:4

Yu mu, nanhte a yi hkauna ni hpe dan shangun nhtawm, nanhte hkalem sha kau ai bungli galaw ai ni a shabrai gaw, jahtau nga ai rai nna, mam dan ai ni a garu ai nsen mung, dai Madu Seba-ut a na hta e hkrang shang wa sai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 19:16

Shi a hpun palawng hte magyi hta, Hkawhkam ni a Hkawhkam, Madu ni a Madu, nga ai amying ka kap nga ai.