KOLOSE 3:9 - Jinghpaw Hanson Version Bible

⁹ Shada da masu magaw ga hkum tsun myit: kaning rai nme law, dai gawng shing-yan dingsa hte tinang a arawn alai hpe, nanhte raw kau myit dai rai nna,

Jinghpaw Common Language Bible 2009

⁹ Shada da masu magaw ga hkum tsun myit; hpa majaw nga yang, dai gawng shingyan dingsa hte hpawn tinang a arawn alai ni hpe nanhte raw kau nna gawng shingyan ningnan hpe dagraw la manit dai.

KOLOSE 3:9 ပူးပေါင်းရင်းမြစ်များ

GA SHAGAWP 13:5

Dinghpring ai wa gaw, masu ai ga n dawng nga ai; Tara n lang ai wa chyawm gaw, matsat shabat rai nna kaya kahpa hkrum na ra ai.

ESAIA 63:8

Shi gaw, Gaja wa shanhte nye a amyu masha ni rai nga nna, gumle gumlau n chye ai, ngai sha ni, rai nga ma ai, nga nna shanhte hpe Mawai la ai Madu tai wa sai.

JAW JAU 19:11

Masha arai hkum lagu myit; masha hpe maw sha map sha ai hte shada masu magaw ga hkum tsun myit.

ZEHPANI 3:13

Naw ngam nga ai Israela masha mi gaw, n hkru n hkra ai amu galaw na, n rai; masu ga mung tsun na, n rai; shanhte a n-gup hta hkalem hkalau ai shinglet tu lu na n rai: kaning rai nme law, shanhte hpe kadai n jahkrit ai, shanhte lusha nna, hpum nga na mara ai.

ZEHKARIA 8:16

“Nanhte hkan galaw na lam da ndai rai nga ai: Langai hte langai tinang a htingbu wa hte, tengman ai ga tsun mu; nanhte a mare chyinghka ni hta tengman ai hte ngwipyaw ai hku hkan nna, tara dara mu;

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

ROMA 6:6

Si mat ai wa gaw yubak hta na lawt pru nga ai majaw,

EHPESU 4:22

shawng na nanhte a arawn alai hte maren, marin marit nna hkalem hkalau ai hte hten mat wa ai gawng shing-yan dingsa hpe raw kau nhtawm;

EHPESU 4:25

Dai rai nna, masu matsa ga hpe kau da nhtawm, langai hte langai tinang a htingbu wa hpe tengman ai ga sha tsun nga mu: kaning rai nme law, anhte shada da a daw shan ni rai nga ga ai.

KOLOSE 3:8

Ya chyawm gaw ndai nlang hte hte, masin pawt ai, n-yun bu ai, n hkru n hkra ai, shatan nhkan ai hte ga kinsha hte hpe, nanhte a n-gup na yeng kau mu.

1 TIMOHTI 1:10

hpye ai amu galaw ai ni, la shada tam ai ni, masha hpe lagu ai ni, masu magaw ga tsun ai ni, masu dagam ai ni hte san seng ai sharin shaga ai ga hte nhtan shai ai lam kaga naw nga a yang gaw, de a matu mara jep ai tara tawn da nga ai:

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.