KOLOSE 3:8 - Jinghpaw Hanson Version Bible

⁸ Ya chyawm gaw ndai nlang hte hte, masin pawt ai, n-yun bu ai, n hkru n hkra ai, shatan nhkan ai hte ga kinsha hte hpe, nanhte a n-gup na yeng kau mu.

Jinghpaw Common Language Bible 2009

⁸ Ya chyawm gaw, masin pawt ai, n yun bu ai, n ju n dawng ai myit, mara matsing ai, shatan nhkan ai hte ga kinsha re ai ni yawng hte hpe yeng seng kau mu.

KOLOSE 3:8 ပူးပေါင်းရင်းမြစ်များ

SHAKAWN KUNGDAWN 37:8

Masin pawt ai kau u, n-yun hkum bu et. Myit hkum kahtet et, yubak sha pru na ra ai.

GA SHAGAWP 17:14

Ga law ai npawt gaw, hka shalen dat ai hte bung ai majaw, Garai n ga law yang, htailai ai lam koi kau u.

GA SHAGAWP 19:19

Myit grai kahtet ai wa gaw, ari hkrum na ra ai; Shi hpe lang mi mawai la yang, bai mawai la ra na ra ai.

GA SHAGAWP 29:22

Pawt sindawng ai wa gaw ga law ga la shabyin wu ai; Myit kahtet ai wa gaw, tara grai tawt lai nga ai.

MAHTE 5:22

Ngai mahtang nanhte hpe tsun made ai gaw, tinang a kahpu kanau wa hpe masin pawt ai wa kadai rai timung jeyang ai hte ging dan nga ai: tinang a kahpu kanau wa hpe, Raka, nga ai wa gaw, dai salang hpawng a dawdan ai hte ging dan nga ai: bai, Mana ndai, nga ai wa gaw, ngarai a wan hte ging dan nga ai.

MARKU 7:22

hkalem ai, ngang ai, manawn masham ai, shatan nhkan ai, gumrawng ai hte angawk angak re ai myit, pru wa ai:

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

1 KORINHTU 3:3

kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

GALATI 5:15

Shing n rai, nanhte shada da kawa nna sha hkat myit yang gaw, nanhte shada da n shamyit kau myit ga, sadi nga mu.

GALATI 5:20

gawngngu sumla naw ai lam, Mandan lakle amu, n dawng n yawt ai, ga law ga la ai, manawn masham ai, pawt sindawng ai, shai wa bra wa ai lam, daw hka wa ai lam, hpung karan wa ai lam,

GALATI 5:26

Anhte kaman lila grang nga nna, shada da jahte tam ai hte, shada da manawn masham ai, hkum rai nga ga.

EHPESU 4:22

shawng na nanhte a arawn alai hte maren, marin marit nna hkalem hkalau ai hte hten mat wa ai gawng shing-yan dingsa hpe raw kau nhtawm;

EHPESU 4:25

Dai rai nna, masu matsa ga hpe kau da nhtawm, langai hte langai tinang a htingbu wa hpe tengman ai ga sha tsun nga mu: kaning rai nme law, anhte shada da a daw shan ni rai nga ga ai.

EHPESU 4:26

“Myit kahtet timung, yubak hkum galaw myit:” nanhte myit naw kahtet bu nga yang, jan hkum shadu myit:

EHPESU 4:29

N se ai ga hkaw mi mung nanhte a n-gup na hkum pru u ga; madat mara nga ai ni a matu akyu byin hkra, ra nga ai hte maren shadaw shalan na matu, mai kaja ai ga sha a tsun na mu.

EHPESU 5:4

n sun n ang re ai ga kinsha, nlem ai ga, shatu shakra ai ga mung n tsun ai sha, shakawn kungdawn nga u ga.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

KOLOSE 3:9

Shada da masu magaw ga hkum tsun myit: kaning rai nme law, dai gawng shing-yan dingsa hte tinang a arawn alai hpe, nanhte raw kau myit dai rai nna,

1 TIMOHTI 1:13

Ngai chyawm gaw, shawng e shatan nhkan ai, zingri zingrat ai hte sheng mareng re ai wa rai nga nngai rai timung, n chye n chyang ai hte kamsham ai myit n rawng ai sha dai hpe galaw nngai majaw, matsan dum la ai ngai hkrum nngai:

1 TIMOHTI 1:20

Shanhte hta Humeni yan Alesandru lawm ma ai rai nna, shan gaw shatan nhkan ga koi gam nga na sharin la mu ga, ngai shan hpe Satan a lata de ap kau mase ai.

HEBRE 12:1

Ya ndai hte wa law la ai sakse ni gaw, anhte hpe sumwi zawn wang kawan da mi ai majaw, anhte mung, numdaw numdan re ai lit nlang hte hte, kap loi la ai yubak hpe kau da nna, makam masham a npawt nhpang hte jahkum shatsup ya ai wa Yesu hpe azi yu let, anhte gat na matu san da ai lam hpe shakut sharang rai, gat shadu wa ga:

YAKU 2:7

Nanhte hpe shamying da ai, dan hkung ai amying nsang hpe mung, shanhte nan shatan nhkan rai ma ai, n rai ni?

1 PETRU 2:1

Dai re ai majaw, dai Madu gaw n-gaw nnyeng rai nga ai hpe, nanhte chyim yu manu yang gaw,

2 PETRU 2:18

Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;

2 PETRU 2:7

rai timung, dai mare na n se ai masha ni a n san n seng ai arawn alai majaw, myit tsang hkrum ai dinghpring ai Lawt hpe gaw, shi mawai la wu ai:

YUDA 1:13

tinang a kaya kahpa hpe hkumbawp zawn shabawp ma ai, nawng na hta wa ai hka leng ni hte, prat dingsa na chyang htat ai nsin hta e rim da hkrum ai, pran mat ai shagan ni zawn, shanhte rai nga ma ai.

YUDA 1:8

Shanhte chyawm gaw dai hte maren tinang a yup mang hta, hkum shan hpe awu asin di kau mu ai, ahkang aya lu ai wa hpe ndang kau mu ai hte, hpung shingkang rawng ai ni hpe, shatan nhkan di kau mu ai.

SHINGRAN 16:9

Dai rai nna masha ni gaw kahtet kang la ai hte jahkat kau ai hkrum nna, ndai ari zinli ni hpe up byeng ai Karai Kasang a amying nsang hpe matsa shatan ma ai; dai hte wa hkrum ma timung, shi a hpung shingkang shagrau na gaw, shanhte myit malai n lu ma ai.