KOLOSE 3:3 - Jinghpaw Hanson Version Bible

³ Kaning rai nme law, nanhte si mat ai ni rai nga myit dai rai nna, nanhte a asak gaw Hkristu hte rau, Karai Kasang hta, kyem da nga ai.

Jinghpaw Common Language Bible 2009

³ Hpa majaw nga yang, nanhte gaw si mat sai ni rai nna, nanhte a asak gaw Hkristu hte rau, Karai Kasang hta kyem makoi da nga sai.

KOLOSE 3:3 ပူးပေါင်းရင်းမြစ်များ

MAHTE 11:25

Dai aten hte hta Yesu gaw ga hpaw nna, “Sumsing lamu hte ginding aga a Madu, Wa e; hpaji byeng-ya rawng ai ni hte myit kunghpan ai ni kaw na ndai lam nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai:

YAWHAN 14:19

Loi hkring mi rai jang, mungkan ga gaw ngai hpe n mu dat na nu ai: nanhte chyawm gaw naw mu lu na marin dai: kaning rai nme law ngai ahkrung nga nngai majaw, nanhte mung ahkrung nga na marin dai.

YAWHAN 3:16

Kaning rai nme law, Karai Kasang a Kasha hpe kamsham ai ni nlang hte gaw, hten bya n hkrum ai sha, htani htana asak lu la mu ga nga, Karai Kasang gaw shi a Kasha shingtai hpe jaw kau ai kaw du hkra, mungkan ga hpe tsawra wu ai.

YAWHAN 4:14

dai ngai jaw ai ntsin gaw, dai wa hta htani htana asak a matu lwi pru ai hka hpawk tai na ra ai,” ngu nna shi hpe htan wu ai.

YAWHAN 5:21

Kaning rai nme law, Kawa gaw si ai ni hpe sharawt nna jahkrung ya ai hte maren, Kasha wa mung shi ra mara ni hpe jahkrung ya wu ai.

YAWHAN 5:24

Nanhte hpe ngai gaja wa teng teng tsun made ga, Nye a ga madat nna ngai e shangun dat ai wa hpe kamsham ai wa gaw, htani htana asak lu la wu ai rai nna, tara dawdan ai kaw n du ai sha, si nga ai kaw nna hkrung nga ai de, kawt lai wa sai.

YAWHAN 5:40

dai re ai mi, asak hkrung ai lu la na matu nanhte gaw ngai hpang de n sa mayu myit dai.

ROMA 5:10

Kaning rai nme law, anhte hpyen ni naw rai nga ga yang, shi a Kasha a si hkam ai a majaw, anhte Karai Kasang hte htinglu htinglai ai hkrum lu saga ai rai yang gaw, htinglu htinglai hkam la ngut jang, shi a asak sumdam hta e, anhte hkye hkrang la ai grau nna hkrum na ga ai.

ROMA 5:21

rai timung, yubak gaw si hkrung si htan hte up hkang nga ai hte maren, anhte a Madu Yesu Hkristu a marang e, htani htana asak lu la hkra, chyeju gaw dinghpring ai hte up hkang nga lu u ga, yubak law htam wa ai hte yang e, chyeju gaw grau nna law htam wa sai.

ROMA 6:11

Dai hte maren nanhte mung, yubak hte si hka mat ai ni rai nga manit dai rai nna, Hkristu Yesu hta e Karai Kasang a man e ahkrung nga ai ni rai nga ga ai, ngu nna myit la mu.

ROMA 6:2

Shing n rai u ga. Yubak kaw na si hka nga ai ni anhte gaw, dai hta e kaning rai naw pra nga lu na ga ta?

ROMA 8:2

Kaning rai nme law, Hkristu Yesu hta e jahkrung ya ai Wenyi a tara gaw, yubak a tara hta na rai timung, si mat ai tara hta na rai timung, ngai hpe shalawt dat ni ai.

1 KORINHTU 15:45

Dai hte maren, shawng na masha Adam gaw asak hkrung ai shinggyim masha tai wa ai, nga nna ka da nga ai: hpang chyahtum na Adam, chyawm gaw, jahkrung ya ai wenyi rai nga ai.

1 KORINHTU 2:14

Myi na ta naw re ai shinggyim masha gaw, Karai Kasang a Wenyi hte seng ai lam hte hpe hkam la lu ai n rai, dai hte gaw shi a matu angawk angak rai nga ai rai nna, Wenyi myit e sha dai hte hpe jeyang lu ai re ai majaw, shi gaw dai hte hpe chye na lu ai n rai.

2 KORINHTU 5:14

Dai hta n-ga, marai langai wa yawng mayawng a matu mara si hkam yang, yawng mayawng si hkam sai, nga nna myit da nga ga ai majaw, Hkristu a tsawra ai lam gaw anhte hpe woi awn nga mi ai:

2 KORINHTU 5:7

myi hte mu lu ai n re ai sha, makam masham a marang e anhte hkawm nga ga ai;

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

EHPESU 3:9

maigan amyu ni hpe Hkristu a nachying galu kaba htum ai sutgan a kabu gara shiga hkaw dan nna,

HPILIPI 4:7

Shaloi chye chyang ai nyan yawng hta grau lai ai Karai Kasang angwi pyaw ai gaw, nanhte a myit masin hte nanhte a myit mang ai hpe, Hkristu Yesu hta e bau sin na ra ai.

KOLOSE 1:5

dai myit mada ai a lam nanhte kaw du dep ai tengman ai kabu gara shiga a majaw, nanhte shawng e na yu manit dai.

KOLOSE 2:20

Ya, Hkristu hte rau mungkan ga na hkang ai tara hta nna nanhte si mat teng nga myit yang gaw, masha a htet da ai ga hte sharin shaga ai ga hte maren,

KOLOSE 2:3

Hkristu hta e chyawm gaw hpaji byeng-ya hte chye chyang ai lam ngu ai sutgan yawng mayawng kyem da nga ai.

KOLOSE 3:4

Anhte a asak ngu ai Hkristu gaw dan pru wa ai shaloi e, anhte mung shi hte rau hpung shingkang hta dan pru na ra ga ai.

HEBRE 7:25

Dai rai nna, shi gaw shinggyim masha ni a matu mara tawngban ya nga na, tutnawng e ahkrung nga ai majaw, shi a marang e Karai Kasang kaw sit shang wa ai ni hpe hkum tsup wa hkra, mawai la lu na atsam, shi lu nga ai.

1 PETRU 3:4

Karai Kasang a man e hpu ging ai, myit masin hta makoi nga ai masha ngu ai, hten byak n chye ai, amu sha hte sumnung nga ai wenyi a lam hta, mawn sumli nga mu.

1 PETRU 4:2

ndai hkum tsawp hta e naw ahkrung nga ai aprat e, masha a myit marin ai hku n hkan ai sha, Karai Kasang a myit hpe hkan nang lu myit ga, nanhte mung dai myit hpe nan, hpyen palawng zawn ahpun da nga mu.

1 YAWHAN 3:2

Tsawra ai ni e, Karai Kasang a kashu kasha ni, anhte ya e rai nga ga ai rai nna, anhte hpa mi tai na, garai n dan pru nga ai: rai timung, shi dan pru nga yang, anhte shi hte bung na ga ai, anhte chye ga ai: kaning rai nme law, shi hkum hpe nan anhte mu lu na gaw ai.

SHINGRAN 2:17

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, makoi da ai manna hpe mung, ahpraw nsan ai lungdin hpe mung, ngai jaw na nngai: dai lungdin hta amying ningnan ka da nga ai rai nna, dai hpe lu la ai wa hta kaga, kadai mung dai amying hpe n chye ya lu ai.