KOLOSE 3:23 - Jinghpaw Hanson Version Bible

²³ Dai madu a lata na, sali wunli ngu ai shabrai hpe nanhte nhtang hkam la na chye nga myit dai majaw, hpa galaw yang mung, masha a matu galaw ai zawn n rai,

Jinghpaw Common Language Bible 2009

²³ Nanhte hpa galaw ti mung, masha a matu galaw ai zawn n rai, Karai Kasang a matu galaw ai zawn, nanhte a myit masin yawng hte ashaja nga mu.

KOLOSE 3:23 ပူးပေါင်းရင်းမြစ်များ

2 HKAWHKAM LABAU 31:21

Shi a Karai Kasang hpe hkan tam let, Karai Kasang a nta e daw jau ai amu, jep ai tara hte seng ai amu, hkang da ai ga hte seng ai amu, hpa lam mung galaw hpang yang, myit masin mahkra hte galaw nna, awng wa lu ai.

SHAKAWN KUNGDAWN 103:1

Nye a myit masin e, Yehowa hpe sha-a nga u, Nye kraw lawang mahkra e, shi a chyoi pra ai amying nsang hpe sha-a nga mu.

SHAKAWN KUNGDAWN 119:10

Nye myit mahkra hte, ngai nang hpe tam ni ai; Nang htet da ai ga hpe ngai n lai n ga.

SHAKAWN KUNGDAWN 119:145

Nye a myit mahkra hte ngai shaga nga nngai; Yehowa e, ngai hpe htan ya e; Na a ga madat hpe ngai hkan nang nga na nngai.

SHAKAWN KUNGDAWN 119:34

Chye chyang ai myit ngai hpe jaw rit law; Shaloi na a tara hpe myit ting hte hkan nang na nngai.

HPAJI NINGLI 9:10

Nang galaw ang ai amu, hpa rai timung, tsam mari galaw u; kaning rai nme law, nang yu wa na ra ai katsan ga hta e, amu bungli, maw mawn ai, chye chyang ai hte hpaji hparat hpa mung n nga ai.

YEREMIA 3:10

Dai daram yubak law nga timung, myit magaw ai, shi a kana Yuda gaw, myit masin mahkra hte n rai, sawt ai hte sha, ngai hpang de wa ai, nga nna Yehowa tsun ai.

MAHTE 6:16

Bai, nanhte lusha gam nga myit yang, sawt ai masha ni zawn, nanhte a myi man hpe hkum kabyi myit; masha ni a man e shanhte a lusha gam ai dan lu u ga, shanhte gaw tinang a myi man hpe jasum ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

ROMA 14:6

Nhtoi hpe ginhka yu ai wa gaw, dai Madu a lam majaw ginhka yu nga ai: sha ai wa gaw, Karai Kasang hpe shakawn kungdawn nga ai majaw, dai Madu hpe dum let sha nga ai; n sha ai wa mung, dai Madu hpe dum let n sha nga ai rai nna, Karai Kasang hpe shakawn kungdawn nga ai.

ROMA 14:8

Hkrung nga yang gaw, dai Madu a lam anhte hkrung nga ga ai; si wa yang mung, dai madu a lam anhte si wa ga ai. Dai re ai majaw, hkrung timung si timung, dai Madu hte anhte seng nga ga ai.

EHPESU 5:22

Numsha ni e, dai Madu hpe daw nga ai zawn, tinang madu wa a hkang ai hku hkan nga mu:

KOLOSE 3:17

Nanhte hpa lam galaw myit yang, mung sumtu hta rai timung, magan bungli hta rai timung, Madu Yesu a amying nsang hpe gang let, yawng mayawng hte hpe a galaw nga nna, shi a marang e Kawa Karai Kasang hpe shakawn kungdawn nga mu.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 2:13

Dai madu a marang e, masha hta na san tawn da ai aya shagu a npu e, a taw nga mu;

1 PETRU 2:15

kaning rai nme law, kaja ai bungli shachyen let, myit n gring ai ni a n chye n chyang ai ga hpe nanhte jasim lu na gaw, Karai Kasang myit da ai hku rai nga ai.