KOLOSE 3:2 - Jinghpaw Hanson Version Bible

² Ga ntsa arai ni hpe myit hkum manoi myit; ntsa na arai ni hpe myit manoi nga mu.

Jinghpaw Common Language Bible 2009

² Ga ntsa e nga ai arai ni hpe n manoi nga ai sha ningtsa na arai ni hpe myit manoi nga mu.

KOLOSE 3:2 ပူးပေါင်းရင်းမြစ်များ

1 HKAWHKAM LABAU 22:19

Dai re ai majaw, nanhte a Karai Kasang Yehowa hpe hkan tam na nga, myit masin hte kraw lawang mahkra hpe shaja mu: rawt mu, Yehowa a mying ningsang a matu galaw na ra ai nta hta, Yehowa a ga shaka sumpu hte Karai Kasang a chyoi pra ai arai ni hpe jashawn na matu, Karai Kasang Yehowa chyoi pra ai nta hpe galaw da mu, ngu mu ai.

1 HKAWHKAM LABAU 29:3

Dai hta kaga, Karai Kasang a nta hta nye a myit manoi nga ai hte, ngai hkum nan lu ai aja gumhpraw sut rai naw nga ai majaw, nye a Karai Kasang a chyoi pra ai nta matu, ngai mahkawng da ai hta n-ga,

SHAKAWN KUNGDAWN 62:10

Kashun kashe ai hpe hkum machyu myit, Shanyen la lu ai majaw myit hkum gumrawng myit. Sut su yang dai hta myit hkum noi myit.

SHAKAWN KUNGDAWN 91:14

Ngai hta shi kanan nang nga ai majaw, Ngai shi hpe mawai la na we ai; Nye a amying hpe chye nga ai majaw, Ngai shi hpe makawp maga na we ai.

GA SHAGAWP 23:5

Hpa n re ai hpe nang azi yu nga n ni? Sumsing lamu de pyen mat wa ai langda zawn, Gaja wa sutgan gaw singkaw tu nga ai.

HPAJI NINGLI 7:14

Ngamu ngamai ai aten e kabu gara nga mu; matsan mayan hkrum ai aten e sumru yu nga u; gaja wa, shinggyim masha gaw, tinang a hpang e hpa byin na ra ai hpe, n chye sawn lu hkra, Karai Kasang gaw dai lam lahkawng hpe kapyawn tawn da wu ai.

MAHTE 16:23

Shi mahtang kayin nhtawm Petru hpe, “Satan e, nye hpang de sit mat wa u; Karai Kasang hte seng ai lam n rai, masha hte seng ai lam hpe sha nang myit nga ndai majaw, nye a matu myit kataw shara nang rai nga ndai,” ngu nna tsun wu ai.

MAHTE 6:19

Manut hte nhkan e sha jahten nna, lagu lagut ni tawk htu nna lagu la lu ai, dinghta ga a ntsa e, nanhte a sutgan hpe hkum mahkawng da mu.

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 16:11

N tara ai sutgan hta pyi nanhte kangka n rai lu myit yang gaw, dai dingman ai sutgan hpe, nanhte hpe kadai mi kam ap ya na myit ta?

HPILIPI 1:23

Lam lahkawng a hpatwat e ngai rai nga nngai: lai nna Hkristu hte rau nga na, ngai ra nga nngai: dai gaw grau kaja nga ai;

KOLOSE 3:1

Dai rai nna, nanhte Hkristu hte rau bai rawt nga ai teng myit yang gaw, Hkristu gaw Karai Kasang a hkra maga e dung nga ai shara na ntsa arai ni hpe a tam nga mu.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu: