KOLOSE 3:16 - Jinghpaw Hanson Version Bible

¹⁶ Hkristu a mungga gaw hpaji byeng-ya amyu myu hte nanhte hta n taw n tsang ashanu nga u ga: shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum jahprang nga let, nanhte a kraw lawang hta Karai Kasang hpe mahkawn mangoi nga mu.

Jinghpaw Common Language Bible 2009

¹⁶ Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

KOLOSE 3:16 ပူးပေါင်းရင်းမြစ်များ

1 HKAWHKAM 3:28

Hkawhkam wa hparan jeyang ya ai lam Israela masha ni yawng na shajang ma ai; tara dara na lam hta dingman ai hku hkan lu hkra, Karai Kasang a hpaji byeng-ya shi hta rawng nga ai gaw shanhte dum chye ma ai majaw, hkawhkam wa hpe hkrit hkungga ma ai.

1 HKAWHKAM LABAU 25:7

Shanhte hte shanhte a kahpu kanau ni hte hpawn, Yehowa hpe mahkawn mangoi na hpaji lu ai ni yawng hte gaw, marai ni tsa e matsat shi matsat rai ma ai.

NEHEMIA 12:46

Kaning rai nme law, moi Dawi hte Asap aprat hta, mahkawn mangoi ai ni hpe up ai wa hte, Karai Kasang hpe shakawn kungdawn na matu, mahkawn mangoi ga, rai nga ai.

YOBA 23:12

Shi n-gup na htet da ai ga, ngai n lai kau nngai; ngai ra ai lam hta, shi tsun ai ga hpe ngai grau sharawng nngai;

SHAKAWN KUNGDAWN 119:11

Ngai nang hpe n shut n hpyit n ga, Na a ga hpe, nye a myit hta, ngai bang da se ai.

SHAKAWN KUNGDAWN 119:54

Ngai manam rai nga ai nta hta e, Na a ga madat, nye a mahkawn ga tai nga ai.

SHAKAWN KUNGDAWN 138:1

Nye a myit masin mahkra hte, ngai nang hpe shakawn na nngai; Hpara ni a man e, Ngai nang hpe mahkawn mangoi na nngai.

SHAKAWN KUNGDAWN 28:7

Yehowa gaw nye a n-gun hte n-gang rai nga ai, Shi hta nye a myit shingbyi nga nna ngai karum ai hkrum ni ai. Dai majaw nye a myit awng nga nna, Mahkawn mangoi let ngai shi hpe chyeju jaw na nngai.

SHAKAWN KUNGDAWN 32:7

Nang gaw nye a makoi magap shara rai nga ndai, Ru tsang ai lawt u ga, nang ngai hpe sin nga ndai: Padang nlaw mahkawn ga hte nang ngai hpe kawan da ni ai. [Selah.]

SHAKAWN KUNGDAWN 71:23

Nang hpe mahkawn mangoi nga yang, Nye a n-gup hte, nang hkye hkrang la ai nye a amyit masin gaw, Ja ja kabu nna jahtau na ra ai.

GA SHAGAWP 14:8

Tinang sa wa ai lam chye lu ai gaw, myit su ai wa a hpaji rai nga ai; Angawk ai ni maw ai lam chyawm gaw, hkalam ai hkrai rai nga ai.

GA SHAGAWP 18:1

Tinang hkrai lak nga ai wa gaw, tinang myit machyu nna, Zai byeng-ya lam shagu hte n hkrak nga ai.

Shawlumon A Mahkawn Ga 1:1

Mahkawn mangoi ga mahkra hta, grau htum ai Shawlumon a mahkawn mangoi ga.

ESAIA 10:2

n teng n man ai tara tawn da ai ni hte, myit magaw ai laika ka da ai chyare ni gaw, dingnye lu ma ai.

ESAIA 26:1

Dai shani e, ndai mahkawn mangoi ga, Yuda mung hta e mahkawn mangoi na ra ai: Anhte gaw ngang ai mare lu ga ai; shi gaw bunghku hte langchyi a malai, hkye hkrang la ai chyeju san da wu ai.

ESAIA 30:29

Chyoi pra ai poi galaw ai shana e zawn, nanhte mahkawn mangoi na marin dai; Israela lunghkrung ngu ai, Yehowa a bum de sumpyi dum let lung wa ai zawn, kabu gara na myit dai.

ESAIA 5:1

Ngai tsawra ai wa a tsabyi sun hpe lakap nna, tsawra ai wa hpe mahkawn mangoi ga, ngai mahkawn n-ga. Ngai tsawra ai wa gaw sau kawng e tsabyi sun langai mi lu ai:

YEREMIA 15:16

Zaw nawng zaw wa up ai Karai Kasang Yehowa e, na a mungga hpe ngai mu hkrup nna, sha kau se ai; ngai gaw na amying mying ai wa rai nga ai majaw, na a mungga gaw nye a kabu gara shara hte, nye myit sharawng awng ai lam, tai wa sai.

MAHTE 26:30

Dai hpang mahkawn mangoi ngut jang, shanhte gaw Tsanlun bum de pru sa wa ma ai.

LUKA 2:51

Shi chyawm gaw shan hte rau yu wa nna, Nazaret mare de du wa ai: shan a npu e mung shi taw nga ai: shi a kanu gaw dai ga mahkra hpe shi kraw hta matsing da wu ai.

YAWHAN 15:7

Nanhte ngai hta noi nga nna, nye ga mung nanhte hta noi nga ai rai yang gaw, nanhte hpa hpyi mayu yang hpyi mu, hpyi ai hte maren nanhte e madat ya na ra ai.

ROMA 10:17

Dai rai nna, kamsham ai gaw na la lu ai kaw nna, na la lu ai mahtang gaw Hkristu a mungga a majaw pru wa ai.

ROMA 15:14

Nye a hpunau ni e, nanhte nan lala kaja htum ai hte hpring tsup nga nna, chye chyang ai amyu myu htak rai nga ai hte, nanhte shada da sharin jep lu myit dai hpe, nanhte a lam ngai hkum nan kam da made ai.

1 KORINHTU 14:15

Shaloi kaning rai na rai ta? Nye a wenyi hte ngai akyu hpyi nna, nye a myit hte mung akyu hpyi na nngai; nye a wenyi hte ngai mahkawn mangoi nna, nye a myit hte mung mahkawn mangoi na nngai.

1 KORINHTU 14:26

Shaloi, hpunau ni e, kaning rai na rai ta? Nanhte zuphpawng nga myit yang, langai hte langai shakawn kungdawn ga, sharin achyin ga, shingran ga, ga amyu myu hte ga amyu a lachyum shapraw ai ga lu la shajang mai nga ai: lam shagu gaw shadaw shangang na matu byin nga u ga.

EHPESU 1:17

Anhte a Madu Yesu Hkristu a Karai Kasang ngu ai, hpung shingkang a Kawa gaw, shi hkum nan hpe chye chyang lu mu ga, hpaji byeng-ya hte shingran shapraw ai Wenyi nanhte hpe jaw ya u ga hte;

EHPESU 5:17

Dai rai nna, angawk angak re ai ni hkum tai myit; dai Madu a myit ra ai lam, hpa rai nga ai gaw, chye ginhka nga mu.

EHPESU 5:19

shakawn kungdawn ga, mahkawn mangoi ga, Wenyi hte seng ai laka ga hte shada da tsun nga let, nanhte a kraw lawang hta dai Madu hpe mahkawn mangoi nga nna, mahku shangwi nga mu:

EHPESU 5:26

Dai Hpung hpe hka hte mungga e hka shin kau ai hte jasan jaseng kau nhtawm, dai hpe shachyoi shapra nna, agang chyalang hte kapum kapam re ai hpa mung n lawm ai sha,

KOLOSE 1:28

Masha shagu hte hpe Hkristu a man e hkum tsup ai hte jashawn lu u ga, shi a lam anhte hkaw dan nna masha shagu hpe shadum jahprang ai hte, masha shagu hpe hpaji byeng-ya amyu myu hte sharin shaga nga ga ai.

KOLOSE 1:9

Dai re ai majaw, anhte mung na yu lu ai shani kaw nna, nanhte a matu mara akyu hpyi na, n sim n sa rai nga ai hte: Wenyi hte seng ai hpaji byeng-ya hte nyan amyu myu hta shi a myit mang ai a chye chyang ai lam hte nanhte hpring chyat lu nna,

KOLOSE 4:6

Langai hte langai hpe kaning rai htan lu na chye lu u ga, nanhte a ga hta galoi mung chyeju lawm nga nna, jum hte a shum nga u ga.

1 HTESALONI 1:8

Kaning rai nme law, nanhte kaw na dai Madu a mungga gaw, Makedoni mung hte Ahkaia mung e kajai gumhkawng wa ai sha n-ga, Karai Kasang kaw ang wa ai, nanhte a makam masham gaw, shara shagu hkan e chyam wa sai rai nna, anhte gaw hpa mi tsun, shara mung n nga ai.

1 HTESALONI 4:18

Dai re ai majaw, ndai ga hte nanhte shada da shangwi shapyaw hkat nga mu.

2 HTESALONI 3:15

Rai timung, hpyen wa zawn shi hpe hkum nawn mu; hpunau wa hpe zawn shi hpe shadum jahprang nga mu.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

2 TIMOHTI 3:15

nang hpe hpaji byeng-ya jaw lu ai chyoi pra ai Chyum laika ni hpe ma kaji prat kaw nna nang chye nga nit dai hpe mung, adum nga let, nang sharin la nna myit tawng da ai lam ni hta, agrin nga u.

TITU 3:6

anhte a ntsa e n taw n tsang ru bun ya ai Chyoi pra ai Wenyi e myit ningnan galai ya ai hte e, shi anhte hpe hkye hkrang la mi ai:

YAKU 1:5

Nanhte hta na marai langai ngai hpaji byeng-ya kadawn nga yang gaw, n jet kau ai sha, nlang hte hpe ndaw nhta a jaw nga ai Karai Kasang kaw, hpyi nga u ga; shaloi shi lu la na ru ai:

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

YAKU 5:13

Nanhte hta langai ngai nji nmu hkoi hkrum nga myit ta? shi akyu hpyi nga u ga; langai ngai myit pyaw nga a yang gaw, shi mahkawn mangoi nga u ga.

1 YAWHAN 2:14

Ma kaji ni e, dai Kawa hpe nanhte chye nga myit dai majaw, ngai nanhte hpe ka dat masade ai. Ji wa ni e, shawng npawt kaw nna nga nga ai wa hpe, nanhte chye nga myit dai majaw, ngai nanhte hpe ka dat masade ai. Shabrang ni e, nanhte n-gun ja myit dai rai nna, Karai Kasang a mungga gaw, nanhte hta rawng nga ai hte, ndai n hkru ai wa hpe dang kau myit dai majaw, ngai nanhte hpe ka dat masade ai.

1 YAWHAN 2:24

Shawng npawt kaw nna nanhte na yu ai lam gaw, nanhte hta anga nga u ga. Shawng npawt kaw nna, nanhte na yu ai ga hte nanhte hta anga nga myit yang gaw, nanhte mung dai Kasha yan Kawa hta e anga nga na marin dai.

1 YAWHAN 2:27

Nanhte hta chyawm gaw, shi kaw nna nanhte lu la ai nam man chya ai chyeju gaw, anga nga ai rai nna, kadai wa mi nanhte hpe sharin shaga lu na shara n nga ai. Rai timung, shi a namman chya ai chyeju gaw, lam shagu hta e nanhte hpe sharin shaga nga ai hte, dai gaw tengman nga ai rai nna, masu ai hpa n lawm ai sha, nanhte hpe sharin shaga nga ai hte maren, shi hta e nanhte anga nga myit dai.

2 YAWHAN 1:2

prat dingsa e anhte hta e anga nga lu na tengman ai ga a majaw, dai tengman ai lam hpe chye chyang ai ni nlang hte mung, shanhte hpe tsawra mu ai.

SHINGRAN 14:3

Shanhte gaw, dai tingnyang man e mung, dusat amyu mali hte salang ni a man e mung, mahkawn ga ningnan zawn mahkawn mangoi nga ma ai: ga ntsa na mari la hkrum sai ni, ngu ai, masha sen mi mun mali e hkying mali hta kaga, dai mahkawn ga hpe kadai mung n sharin la lu ma ai.

SHINGRAN 15:3

Shanhte gaw Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi let, “Chyahtum chyalai n-gun rawng ai Madu Karai Kasang e, na a magam bungli gaw kaba htum ai hte mauhpa rai nga ai: Ju majat prat janat na Hkawhkam wa e, na a magam lam ni gaw dinghpring ai hte tengman ai hkrai rai nga ai;

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,