KOLOSE 3:15 - Jinghpaw Hanson Version Bible

¹⁵ Nanhte a myit masin hta e mung, Hkristu a ngwipyaw ai lam a up nga u ga: shing rai hkumhkrang langai sha hte nanhte hpe shaga la manit dai; dai hta n-ga chyeju adum nga mu.

Jinghpaw Common Language Bible 2009

¹⁵ Hkristu jaw ya ai ngwi pyaw ai gaw nanhte a myit masin hta e a-up nga nna, dai gaw nanhte a daw dan hparan ai lam ni hta lam matsun madun nga u ga, hpa majaw nga yang, dai ngwi pyaw ai lam hpe hkam sha lu na matu Karai Kasang gaw nanhte hpe hkum hkrang langai sha hku shaga la manit dai; dai re ai majaw chyeju adum nga mu.

KOLOSE 3:15 ပူးပေါင်းရင်းမြစ်များ

SHAKAWN KUNGDAWN 100:4

Shi a chyinghka de chyeju dum let shang mu, Shi a wang hta e shakawn kungdawn let shang mu; Shi a chyeju dum nna shi a amying nsang hpe sha-a mu.

SHAKAWN KUNGDAWN 107:22

Shanhte gaw shakawn hkungga nawng jaw nna, kabu gara ai nsen hte shi a bungli hpe hkai dan nga mu ga.

SHAKAWN KUNGDAWN 116:17

Shakawn kungdawn hkungga ngai nang hpe jaw nna, Yehowa a amying ningsang hpe shaga na nngai.

SHAKAWN KUNGDAWN 29:11

Yehowa shi a amyu hpe n-gun shaja na ru ai; Yehowa shi a amyu hpe ngwipyaw ai hte shaman ya na ru ai law.

ESAIA 26:3

Myit maju jung ai wa gaw, nang hta shamyet shanat nga ai majaw, nang ban sa nga shangun wu ai.

ESAIA 27:5

Shing n rai, shi nye a n-gun hta hpa nna, ngai hte jinghku hku u ga, rai sa, ngai hte jinghku hku u ga.

ESAIA 57:15

Kaning rai nme law, Htani htana anga nga nna, Chyoi pra mying ai wa, Matsaw Ntsang na Daru Magam rawng ai wa gaw, ning nga ai: “Ngai gaw tsaw htum ai shara hte chyoi pra htum ai shara hta shanu nga nna, myit gyip ai wa a wenyi hpe shalan shabran na matu mung, myit nem ai wa a myit masin hpe shalan shabran na matu mung, myit nem ai wa hte myit gyip ai wa hte rau, ngai shanu nga nngai.

ESAIA 57:19

N-gup a asi hpe ngai hpan da nngai; sumtsan mung na wa hta mung, ni nga ai wa hta mung, ngwipyaw lam, gaja wa, ngwipyaw lam, rai nga u ga; ngai shi hpe shamai shatsai na nngai,” nga nna Yehowa tsun ai.

YONA 2:9

Be be lila masu ai lam hpe awlaw ai ni gaw, Tinang nang a chyeju lam, kau da shajang ma ai.

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

ROMA 1:21

Shanhte Karai Kasang hpe chye chyang ninglen, Karai Kasang hpe shagrau sha-a ang ai hte maren, n shagrau n sha-a ma ai hte, shakawn kungdawn mung n rai ma ai; shanhte a myit mang ai lam gaw, kaman lila sha rai mat malu ai rai nna, shanhte a n gring ai myit gaw, sin mak mat malu ai.

ROMA 14:17

Kaning rai nme law, Karai Kasang a mungdan gaw, sha sha, lu lu rai na hku n re ai sha, Chyoi pra ai Wenyi e, dinghpring ai, ngwipyaw ai hte kabu gara ai, rai nga ai.

ROMA 15:13

Ya, Chyoi pra ai Wenyi a n-gun atsam hte myit mada ai lam hta nanhte gumring gumrat rai wa myit ga, myit mada npawt rai nga ai Karai Kasang gaw, kamsham ai lam hta e, chyeju hte ngwipyaw ai amyu myu nanhte hpe jahpring shatsup ya myit ga law.

ROMA 5:1

Shing rai, kamsham ai hte dinghpring wa lu ga ai majaw, anhte a Madu Yesu Hkristu a marang e, anhte Karai Kasang hte mahku mara rai ga ai:

1 KORINHTU 10:17

Kaning rai nme law, anhte law law wa rai ga timung, muk tawng langai sha rai nga ai hte, anhte yawng dai muk tawng langai sha hta jawm sha ga ai majaw, anhte hkumhkrang langai sha rai nga ga ai.

1 KORINHTU 7:15

Rai timung, dai n kam n sham ai wa gaw hka wa mayu yang, hka wa u ga: hpunau lasha hte numsha gaw shing re ai hta hkum da shara n nga nga ai rai nna, Karai Kasang gaw anhte hpe ngwipyaw ai hte shaga da ma ni ai.

2 KORINHTU 4:15

Kaning rai nme law, masha law law ni a gawp e chyeju gaw jat wa ai majaw, shakawn kungdawn ai ga gaw Karai Kasang a hpung shingkang matu mara law htam wa u ga, yawng mayawng gaw nanhte a matu mara rai nga ai.

2 KORINHTU 9:11

N daw n hta jaw lu hkra, lam shagu hta e nanhte sut su ai hkrum manit dai rai nna, dai gaw anhte a lata e, Karai Kasang hpe shakawn kungdawn na lam tai wa na ra ai.

EHPESU 4:16

shi kaw nna, dai hkum ting gaw, hkrihkraw lamyi ni yawng lanawn ya ai a marang e, matut manoi htuk nna shachyaw nga let, daw shan ni langai hte langai shachyen lu ai hte maren, tsawra ai hta de shatup hkra, tinang kung kaba wa ai lam, dai hkumhkrang gaw shabyin wu ai.

EHPESU 4:4

Nanhte hpe shaga la ai lam hta, myit mada shara langai sha de, shaga la manit dai hte maren, hkumhkrang langai sha hte Wenyi langai sha rai nga ai:

EHPESU 5:1

Shing rai, tsawra nga ai kashu kasha hte maren, Karai Kasang a samnang ai ni tai nga mu.

EHPESU 5:20

anhte a Madu Yesu Hkristu a amying nsang gang nna, Kawa Karai Kasang hpe tutnawng e lam shagu a matu, a shakawn kungdawn nga mu:

KOLOSE 1:12

nhtoi hta rawng nga ai chyoi pra ai ni a sali wunli a daw mi dagraw lu myit ga, nanhte hpe ging dan shangun ai Kawa kaw shakawn kungdawn na rai timung, anhte hpyi nem nga ga ai.

KOLOSE 2:7

shi hta e ru jung nna gaw da nga ai hte, nanhte sharin achyin la ai hte maren, nanhte a makam masham hta ngang ngang hkang hkang rai nga let, dai hta e shakawn kungdawn ai hte law htam wa mu.

KOLOSE 3:17

Nanhte hpa lam galaw myit yang, mung sumtu hta rai timung, magan bungli hta rai timung, Madu Yesu a amying nsang hpe gang let, yawng mayawng hte hpe a galaw nga nna, shi a marang e Kawa Karai Kasang hpe shakawn kungdawn nga mu.

1 HTESALONI 5:18

kaning rai nme law, dai gaw Hkristu Yesu hta e nanhte a lam Karai Kasang a myit ra ai hku rai nga ai.

1 TIMOHTI 2:1

Dai re ai majaw tara hkungga nna sun ang ai lam amyu myu hpe hkan galaw lu let, anhte ngwipyaw ai hte sumnung shingdi ai hta hkrung nga lu hkra, shinggyim masha mahkra a matu mara mung,

1 TIMOHTI 6:12

Dai makam masham hte seng ai mai kaja ai gasat gala ai hpe a gasat nga u: htani htana na asak hpe magra noi nga u: dai hta e nang hpe shaga la nna, sakse law law ni a man e mai kaja ai sakse nang hkam ya nit dai.

HEBRE 13:15

Dai rai nna, Karai Kasang a mying ningsang kajai tsun hkai nga ai n-gup n-gau a asi ngu ai shakawn kungdawn hkungga hpe anhte Yesu a gawp e, Karai Kasang kaw tutnawng e nawng ya nga ga.

SHINGRAN 7:12

Amen: Shakawn kungdawn ai, hpung shingkang, hpaji byeng-ya, mahkawn shagrau ai, arawng sadang, hpung shingkang hte n-gun lagaw gaw, htani htana prat dingsa e, anhte a Karai Kasang kaw anga nga u ga law, Amen, nga nna tsun ma ai.